Ebərəje 11:13 - Mbede Lə Luba Kone Gə Sigi

¹³ ꞌJejee tɔ̰y gə d-uy ɗəw takagə gə lal kar d-inga neje gə d-uwa dɔ gɔl-ɛ ngaa d-o neje nee le dɔ ji ndə̰w̰ ngaɓa ꞌgərə to gə d-a ɗe ja, ꞌpa ne to gəꞌto mbaje gə nje kaw taarje dɔ nangə nee.

Testament ke Siki 1960 (Kabba Laka)

¹³ Dèdè nèn toï doei ke ko mè té, tokou dèdè nai dinga né ke ntòdè kendé ang bai, a dèdè do ke ndiki gè ke né ke to ndeo. Dèdè mpana dèdè nto ndjè mbaadjé ke ndjè kase loou do nange té nèn.

Ebərəje 11:13 Iomraidhean Croise

Matiye 13:17

Tɔgərɔ, m-pa m-ar-si, pajambərəje bula, gə dəwje gə gadə-gadə ꞌnjigi mba ko ne oje nee gə kəm-je ngaa d-o ang baa, ꞌnjigi ko tar neje nee gə mbi-je ngaa d-o tar-ɛ ang baa.

Jean 12:41

Tar gə nee le Ejay pa to gə be mba ꞌne n-o rɔnduba lə-a ngaɓa n-pa tar gə ɔji dɔ-ɛ tɔ.

Jean 8:56

Ka-sisəy Abəraham inga rɔləl unda ne m-e gə mba ko ndɔ ɗe lə-m: N-o ndɔ-ɛ le tɔ ɗaa, rɔ-ɛ ndɔɔ saw-saw.

Romaindjé 4:21

n-gərə ne gə nee ngadə ja to gə: ne gə Luba uwa dɔ gɔl-ɛ le, a tɔl t-ɛ gə singamongə lə-a ja tɔ.

Romaindjé 8:24

Mba j-inga kaji ja ngaa gə go nekunda mə, to gə dəw o ne nam ɓa unda m-e kəne nama to gə nekunda mə ang baa. Ne gə dəw o nda̰ nam le a kunda m-e kəne cibi wa?

2 Corinthiendjé 4:18

Neje gə kəm dəwje o ɓa sijee ja tɔsə kəm-si kəne ang baa, ngaa neje gə kəm dəwje o ang; neje gə kəm dəwje o le a nday, ngaa neje gə kəm dəwje o ang le to gə ndɔ gə ndɔ.

2 Corinthiendjé 5:6

Be ɓa, j-unda singa-si dɔ rɔ-si gə gə ndɔ tɔ̰y, ngaɓa j-a gərə to gə lo gə sijee ja nay darɔ gə ɓi le, j-ar əw gə Mbayɓe,

Ephésiendjé 2:19

To gə be ɓa, sisəy ꞌtoje gə mbaje ang nəm, gə dəwje gə d-ḭ dɔ ɓe gə ɗangə ang ngaa; ngaa ꞌtoje gə njebaɓeje lə njerɔsangəje, gə njeməkəyje lə Luba.

Ebərəje 11:14

Nje gə pa tar to gə be le, tɔji ngadə gə dəwje gə d-aw ꞌsangə ɓe.

Ebərəje 11:17

Gə go takagə ɓa ꞌna ne Abəraham d-ar un ne Ijagə gə nepolo. ꞌNe gə d-uwa dɔ gɔl ne d-ar-ɛ le ja, ngon-e gə to ngon kara baa ja, ngaa n-un-e gə nepolo,

Ebərəje 11:27

Gə go takagə ɓa Moyiji ɓəəl ne wungu lə mbay ang, n-ɔdə ne Ejipətə; mba n-uwa ngəng, to to gə n-o ne gə kəm dəw o ang be.

Ebərəje 11:39

Be ɓa ꞌjejee nee tɔ̰y gə ꞌpa tar naji lə-je gə maj-ɛ ɗəw takagə lə-je nee le, d-inga ne gə d-uwa dɔ gɔl-ɛ d-ar-je le ang.

1 Piyɛr 1:1

ꞌMa Piyɛr, njeka̰ykula lə Jeju Kirisi, m-ɗa mbede nee m-ar nje gə Luba mbərə-je, gə ja̰rɛ̰ naa gə mbaje dɔ nangə gə Po̰, gə Galasi, gə Kapadosə, gə Aji ngaɓa Bitini,

1 Piyɛr 1:17

To gə ɓo nje kɔr kəm dəwje ang, gə gangə tar dɔ na-na gə kara gə go kula ɗ-ɛje le, ꞌɓar-ɛje Bɔ nama, may kar dɔ ndɔ kisi kəm baa gə lə-si dɔ nangə nee ja ꞌɓəəl-eje ɗəw pa nja-si gə.

1 Piyɛr 2:11

Ngan ko̰-m gə m-njigi-si ya̰, may kar-si ꞌgərəje to gə ꞌtoje nje kaw taarje ngaɓa gə mbaje dɔ nangə nee, ɗaa aje rɔ-si dɔ ɓo neje gə darɔ gə, gə d-aw ɗɔ gə si le.

1 Jean 3:19

Be ɓa, j-a gərə to gə j-ar dɔ tar gə tɔgərɔ, ɗaa j-a kila nee mə-si dɔ mar-ɛ po̰ no-ɛ gə,