Ebərəje 10:14 - Mbede Lə Luba Kone Gə Sigi

¹⁴ Mba gə go nepolo gə kara baa ja n-təl ne njekɔr ne tar neɗa gə kṵra̰y dɔ-je gə gə dəwje gə may pɛdə gə dɔbo̰.

Testament ke Siki 1960 (Kabba Laka)

¹⁴ Mbata deo né polo kadaba, nè nda dèdè ke ntéh daka dase mbata ndò toï.

Ebərəje 10:14 Iomraidhean Croise

Koula 20:32

Ngaɓa ɓogəne m-iya̰ si mə ji Luba gə, gə tar mənuji gə lə-a, gə a kar-si singa kar tɔgə dɔ takagə gə ngaɓa gə go tar lə-a ja na kar-si ne neduba horo dəwje tɔ̰y gə ꞌto gə losang-ɛ.

Koula 26:13

Əy mbay, dan kar gadə gə ja logə m-aw nja ɗəw boo be ɗaa ne ḭ dara ndogo to ɓəəl unda kar ja gugu-m mbugu gə nje gə dan-m naa gə.

Romaindjé 15:16

ar m-to njekula lə Kirisi Jeju horo dəwje gə ꞌgərə Luba ang gə; kula gə to gə losang-ɛ gə to kila mbərə Tar gə May lə Luba le m-ɗa, mba kar dəwje gə ꞌgərə Luba ang le ꞌto ne nenuji gə Njil Njerɔsangə unda gə losang-ɛ gə may ta kəm Luba gə.

1 Corinthiendjé 1:2

J-a ɗa mbede nee j-ar Mbo̰ naa lə njetakagəje lə Luba gə to Kɔrɛnt, nje gə d-unda-je gə losang-ɛ gəl Kirisi Jeju gə, mba kar-je ꞌto njerɔsangəje gə go ɓar gə ꞌɓar-je, naa gə kara baa gə sijee tɔ̰y, gə lo tɔ̰y gə ꞌɓar ri Mbayɓe Jeju Kirisi gə to Mbayɓe lə-sijee gə lə-ꞌjejee tɔ.

Ephésiendjé 5:26

n-tog-e ne gə man gə to gə tar, mba kunda-a gə losang-ɛ

Ebərəje 10:1

Be ɓa torondu le, njil neɗa gə may bula gə a kaw ɗe to kəne, ɗaa to neje gə tɔgərɔ ja ang; gəl-e gə nee ɓa ndɔ kara baa be ja kara, gə go nepolo gə to gə be, gə ɓal nama d-un taar-taar nee ɓa, a kar nje gə ꞌɗəm gə rɔ Luba gə d-a may ne pɛdə ang baa.

Ebərəje 10:10

Be ɓa gə go mə njigi gə nee le ꞌtogo-si ne, gə mbɔr dɔ darɔ Jeju Kirisi gə un gə nenuji, gɔl kara ja gə dɔbo̰.

Ebərəje 10:12

Ngaa ꞌne le, logə n-un nepolo mba neɗa gə kṵra̰y gɔl kara ja ɗaa, n-isi dɔ ji kɔl Luba gə gə ɓal-ɓal,

Ebərəje 13:12

To gə be ɓa Jeju kara ꞌtɔl-ɛ gir ɓe gə ɗaga ɓa togo ne dəwje gə məs-e.

Ebərəje 2:11

Mba ꞌne ja ɓa n-togo-je n-ar d-ar ngadə ngaɓa ꞌjejee gə d-ar ngadə le, ngira-je kara baa ja. Gəl-e gə nee ɓa n-ɓar-je ngan ko̰-e nama rɔ kul uwa-a ang,

Ebərəje 7:19

Mba torondu ɗa ne kara ar-ɛ may pɛdə ang, ngaa ɔr ta ɗəw ar-si nekunda mə gə may mba kar j-aw ne gə rɔ Luba gə.

Ebərəje 7:25

Be ɓa dəwje gə ꞌce gə ɗəw gə rɔ-ɛ gə mba kaw ɓe lə Luba nama n-asə kar d-inga kaji gə gə ndɔ gə ndɔ, mba n-aw kəm baa gə ɓal-ɓal ɗaa n-aw n-dəji Luba taar-taar mba je.

Ebərəje 9:10

Mba to nduje gə ɔji dɔ nekusaje gə nekayje ja baa ngaɓa gə ji nesangəje ɓədə-ɓədə ngaɓa nduje gə dəwje ja baa d-un ꞌɗa ne kula saar kar d-un ne ndu gə sigi ꞌce ne.

Ebərəje 9:14

ɓədə ɓa məsə Kirisi gə to ɓəəl ya̰, ngaɓa un rɔ-ɛ gə arə ngadə ar Luba ɗəw gə lə Njil gə a to gə no le, a togo kəji lə si kɔr-si ta yo gə mba kar ja ɗa kula lə Luba gə nje kisi kəm baa!

Jude 1:1

ꞌMa Jude, gə m-to ngon njekula lə Jeju Kirisi nəm, ngaɓa m-to ngon ko̰ Jagə, m-ɗa mbede nee m-ar-sisəy gə Luba gə Bɔ njigi-si, ɓar-si ngaɓa ngom-si mba Jeju Kirisi.