Ebərəje 10:10 - Mbede Lə Luba Kone Gə Sigi

¹⁰ Be ɓa gə go mə njigi gə nee le ꞌtogo-si ne, gə mbɔr dɔ darɔ Jeju Kirisi gə un gə nenuji, gɔl kara ja gə dɔbo̰.

Testament ke Siki 1960 (Kabba Laka)

¹⁰ Mbata deo ndiki té nèn, djèdjè ntéh daka né té ke madjang, deo kare rò lo Jésus Christ gar kada mbata toï.

Ebərəje 10:10 Iomraidhean Croise

Jean 17:19

ꞌMa ja gə dɔ-m kara, m-sangə rɔ-m mba tar lə-je, mba kar ꞌjejee ja kara, d-unda-je gə losang-ɛ ɗəw tar gə tɔgərɔ gə.

Jean 19:34

ngaa njeɗɔ kara ɔsə mbo kar-ɛ gə ninga ꞌmbudu ɗaa gə ngɔdə baa məsə gə man ce kəne.

Jean 6:51

ꞌMa le, m-to mbə gə to kəm baa gə ḭ dara. To gə ɓo dəw usa mbə gə nee le nama a kaw kəm baa gə ndɔ gə ndɔ; ngaɓa mbə gə ꞌma m-a kar le, to gə darɔ-m gə m-ar mba təbə lə dəwje gə dɔ nangə gə nee.

1 Corinthiendjé 1:30

Ngaa to gə ꞌne ja ɓa n-um ne sisəy ne naa gə gə Kirisi Jeju, gə to kəm karə lə-sijee gə ḭ rɔ Luba gə, ngaɓa Kirisi təl-si gə dəwje gə gadə-gadə, unda-si gə losang-ɛ ngaɓa ɔr ne tar neɗa gə kṵra̰y dɔ-si gə.

1 Corinthiendjé 6:11

Ngaɓa ye ja, to neje gə nje gə kɛm horo-si gə, ꞌɗa kede ja tɔ. Ngaa ꞌtogo-si, ngaa d-unda si gə losang-ɛ, ngaa ꞌturu-si gə dəwje gə gadə-gadə gə ri Mbayɓe Jeju Kirisi ngaɓa gə ɗəw Njil Luba gə lə-sijee nəm tɔ.

Ephésiendjé 5:2

ngaɓa ꞌnja-je dan njigi gə ɗəw kara baa to gə Kirisi kara njigi sijee ɗaa ye ja un rɔ-ɛ ila mə ji Luba gə uga ne dɔ sijee gə nenuji, gə nekunja məsə, asə naa gə ba̰y kəndə mambo̰ gə ba̰y-e əndə ləl tɔ.

Ephésiendjé 5:26

n-tog-e ne gə man gə to gə tar, mba kunda-a gə losang-ɛ

Ebərəje 10:12

Ngaa ꞌne le, logə n-un nepolo mba neɗa gə kṵra̰y gɔl kara ja ɗaa, n-isi dɔ ji kɔl Luba gə gə ɓal-ɓal,

Ebərəje 10:14

Mba gə go nepolo gə kara baa ja n-təl ne njekɔr ne tar neɗa gə kṵra̰y dɔ-je gə gə dəwje gə may pɛdə gə dɔbo̰.

Ebərəje 10:20

ta ɗəw gə Jeju ɔr ar-si le, to ɗəw gə sigi gə to kəm baa gə go bal dɔ gə mə kəy nepolo gə n-unda n-riya dana, ye gə nee le pa na to darɔ-ɛ;

Ebərəje 10:29

Ɓədə ɓa, kar dəw gə tuba ngon lə Luba nangə gə gɔl-ɛ, gə o məsə riya kone gə ꞌtogo-e ne gə ne ang ngaɓa taji Njil gə to gəl mənuji nama, d-a bɛ̰ t-ɛ kar-ɛ al dɔ lo.

Ebərəje 10:5

Gəl-e gə nee ɓa logə Kirisi a kaw ɗe dɔ nangə gə nee le pa na: Nepolo ta kəm-i ang nəm, nenuji ta kəm-i ang nəm; Ngaa ꞌi unda darɔ-m.

Ebərəje 13:12

To gə be ɓa Jeju kara ꞌtɔl-ɛ gir ɓe gə ɗaga ɓa togo ne dəwje gə məs-e.

