Ebərəje 10:26 - Mbede Lə Luba Kone Gə Sigi

²⁶ Mba logə j-a gərə tar gə tɔgərɔ nam ɓa j-ḭ j-a ɗa neɗa gə kṵra̰y gə mə njigi lə-si ja nama, nepolo gə a kɔr tar-ɛ dɔ si gə godo,

Testament ke Siki 1960 (Kabba Laka)

²⁶ Mbata tokou mèdjè ndiki ta da né ke madjang gè té ke djèdjè ngeré tar ke tokoro, mare né ta polo mbata né ke madjang goto.

Ebərəje 10:26 Iomraidhean Croise

Lugu 12:47

Ngaa ngon njekula gə gərə ne gə ꞌɓəə-eje njigi, ɗaa n-gɔl ne kara ang, ngaɓa n-ɗa ne gə mə ɓəə-eje njigi ang nəm le, ꞌɓəə-eje a kunda-a sḭ tɔl-ɛ.

Jean 13:17

To gə ɓo ꞌgərəje gəl ne gə kən le gə maj-ɛ ngaɓa ꞌɗaje ne kula nama a toje gə njenokarəje.

Jean 9:41

Jeju ila-je kəne na: To gə ɓo ꞌtoje gə nje kəm tɔje nama tar neɗa gə kṵra̰y a kuwa dɔ-si ang. Ngaa, ɓisine ɗaa ꞌpaje na: Sijee j-o lo! Be ɓa tar neɗa gə kṵra̰y lə-si uwa dɔ-si gə no.

2 Thessaloniciendjé 2:10

ngaɓa nekərəje gə dɔ buguru mba nje d-uba tuji, mba ꞌmbadə njigi tar gə tɔgərɔ mba kinga ne kaji.

1 Timoce 1:13

dɔ ndɔ gə kede le, ꞌma, m-to njetaji Luba, m-to nje ɗa singa gə njetakagəje ngaɓa m-to nje kula kəm-je ndoo nəm tɔ. Ɗaa Luba ɗa sə-m məmay nəm mba m-ɗa ne dɔ mbə gə baa, gə məkədərə baa ja tɔ.

1 Timoce 2:4

ꞌNe gə n-njigi kar dəwje tɔ̰y d-inga kaji ngaɓa kar dəwje ꞌtəl gərə tar gə tɔgərɔ.

Jacques 4:17

Dəw gə gərə ɗa ne gə may, ɓa bo ɗa ang nama, ye ɗa neɗa gə kṵra̰y.

1 Jean 5:16

To gə ɓo dəw o ngon ko̰-ɛ ɗa neɗa gə kṵra̰y gə a ce yo dɔ-ɛ gə ang nama, may kar dəji Luba kar ar dəb-e nee le təbə; ye gə ɔji dɔ nje gə ꞌɗa neɗa gə kṵra̰y gə a ce gə yo dɔ-je gə ang. Neɗa gə kṵra̰y gə a ce yo to kəne əng, ngaa neɗa gə kṵra̰y gə nee ɓa m-pa kar ꞌdəji Luba ɔji dɔ-ɛ ang baa.