Ebərəje 10:24 - Mbede Lə Luba Kone Gə Sigi

²⁴ J-a tɔsə-je kəm-si dɔ naa gə gə yo gə nee, j-a ndəjije naa dɔ nuji gə ngaɓa gə dɔ kula ɗaje gə may gə.

Testament ke Siki 1960 (Kabba Laka)

²⁴ Ase kare djounda mèdjè dòna té ta ndedjina horodjè té ta ndiki, ke ta da koula ke madji.

Ebərəje 10:24 Iomraidhean Croise

Koula 11:29

Be ɓa ngan njenendoje d-unda ndu-je mba kar na-na kara ar ne gə to ji-a gə mba kar d-ula ꞌla ne gə ngan ko̰ naaje gə d-isi dɔ nangə gə Jude.

Romaindjé 11:4

Ngaa Luba ila-a kəne na ɗi wa? M-unda dəwje tɔl-tɔl dɔg lo siri gə dɔ ji-m gə d-ɔsə məkəji-je nangə no Baal gə ang.

Romaindjé 12:15

Nje gə d-aw ꞌɗa rɔləl nama ꞌɗaje gə je rɔləl, ɓo nje gə d-aw no nama ꞌnoje gə je.

1 Corinthiendjé 10:33

to to gə ꞌma kara, m-ɗa ga mba may kəm dəwje gə ɔji dɔ neje tɔ̰y le, m-sangə ne may lə-m ꞌma ja baa ang, ngaa mba may lə nje gə bula, mba kar d-inga ne kaji.

1 Corinthiendjé 9:22

M-ɗa rɔ-m gə nje tɔgə godo horo nje tɔgə godoje gə mba kinga ne nje tɔgə godoje. M-ɗa rɔ-m to to gə dəwje tɔ̰y mba kinga ɗəw kaji ne nje gə kɛm.

2 Corinthiendjé 8:8

M-pa tar gə nee le m-un ne gə ndu ɓa m-ar-si ang, ngaa m-pa tar ndəbə sər lə nje gə kɛm gə ne kɔji mar-ɛ mba kar-sisəy tɔjije ne njigi lə-si gə tɔgərɔ.

2 Corinthiendjé 9:2

Mba m-gərə ɓo ɗa kula gə to mə-si gə, ye ɓa m-unda ne kar-m no dəwje gə Masedowan na: Nje gə Akayi ꞌgɔl rɔ-je to gə kaal baa ngaɓa kɔsə rɔ ɓad lə-si ndol dəwje bula.

Galatedjé 5:13

Sisəy ɗaa, ngan ko̰-mje, ꞌɓar-si kar dɔ-si to doy; ɗaa ne kara ɓa le, may kar unje dɔ to doy nee le ꞌnjaje ne ɗəw darɔ gə ang, ngaa go ɗəw njigi ɗaa, ꞌɗaje kula ar-je naa gə yo gə nee.

Galatedjé 5:22

Ngaa kandə Njil le ɓa nee: Njigi, rɔləl, ɗɛgɛgɛ, kore ur, məmay, ɗa may, takagə,

Galatedjé 5:6

Mba dəw gə um naa gə Kirisi Jeju nam le, kunja bərə ose kunja bərə ang ɓa to gə ne ang, ngaa takagə gə tɔji rɔ-ɛ, gə njigi ɓa to gə ne.

Galatedjé 6:1

Ngan ko̰-mje, to gə ɓo dəw gə d-uwa dɔ neɗa gə kṵra̰y nama, sisəy gə Njil ɔr no-si baa ɓi le, ꞌgəd-eje gə kəji gə yururu. ꞌI ja kara unda kəm karə dɔ rɔ-i gə, na bayɛ̰, ꞌi kara, a koso dan nekərə gə tɔ.

Colossiendjé 3:16

Ar-je tar lə Kirisi ɗa ɓe mə-si gə gə mong-e, ꞌndoje naa ngaɓa ꞌndəjije ne naa gə yo gə nee gə kəm karə, ɔsəje gaji Luba gə pa kɔsə, paje ɓədə-ɓədə, gə paje gə ɗəw Njil gə, ɔsəje pa, ꞌɗa-eje ne oyo gə dɔ ɓəngərə si tɔ̰y.

1 Thessaloniciendjé 1:3

Kula takagə gə ꞌɗaje, gə rɔ-si gə ulaje ndubu mba njigi ngaɓa kuwa gə uwaje gədərə dɔ kunda mə dɔ Mbayɓe gə lə-si Jeju Kirisi le, mə-sijee ole kəne no-gɔl Bɔ-sijee Luba gə.

1 Thessaloniciendjé 5:11

To gə be ɓa may kar ꞌndəjije naa ngaɓa ulaje jingaw mə naa gə, gə yo gə nee to to gə aw ꞌɗaje ne kede le ja.

2 Thessaloniciendjé 3:9

Sijee kara j-aw gə ɗəw mba kar j-a ta ne ji-si gə ja, ngaa kar-sijee ja to gə ne kɔji mar-ɛ mba kar-sisəy ꞌndajije ne kəm sijee.

1 Timoce 6:18

Ula-je mba kar-je ꞌɗa may, mba kar ꞌto baw neɗaje gə may. D-un ne d-ar gə məmay ngaɓa d-a to gə njekay ne dəwje pə-pə.

Tite 2:4

be ɓa d-a tɔji ne ngan mandə jeneje gə njengaw sigije pa njigi ngaw-jeje gə ngan-jeje,

Tite 3:8

Tar gə m-pa nee le to tar gə tɔgərɔ, ɗaa may kar ore kəm-i kəne ndəng mba ndəji ne nje gə d-unda mə-je dɔ Luba gə mba kar ꞌɗa ne kulaje gə may gə kede-kede. Ye ɓa to ne gə may gə to kəm kar njetakagə ꞌɗa!

Ebərəje 13:1

May kar uwaje gə naa nuji kəm-si gə kede.

Ebərəje 13:3

Oleje mə-si dɔ nje gə to kəy kula gə, to to gə sisəy kara ꞌtoje gə je naa gə be, ngaɓa nje gə ꞌɗaje məyɛr nama ꞌgərə to gə darɔ-sisəy kara d-a ɗa məyɛr tɔ.

Ebərəje 3:13

Ngaa ꞌndəjije naa gə ndɔ-ndɔ, saar kar ꞌpa na: Ɓogəne, mba kar mə dəw kara kara horo-si gə kədərə dɔ neɗa gə kṵra̰y gə ang.

1 Jean 3:18

Ngan-m gə gɔgɔ, j-a njigije naa gə ta-si gə tar gə may baa ang, ngaa ꞌtɔjije njigi lə-si ɗəw kula gə ngaɓa gə tar gə tɔgərɔ.