Ebərəje 11:4 - Mbede Lə Luba Kone Gə Sigi

⁴ Ɗəw gə lə takagə ɓa Abɛl un ne nepolo gə to ɓəəl may unda kar Ka̰yi ar Luba; gə go ɗəb-e nee ja d-o-e ne gə dəw gə gadə-gadə, ar Luba ja kara pa tar naji dɔ nenuji gə lə-a ngaɓa ɗəw gə kara baa ne ja n-uy ja ngaa gə go takagə lə-a ɗaa, n-aw n-pa tar ja ɓi.

Testament ke Siki 1960 (Kabba Laka)

⁴ Deo ko mè té, Abel are Allah né polo ke madji wota Caïn, deoè té Allah pa tar nadji la ke nè nto gaté gaté, mbata nè ndiki gè ke né kare ba la. Nè noei, a deo ko mè té la nè nai mpa tar.

Ebərəje 11:4 Iomraidhean Croise

Matiye 23:35

Be ɓa tar məsə dəwje gə tar uwa dɔ-je ang gə um nangə uwa ne dɔ-si, un kud-e dɔ məsə Abɛl gə to dəw gə gadə-gadə saar ce ne dɔ məsə Jakari gə, ngon lə Berekiya, gə ꞌtɔl-ɛje horo kəy gə lə Luba gə no kɔgə gə.

Lugu 11:51

Un kud-e dɔ məsə Abɛl gə ce ne dɔ məsə Jakari gə ꞌtɔl-ɛ horo no kɔgə gə mə kəy gə lə Luba; tɔgərɔ, m-pa m-ar-si, Luba a dəji məsə-je ji gəl kuji gə nee.

Tite 1:16

ꞌƊa rɔ-je to to gə dəwje gə gərə Luba be ngaa kula ɗa-je gə kṵra̰y ja d-a gərə-je ne. ꞌToje yɛm gə nje dɔ ngangəje ngaɓa d-asə ɗa ne gə may kara ang.

Ebərəje 11:2

Gə go takagə lə nje gə ləw le ɓa ꞌpa ne tar naji lə-je gə maj-ɛ.

Ebərəje 12:1

Be ɓa sijee kara, bula bo njetar najije gugu dɔ-si, ɗaa ar-si j-a ɗisije nekodo gə neɗa gə kṵra̰y gə dəbə-si guburu le, ɗaa j-uwaje gədərə dan nena gə to no-si gə,

Ebərəje 12:24

Ar-je rɔ Jeju gə, nje gɔl tar kone gə sigi ngaɓa gə məsə gə ꞌtusu gə may unda kar Abɛl.

Ebərəje 5:1

Buba njekapolo gə ɗa-ɗa kara d-ɔr-ɛ horo dəwje gə ngaɓa d-unda gə njekula lə Luba ɔji dɔ dəwje, mba kar n-un nepolo gə nekarə mba neɗaje gə kṵra̰y.

Ebərəje 9:22

Be ɓa məsə togo neje tɔ̰y gə go ndu mba d-a kɔr tar dɔ dəw gə lal kay məsə nangə ang.

2 Piyɛr 2:8

mba ꞌne gə dəw gə gadə-gadə gə n-isi horo-je gə nee le, logə n-o neɗaje gə kṵra̰y lə-jə gə kəm-e ose gə mbi-a gə ndɔ-ndɔ ɗaa njil-e oso nangə ang.

Jude 1:11

Nekəmandoo to kar dəwje gə nee le, mba d-un kila ɗəw lə Ka̰yi; ꞌpa tar gə baa mba lar to gə Balam be; d-uy yo mbə to gə Kore uy yo dɔ kədərə be.