Ebərəje 1:2 - Mbede Lə Luba Kone Gə Sigi

² ngaa dɔ ɗudu ndɔje gə nee ɗaa n-pa gə si tar gə ndu ngon-e. N-unda-a gə njekuwa nduba neje tɔ̰y, ngaɓa n-unda neje tɔ̰y ɗəw gə lə-a.

Testament ke Siki 1960 (Kabba Laka)

² Ndò té ke goukou nèn, nè mpa tar naredjè deo té lo Ngonè, nè ke noundè to ndjè kwaa né ndouba né toï, ke deo té la nè nda nange nèn toï.

Ebərəje 1:2 Iomraidhean Croise

Matiye 13:39

njeba̰a̰ gə dubu waa da̰w lə to ꞌSɛ̰ngərɛ̰; nay kunja ko le to ɗudu ndɔ gə dɔ nangə nee; njekunja koje le to anjije.

Matiye 17:5

Logə Piyɛr aw pa tar be ja ɓi ɗaa, kil lə nji gə kasə rogo-rogo ɗe dəbə dɔ-je gə rigim. Ɗaa ndu dəw ɓar mə kil lə nji gə le na: ꞌNe gə nee le n-to Ngon njigi lə-m, gə n-to ngira rɔləl lə-m, oje tar t-ɛ gə.

Matiye 21:38

Ngaa logə njeɗa kula bḭyə̰je d-o ngon njigi le ɗaa, ꞌpa tar horo naa gə na: Nje kuwa nenduba le ja aw ɗe a aw, ꞌɗeje ar-si j-uwaje j-a tɔl-ɛje ɗaa nenduba lə-a le a to kar-si.

Matiye 26:63

Jeju ar t-ɛ munduru. Ɗaa buba njekapolo le pa ar-ɛ na: M-un ndu-m m-ar-i gə ri Luba gə nje kisi kəm baa ja, mba kar-i ꞌpa ar-si j-o, ꞌto Kirisi, Ngon lə Luba wa?

Matiye 28:18

Jeju ɗəm gə rɔ-je gə pa ar-je na: M-inga singa ko̰ dɔ neje mə dara gə gə dɔ nangə nee tɔ̰y.

Matiye 3:17

Cibi, ndu ḭ dara pa tar na: ꞌNe gə nee le, to Ngon njigi lə-m, gə to ngira rɔləl lə-m.

Marəke 1:1

Tar gə May lə Kirisi Jeju, Ngon lə Luba le uma kud-e to gə be.

Marəke 12:6

Ngon njigi lə-a gə nay kara baa ji-a gə ja n-ula-a ɓə lə-je gə bo̰ ɗaa n-əji m-e gə na: Ɓo to ngon-m nama d-a ɓəəl-e.

Marəke 12:7

Ngaa njeɗa kula bḭyə̰je nee le ꞌpa tar horo naa gə na: Nje kuwa nenduba le ja ɓa nee, ꞌɗeje ar-si j-a tɔl-ɛje, ɗaa nenduba le a to kar-si.

Jean 1:10

Tar le ga̰ dɔ nangə gə nee, ngaɓa dɔ nangə le to gə nekunda lə-a, ngaa dəwje gə dɔ nangə nee ꞌtəl gər-e ang magə.

Jean 1:14

Tar le təl rɔ-ɛ gə dəw, cibi ɓa isi horo-si gə mənuji gə tar gə tɔgərɔ ɗusu m-e tub-tub, ngaɓa sijee j-o rɔnduba lə-a, to to gə rɔnduba kar Ngon kara gə inga rɔ Bɔ-ɛje gə.

Jean 1:3

ꞌNe ja ɓa n-unda ne neje tɔ̰y, ngaɓa ne kara be gə gə ga̰ gə lal kar n-to njegəl-e le godo tɔ.

Jean 13:3

Jeju gərə to gə Bɔ dəwje ḭya̰ neje tɔ̰y mə ji-a gə, ngaɓa n-ḭ rɔ Luba gə ɗaa n-aw gə rɔ Luba gə tɔ.

Jean 13:32

To gə ɓo Luba inga riɓar ɗəw gə lə-a ꞌne nama, ꞌne kara n-a kinga riɓar ɗəw lə Luba tɔ, ngaɓa ɓisine baa ja Luba a kila riɓar dɔ-ɛ gə.

Jean 15:15

M-ɓar-si ngan njekulaje ang ja saar gə dɔbo̰, mba ngon njekula gərə ne gə ꞌɓəə-eje ɗa ang; m-ɓar-si njekuraje lə-m mba tarje tɔ̰y gə m-o ta Bɔy gə le, m-pa m-ar-sisəy ꞌgərəje tɔ.

Jean 16:15

Neje lə Bɔ dəwje tɔ̰y to kar-m ꞌma; Gəl-e gə nee ɓa m-pa ne to gə tar gə n-a ko ta-m ꞌma gə ja ɓa n-a pa kar-si ɓi.

Jean 17:2

To gə ꞌI ar-ɛ singamongə ko̰ dɔ dəwje gə tɔ̰y le ɗaa, dəwje tɔ̰y gə um-je mə ji-a gə le, n-ar-je təbə gə to gə ndɔ gə ndɔ le tɔ.

