Ebərəje 10:5 - Mbede Lə Luba Kone Gə Sigi

⁵ Gəl-e gə nee ɓa logə Kirisi a kaw ɗe dɔ nangə gə nee le pa na: Nepolo ta kəm-i ang nəm, nenuji ta kəm-i ang nəm; Ngaa ꞌi unda darɔ-m.

Testament ke Siki 1960 (Kabba Laka)

⁵ Mbata yèn, tokou Christ dé nange nèn, nè mpana, I ndiki né polo ke né kare ba ang, a i da rom arem.

Ebərəje 10:5 Iomraidhean Croise

Matiye 11:3

Se ꞌi ja ꞌto dəw gə a ɗe le ose j-a ngəbə dəw gə ɗangə wa?

Lugu 1:35

Anji le ila-a kəne na: Njil Njerɔsangə a ɗe dɔ-i gə, ngaɓa singamongə gə dara a dəbə-i gə njil. Gəl-e gə nee ɓa, ngon gə a kuj-e le a to ngon gə Njerɔsangə, d-a ɓar-ɛ Ngon lə Luba.

Lugu 7:19

ula-je rɔ Mbayɓe gə mba kar ꞌdəji-e: Se ꞌi ja ꞌto dəw gə a ɗe le ose j-a ngəbə dəw gə ɗangə wa?

Jean 1:14

Tar le təl rɔ-ɛ gə dəw, cibi ɓa isi horo-si gə mənuji gə tar gə tɔgərɔ ɗusu m-e tub-tub, ngaɓa sijee j-o rɔnduba lə-a, to to gə rɔnduba kar Ngon kara gə inga rɔ Bɔ-ɛje gə.

Galatedjé 4:4

Ngaa logə dɔ kar gə d-ɔji asə ɗaa, Luba ula ngon-e. Jene ɓa uji-e, ɗaa n-tɔgə gəl torondu gə.

1 Timoce 3:16

Cibi, ne gə to kəm kar ja gərə-je ɓa nee, negərə gə to ɓəəl ya̰ gə to lokiya ɓa takagə tɔji-si le ɓa nee: N-təl tɔji rɔ-ɛ gə dəw, N-tɔji rɔ-ɛ gə dəw gə gadə-gadə mə Njil gə, N-tɔji rɔ-ɛ n-ar anjije, D-ila mbərə lə-a horo dəwje gə ꞌgərə Luba ang Ta kag-ɛ gə dɔ nangə gə nee D-ila riɓar dɔ-ɛ gə.

Ebərəje 1:6

Cibi, logə n-a kaw kula ngon-e gə to dəər dɔ nangə nee ɗaa, n-pa na: May kar anjije lə Luba tɔy ja d-ɔsə takəji-je nangə no-ɛ gə

Ebərəje 10:10

Be ɓa gə go mə njigi gə nee le ꞌtogo-si ne, gə mbɔr dɔ darɔ Jeju Kirisi gə un gə nenuji, gɔl kara ja gə dɔbo̰.

Ebərəje 10:7

Be ɓa m-pa na: ꞌMa m-ɗe, ꞌƊa mə mbede gə ɔji dɔ-m Mba kar, əy Luba, m-ɗa mə njigi lə-i.

Ebərəje 10:8

N-pa kede nam: Nepolo ta kəm-i ang nəm, nenuji ta kəm-i ang nəm, nepolo gə ꞌɗo ang nəm, nepolo gə kar neɗa gə kṵra̰y, gə d-un gə go torondu le, ꞌi njigi ang nəm ngaɓa ta kəm-i ang nəm tɔ.

Ebərəje 2:14

Be ɓa mba nganje d-um naa gə kara ɗəw məsə gə ɗəw darɔ gə ɗaa, ꞌne kara to to gə be ja n-um ne gə je naa gə ɗəw kuy gə lə-a mba guru ne singa ꞌye gə singamongə yo to ji-a gə, gə to ꞌSɛ̰ngərɛ̰,

Ebərəje 5:7

ꞌNe ja, logə n-aw dɔ nangə nee taar ɓi le, n-uru ꞌkuwi ɓolong gə man no, gə n-dəji Luba ngaɓa n-ɗa ne ndoo no-ɛ gə mba kar t-ɛ ta yo gə. Be ɓa gə go kila kuji lə-a ɗaa Luba o ndu-e ja,

Ebərəje 8:3

Buba njekapolo gə ɗa-ɗa kara d-unda mba kar un nenuji gə nepolo, be ɓa may kar k-ɛ ꞌne gə n-a kun ga̰ ja tɔ ɓa.

1 Piyɛr 2:24

ꞌne gə n-unda dɔ-ɛ kede n-ta ne neɗaje gə kṵra̰y lə-si, n-uy ne dɔ kagə gə, mba kar-sijee gə ja to dəwje gə j-uy ɗəw neɗa gə kṵra̰y gə le, j-aw ne kəm baa ɔji dɔ neɗa gə dana gadə, ngaɓa do gə ninga le ɓa ajije ne kəbərə.

2 Jean 1:7

Be ɓa, nje kərə dəwje bula ꞌce dɔ nangə nee, ꞌjejee gə ꞌpa na Jeju Kirisi ɗe ɗəw darɔ ang. Oje dəw gə pa ta gə bənəng le to nje kərə dəwje, nje kəm tar lə Kirisi.