Ebərəje 11:26 - Mbede Lə Luba Kone Gə Sigi

²⁶ Moyiji o rɔ kul gə d-a kila dɔ Kirisi gə le to nekinga gə to ɓəəl unda nekingaje gə Ejipətə, mba n-unda m-e dɔ kuga gə lə Luba.

Testament ke Siki 1960 (Kabba Laka)

²⁶ Nè no né tadji ke ninga mbata Christ to né kinga ke boui wota né kinga ke Egypte té, mbata nè ngebe kouka la.

Ebərəje 11:26 Iomraidhean Croise

Matiye 10:41

Dəw gə uwa pajambərə gə rɔ-ɛ gə mba n-to njekula lə Luba nama nj-ɛ a kinga kuga to gə pajambərə tɔ, ngaɓa dəw gə uwa njeneɗa gə gadə-gadə gə rɔ-ɛ gə mba to dəw gə gadə-gadə nama a kinga kuga to gə njeneɗa gə gadə-gadə be tɔ.

Matiye 5:12

ꞌƊa-je rɔləl ngaɓa ar-je rɔ-si ndɔɔ, mba ne dɔ ji lə-si a bo ya̰ mə dara gə, pajambərəje lə Luba gə kede ja kara d-ula kəm-je ndoo to gə be tɔ.

Matiye 6:1

Jeju təl pa ja cibi, ꞌngomje rɔ-si dɔ neɗa gə gadə-gadə gə ꞌɗaje mba kəm dəwje, mba kar d-o ne si ja baa, be nama Bɔ-sijee gə isi dara le a kuga dɔ ji-si ang baa.

Lugu 14:14

A to njenokarə mba dəwje nee le d-a kasə kuga dɔ ji-i ang, ngaa Luba ja ɓa a kuga dɔ ji-i ndɔ gə dəwje gə gadə-gadə gə d-uy d-a ndol ne.

Lugu 14:33

Be ɓa, Jeju təl pa na: Dəw gə ɗa-ɗa ɓa horo-sisəy gə nee ɓo ḭya̰ go nekingaje lə-a ang nama, a to ngon njenendo lə-m ang baa.

Koula 5:41

Njeka̰ykulaje nee le d-ɔdə no ngɔ gangə tar gə lə Jiibije nee le gə rɔləl mba ko gə Luba oje to gə d-asə kar ꞌɗa-je məyɛr mba ri Mbayɓe.

2 Corinthiendjé 12:10

Gəl-e gə nee ɓa rɔ-m lələ-m dɔ tɔgə godo gə, dɔ tajije gə, dɔ ndoo neje gə to-m gə, dɔ kula kəm ndoo gə, dɔ nekəmandooje gə gə ɔji dɔ Kirisi, mba logə tɔgə-m godo ja ɓa m-uba singa ɓi.

2 Corinthiendjé 6:10

d-ula wungu mə-si gə, ngaa rɔ-si ləl-si gə ndooje tɔ̰y, j-unda dəwje dan may gə ja ngaa d-o si gə njendooje, d-o si to gə dəwje gə ne lə-je godo, ngaa ja to bawje.

Ephésiendjé 1:18

May kar n-cɛ̰ kəji negərə lə-si n-ila tagə n-ar-si ꞌgərəje ɗi ɓa to gə ne kunda mə gə to ɔji dɔ nje gə n-ɓar-je, ɗi ɓa to gə nenduba lə-a gə gar-ɛ godo, gə to gə nebaw gə ri-a ɓar gə n-uwa dɔ gɔl-ɛ n-ɔji dɔ njerɔsangəje,

Ephésiendjé 3:8

ꞌMa gə m-to gə dəw gə m-to gə ne ang baa horo njerɔsangəje gə le, d-ar-m m-inga mənuji gə nee le m-ila ne mbərə nebaw lə Kirisi gə gar-ɛ godo, m-ar nje gə ꞌto gə Jiibije ang,

Philippiendjé 3:7

Ngaa neje nee gə to gə may lə-m le, m-o gə ne gə baa mba Kirisi.

Ebərəje 10:33

ꞌtaji-si gə d-ula kəm-si ndoo gadəmagay gə, ngaɓa ɗa gə ɗa si to gə be le, təl to gə mə kara gə ꞌɗaje gə nje gə ꞌɗa-je to to gə bənəng tɔ.

Ebərəje 10:35

Undaje mə-si gə maj-ɛ dɔ kuga gə lə-si, ɓo ḭya̰je go-e ang!

Ebərəje 11:6

Be ɓa ɓo takagə godo nama ɗəw gə dəw a ta ne kəm-e godo tɔ. Dəw gə njigi ɗəm gə rɔ Luba gə nama may kar takagə to gə n-ga̰ ngaɓa nje gə ꞌsang-e nama nuga dɔji-je.

Ebərəje 13:13

Be ɓa ar-si j-a ceje j-aw j-inga-aje gir ɓe gə ɗaga, j-ar d-ila rɔ kul dɔ-si gə to to gə ꞌne be tɔ.

Ebərəje 2:2

Mba to gə ɓo tar gə anjije pa ɓa ɗa kula nama, kal tar gə ɗa-ɗa gə kunda tar gə ɗa-ɗa kara d-a kuba tuj-e to gə tɔgərɔ,

1 Piyɛr 1:11

Njil Kirisi gə to mə-je gə le, pa ar-je kede nam to gə Kirisi a ko ꞌməsərə ngaɓa rɔnduba a kore go-e. Be ɓa Pajambərəje nee le ꞌsangə ɗəw gə mba gərə dɔ ndɔ gə neje nee le a ɗe ne ngaɓa a to to gə ban wa?

1 Piyɛr 4:14

To gə ɓo ꞌtaji-si mba ri Kirisi nama, ꞌtoje njenokarəje, mba Njil rɔnduba gə to Njil lə Luba nay gə si.

Apocalypse 2:9

M-gərə ne ur ti lə-i gə ndoo lə-i, ngaa ꞌto njenekinga, ɗaa tar paje gə kṵra̰y lə nje gə ꞌɗa rɔ-je gə Jiibije ngaa ꞌto Jiibije ang baa, ꞌto kəy nendo lə ꞌSu.

Apocalypse 3:18

M-ndəj-i mba kar-i ꞌndogo sə-m maa gə d-ula-a ndubu pədə d-ar ar yororo mba kar-i ꞌtəl ꞌto ne njenekinga, gə kubuje gə nda mba kar-i ula rɔ-i gə on ne lo rɔ kul lə-i, gə kam ngogula ila kəm-i gə mba kar-i o ne lo.