Ebərəje 11:6 - Mbede Lə Luba Kone Gə Sigi

⁶ Be ɓa ɓo takagə godo nama ɗəw gə dəw a ta ne kəm-e godo tɔ. Dəw gə njigi ɗəm gə rɔ Luba gə nama may kar takagə to gə n-ga̰ ngaɓa nje gə ꞌsang-e nama nuga dɔji-je.

Testament ke Siki 1960 (Kabba Laka)

⁶ Tokou ko mè té goto, ase ta dé madji kem Allah té ang, mbata doou ke ndiki ta dé ngosiba ke Allah, nase ta ko mèa té ke nè nisi ke nè nto ndjè kouka dèdè ke nsangè.

Ebərəje 11:6 Iomraidhean Croise

Matiye 11:26

Oyo, Bɔy, mba ꞌnjigi kar neje to to gə be gə go məmay lə-i.

Matiye 5:12

ꞌƊa-je rɔləl ngaɓa ar-je rɔ-si ndɔɔ, mba ne dɔ ji lə-si a bo ya̰ mə dara gə, pajambərəje lə Luba gə kede ja kara d-ula kəm-je ndoo to gə be tɔ.

Matiye 6:16

Logə ꞌtɔlje mə-si ɓo ɗaa, ꞌɗaje kəm-si to ndoo ang, to gə njetar mulaje gə ɗa kəm-je to ndoo ɓa gə mba tɔji ne dəwje to gə ꞌtɔl mə-je ɓo. Tɔgərɔ ja, m-pa m-ar-si to gə d-inga nekuga dɔ ji-je nam.

Matiye 6:33

ꞌSangəje ɓeko̰ lə Luba gə gadə-gadə ja dɔngɔr ɗaa neje gə sisəy aw-je ndoo-e nee le, Luba a kar-si dɔ-ɛ gə.

Matiye 6:5

Logə aw dəji-je Luba nama, əwje rɔ-si ɗaje to gə njetar mulaje be, mba ꞌjeje le ꞌnjigi kar taar mə kəy nendo gə lə Jiibije, gə kar taar mbɔr ɗəw boo ɓa dəji Luba mba tɔji ne rɔ-je kəm dəwje gə. M-pa tar gə tɔgərɔ ja m-ar-si to gə d-inga kuga lə-je nam ngaa.

Marəke 16:17

Oje netɔji gə a kuwa go nje d-a ta kagə le ɓa nee: D-a tɔbə njilje gə kṵra̰y gə ri-m; d-a pa tar gə ndo̰ tarje gə sigi;

Lugu 12:31

ꞌSangəje Ɓeko̰ lə Luba ɓa, Luba a kar-si neje gə kɛm dɔ mar-ɛ gə.

Lugu 6:35

Ngaa sisəy le, ꞌnjigije njeba̰a̰je lə-si, ꞌɗaje may ngaɓa ar-je ꞌtuna si ne lal kunda mə-si kəne. Nekuga dɔ ji lə-si a bo ya̰ ngaɓa a toje nganje lə Nje kisi sam dara gə, mba ꞌNe le n-ɗa məmay gə nje ɗa gasəraje nəm gə njeməndulje nəm tɔ.

Jean 14:6

Jeju pa ar-ɛ na: ꞌMa ja m-to gə ɗəw, gə Tar gə tɔgərɔ gə təbə. Dəw kara kara a kasə kaw rɔ Bɔy gə lal ce gə ɗəw gə ɓe lə-m ꞌma ang.

Jean 8:24

Gəl-e gə nee ɓa, m-pa m-ar-si to gə a kuyje dan neɗaje gə kṵra̰y lə-si; to gə ɓo ꞌta-je kagə to gə, ꞌma, m-ga̰ ang nama, a kuyje dan neɗaje gə kṵra̰y gə lə-si.

Romaindjé 10:14

Dəw gə ꞌta kag-ɛ ang ja baa d-a kila ndu-je nangə ɓar-ɛ ne to gə ban wa? Ngaɓa dəw gə ꞌpa tar lə-a d-ar-je ang ja baa, d-a ta kag-ɛ to gə ban wa? Ngaɓa nje pa tar-ɛ godo ngaa d-a ko to gə ban wa?

Galatedjé 5:6

Mba dəw gə um naa gə Kirisi Jeju nam le, kunja bərə ose kunja bərə ang ɓa to gə ne ang, ngaa takagə gə tɔji rɔ-ɛ, gə njigi ɓa to gə ne.

Ebərəje 11:26

Moyiji o rɔ kul gə d-a kila dɔ Kirisi gə le to nekinga gə to ɓəəl unda nekingaje gə Ejipətə, mba n-unda m-e dɔ kuga gə lə Luba.

Ebərəje 3:12

Oje gə maj-ɛ ɓa, ngan ko̰-mje, kar dəw kara horo-si gə m-e ndul gə takagə lə-a godo ngaɓa mbadə Luba gə nje kisi kəm baa ang.

Ebərəje 4:2

Mba d-ila mbərə Tar gə May d-ar-sijee nəm, d-ila d-ar ꞌjejee nəm. Ngaa tar gə d-o-je le, kara kara ɗa kula rɔ-je ang, mba ꞌɗa mə kara gə nje gə d-o le dɔ takagə gə ang.

Ebərəje 4:6

Be ɓa, d-ɔr ta ɗəw d-ar nje gə kɛm kar d-andə kəne ja ngaa, nje gə Tar gə May nee oso mbi-je gə dɔngɔr ja d-andə kəne ang mba ko tar ang lə-je,

Ebərəje 7:19

Mba torondu ɗa ne kara ar-ɛ may pɛdə ang, ngaa ɔr ta ɗəw ar-si nekunda mə gə may mba kar j-aw ne gə rɔ Luba gə.

Ebərəje 7:25

Be ɓa dəwje gə ꞌce gə ɗəw gə rɔ-ɛ gə mba kaw ɓe lə Luba nama n-asə kar d-inga kaji gə gə ndɔ gə ndɔ, mba n-aw kəm baa gə ɓal-ɓal ɗaa n-aw n-dəji Luba taar-taar mba je.

2 Piyɛr 1:10

Gəl-e gə nee ɓa, ngan ko̰-m, undaje singa-si dɔ mar-ɛ gə ɔji dɔ ɓar gə Luba ɓar-si ngaɓa mbərə-si le, ɓo ꞌɗaje to gə be nama a koso-je dan neɗa gə kṵra̰y gə ang.

2 Piyɛr 1:5

Gəl-e gə nee le ɓa, undaje singa-si dɔ mar-ɛ gə, ar-je neje gə to nee ɔsə kudu naa dɔ takagə lə-si: Pa nja gə may ɔsə kudu takagə lə-si, negərə ɔsə kudu pa nja-si gə may,

2 Piyɛr 3:14

Gəl-e gə nee ɓa, sisəy gə m-njigi-si ya̰, uwaje rɔ-si ngang ar-ɛje n-ɗe n-inga-si gə rɔ gə arə ngadə ngaɓa kar tar uwa dɔ-si ang mba kar ɗɛgɛgɛ to ne horo-si gə gə Luba.

Apocalypse 21:8

Ngaa njeɓəəlje, nje məkədərəje, dəwje gə ngabula, nje tɔl dəwje, jərje, njembɛ̰je, nje polo magəje, gə nje tar gə ɗəgərəje tɔ̰y le, kar-je to dang pər gə o̰ bilim-bilim, gə dan sori gə: ye gə ne le to gə yo gə njekum gə joo.