Ebərəje 10:33 - Mbede Lə Luba Kone Gə Sigi

³³ ꞌtaji-si gə d-ula kəm-si ndoo gadəmagay gə, ngaɓa ɗa gə ɗa si to gə be le, təl to gə mə kara gə ꞌɗaje gə nje gə ꞌɗa-je to to gə bənəng tɔ.

Testament ke Siki 1960 (Kabba Laka)

³³ Ke er kada ndasè to né tadji ke ongou, ke er kada sésè edaidjé ke dooudjé ke inga ongou ke ban to.

Ebərəje 10:33 Iomraidhean Croise

1 Corinthiendjé 4:9

Mba m-əji to gə sijee njeka̰ykulaje le, Luba unda-si gə bo̰ dəwje, gə dəwje gə tar yo uwa dɔ-je be, gə nekogo lə dɔ nangə nee, kəm anjije gə ngaɓa kəm dəwje gə.

2 Corinthiendjé 12:10

Gəl-e gə nee ɓa rɔ-m lələ-m dɔ tɔgə godo gə, dɔ tajije gə, dɔ ndoo neje gə to-m gə, dɔ kula kəm ndoo gə, dɔ nekəmandooje gə gə ɔji dɔ Kirisi, mba logə tɔgə-m godo ja ɓa m-uba singa ɓi.

Philippiendjé 1:7

To gə dɔ gɔl-ɛ ja mba kar ꞌma m-əji tar gə to gə be dɔ-si gə tɔ̰y, mba mə-m uy dɔ-si ang, mba m-ar njang ngaɓa m-ɗa ɗɔ mba Tar gə May gə m-ila mbər-e le ɗaa ɓogəne gə m-to kəy kula gə kara sisəy ingaje sə-m mənuji lə Luba naa gə kara baa.

Philippiendjé 4:14

Be ja kara may ya̰ mba oje kəmtondoo lə-m dan neməko̰ gə.

1 Thessaloniciendjé 2:14

Be ɓa ngan ko̰-mje, ꞌtəl ꞌtoje nje ndaji kəm Mbo̰ naaje lə njetakagəje gə lə Luba gə gəl Kirisi Jeju gə gə d-isi dɔ nangə gə Jude gə. Mba njebaɓeje lə-sisəy gə kuji kəy ja d-ula kəm-si ndoo ɗəw kara baa to gə Jiibije d-ula ne kəm ꞌjejee ndoo be tɔ.

2 Timoce 1:8

Əw rɔ-i ɗa rɔ kul dɔ pa tar naji gə lə Mbayɓe lə-si nəm, ɓa dɔ-m ꞌma gə d-uwa-m d-ila-m kəy kula gə mba tar lə-a nəm tɔ. Ngaa o sə-m məsərə mba Tar gə May gə go singamongə lə Luba.

Ebərəje 11:26

Moyiji o rɔ kul gə d-a kila dɔ Kirisi gə le to nekinga gə to ɓəəl unda nekingaje gə Ejipətə, mba n-unda m-e dɔ kuga gə lə Luba.

Ebərəje 11:36

Nje gə ꞌɗa-je ꞌkogo ne gə ꞌlabə-je tarara-tarara, ꞌtɔ-je gə kula lar ngaɓa d-umje kəy kula gə.

Ebərəje 12:4

Sisəy le ꞌɗɔje gə neɗa gə kṵra̰y uwaje gədərə saar uy-je ne ang baa ɓi.

Ebərəje 13:13

Be ɓa ar-si j-a ceje j-aw j-inga-aje gir ɓe gə ɗaga, j-ar d-ila rɔ kul dɔ-si gə to to gə ꞌne be tɔ.