Ebərəje 2:11

Mba ꞌne ja ɓa n-togo-je n-ar d-ar ngadə ngaɓa ꞌjejee gə d-ar ngadə le, ngira-je kara baa ja. Gəl-e gə nee ɓa n-ɓar-je ngan ko̰-e nama rɔ kul uwa-a ang,

Ebərəje 2:14

Be ɓa mba nganje d-um naa gə kara ɗəw məsə gə ɗəw darɔ gə ɗaa, ꞌne kara to to gə be ja n-um ne gə je naa gə ɗəw kuy gə lə-a mba guru ne singa ꞌye gə singamongə yo to ji-a gə, gə to ꞌSɛ̰ngərɛ̰,

Ebərəje 5:7

ꞌNe ja, logə n-aw dɔ nangə nee taar ɓi le, n-uru ꞌkuwi ɓolong gə man no, gə n-dəji Luba ngaɓa n-ɗa ne ndoo no-ɛ gə mba kar t-ɛ ta yo gə. Be ɓa gə go kila kuji lə-a ɗaa Luba o ndu-e ja,

Ebərəje 7:27

buba njekapoloje gə kɛm, d-un nepolo gə ndɔ-ndɔ mba neɗa gə kṵra̰y lə-je ngaɓa kar dəw mə ɓeje nəm, ngaa ꞌne n-aw ndoo-e ang baa. ꞌNe le ɗaa, n-un darɔ-ɛ ja gə nepolo gɔl kara ja gə dɔbo̰.

Ebərəje 9:12

ngaɓa n-andə no ngɔ losangə gə gɔl kara ja gə dɔbo̰, n-andə gə məsə bɔ badəm ang nəm gə məsə ngon mangə ang nəm ngaa gə məs-e ja. Be ɓa n-inga ne ɗəw kuga dɔ dəwje gə dɔbo̰ ja.

Ebərəje 9:14

ɓədə ɓa məsə Kirisi gə to ɓəəl ya̰, ngaɓa un rɔ-ɛ gə arə ngadə ar Luba ɗəw gə lə Njil gə a to gə no le, a togo kəji lə si kɔr-si ta yo gə mba kar ja ɗa kula lə Luba gə nje kisi kəm baa!

Ebərəje 9:26

mba ɓo be nama, un kud-e lo kunda dara je gə nangə gə ja Kirisi a ko ꞌməsərə gɔl bula. Ngaa ɓisine gə to dɔ ɗudu ndɔ nee ɗaa n-un rɔ-ɛ gə nepolo gɔl kara baa ja n-ɔr ne tar neɗa gə kṵra̰y dɔ dəwje gə.

Ebərəje 9:28

Kirisi kara ɗəw kara baa ja tɔ, un rɔ-ɛ gɔl kara baa ja ta ne neɗa gə kṵra̰y dɔ dəwje gə bula, a ɓo ɗe lə-a gə gɔl joo nama n-a ɗe mba neɗa gə kṵra̰y ang, ngaa mba nje gə d-aw ngina-a mba kaji.

1 Piyɛr 2:24

ꞌne gə n-unda dɔ-ɛ kede n-ta ne neɗaje gə kṵra̰y lə-si, n-uy ne dɔ kagə gə, mba kar-sijee gə ja to dəwje gə j-uy ɗəw neɗa gə kṵra̰y gə le, j-aw ne kəm baa ɔji dɔ neɗa gə dana gadə, ngaɓa do gə ninga le ɓa ajije ne kəbərə.

1 Piyɛr 3:18

Mba Kirisi kara o ꞌməsərə gɔl kara gə dɔbo̰ ja mba neɗaje gə kṵra̰y, ꞌne gə to dəw gə gadə-gadə ja, n-o ꞌməsərə mba sisəy gə tar uwa dɔ-si, mba kɔr ne no-si kaw ne gə si ɓə lə Luba. ꞌTɔl-ɛ ɗəw darɔ gə, ngaa d-ar n-təl n-aw kəm baa ɗəw Njil gə.

1 Jean 5:6

To ꞌNe, Jeju Kirisi gə ɗe ɗəw gə lə man gə ɗəw gə lə məsə, n-ɗe gə man baa ang, ngaa n-ɗe gə man ngaɓa gə məsə; to Njil ja pa tar naj-ɛ, mba Njil to tar gə tɔgərɔ,