Jean 3:16

Mba Luba njigi dəwje gə dɔ nangə gə nee ya̰ ɓa un ngon-e gə kara ɗəgədə ula-a mba kar dəw gə ɗa-ɗa ɓa ta kag-ɛ nama, a kuy ang magə, ngaa a kinga təbə gə gə ndɔ gə ndɔ.

Jean 3:25

Be ɓa ngan njenendoje lə Ja̰ ꞌma̰y tar gə Jiibi kara be ɔji dɔ togo rɔ.

Jean 5:26

Be ɓa, to gə Bɔ to ngira təbə le, to gə be ja tɔ n-ar Ngon to ngira təbə tɔ.

Jean 5:27

Ngaɓa n-ar-ɛ singamongə mba kar n-gangə ne tar, mba n-to Ngon lə dəw.

Jean 9:29

J-a gərə to gə Luba pa tar ar Moyiji, ngaa ye gə kən le, sijee ja gərə lo gə ye ḭ kəne ang.

Koula 10:36

Luba ula Jeju Kirisi gə to Mbayɓe lə dəwje tɔ̰y ar-ɛ ila mbərə Tar gə May gə kar kinga ne ɗɛgɛgɛ ɗəw gə lə-a ar ngan Ijirayɛlje.

Koula 2:17

Luba pa na dɔ ndɔje gə gugu nama, Dəw gə ɗa-ɗa kara Njil-m a kuru m-e gə, Ngan-si gə jingaw gə ngan si jene d-a kila mbərə M-a pa tar gə basa̰je d-a ko ne lo kiya gə Ngaɓa ɓugaje kara m-a pa gə je tar gə ni tɔ.

Romaindjé 1:4

ngaɓa, ꞌɓar-ɛ Ngon lə Luba ɗəw singamongə gə lə Njil Njerɔsangə Jeju Kirisi to Mbayɓe lə-sijee go kuy gə uy ɓa ndol horo nje gə d-uy gə;

Romaindjé 8:17

Be ɓa, to gə ɓo j-a to ngan-ɛ nama j-a to nje kuwa nendubaje tɔ, nje kuwa nendubaje lə Luba, ngaɓa nje baa kuwa nendubaje gə Kirisi, mba to gə ɓo tɔgərɔ ja j-o sə-a ꞌməsərə naa gə nama, d-a kula rɔnduba dɔ-si gə sə-a naa gə.

1 Corinthiendjé 2:7

Ngaa j-a pa tar kəm karə lə Luba, gə to ne gə to lokiya gə, gə d-iya gə kiya, gə Luba uwa dɔ gɔl-ɛ kede ləw-ləw baa mba riɓar lə-sijee,

1 Corinthiendjé 8:6

be ja kara kar-sijee le, Luba kara baa ɗəgədə, Bɔ dəwje, gə neje tɔ̰y ḭ rɔ-ɛ gə ngaɓa j-a to njeka-ɛje, ngaɓa Mbayɓe kara baa, Jeju Kirisi gə ne tɔ̰y ɗe ɗəw gə lə-a ngaɓa mbɔr dɔ-ɛ ɓa j-aw ne kəm baa.

Galatedjé 4:4

Ngaa logə dɔ kar gə d-ɔji asə ɗaa, Luba ula ngon-e. Jene ɓa uji-e, ɗaa n-tɔgə gəl torondu gə.

Ephésiendjé 1:10

gə mba ɗa, logə dɔ kar-ɛ a kasə: kuwa neje tɔ̰y dɔ naa gə ko gəl Kirisi gə, neje gə mə dara gə, gə neje gə dɔ nangə gə nee.

Ephésiendjé 3:9

ngaɓa gə mba tɔji kar-ɛ arə ngadə, se to gə ban ɓa Luba gə njekunda ne tɔ̰y le, ɗa ne ne gə to lo kiya-a gə n-ngom m-e gə kede ləw baa le wa;

Ebərəje 1:5

Anji gə ɗa ɓa Luba pa tar gə nee ar-ɛ ndɔ kara wa? Tar gə na: ꞌTo ngon-m, ꞌMa ja m-uji-i ɓogəne. Cibi ꞌMa ja m-a to Bɔ-ɛje, Ɗaa ꞌne n-a to ngon-m.

Ebərəje 1:8

Ngaa kar ngon-e ɗaa n-pa na: Ngəndəng mbay lə-i, əy Luba, to saar gə no. Ngaɓa, Miya̰ ko̰ mbay lə-i kara o̰ ne ɓe gə dɔ gɔl-ɛ.

Ebərəje 11:3

Gə go takagə ɓa j-a gərə ne to gə Luba unda ne dara gə nangə gə tar gə t-ɛ gə, ar j-o to gə ne gə kəm dəw ang ja ce to ɗaga.

Ebərəje 2:3

ngaa sijee, to gə ɓo j-a dabə kaji gə boy dasəra le, j-a kuba tuji ang to gə ban wa? Kaji nee le Mbayɓe ila mbər-e dɔngɔr, ngaɓa nje gə d-o t-ɛ gə kara d-ila mbər-e tɔ,

Ebərəje 3:6

Ngaa Kirisi turu rɔ-ɛ gə Ngon mə kəy lə-a ye ja. Sijee j-a to kəy lə-a, to gə ɓo j-uwa gədərə ngaɓa j-a ɗa ne kunda mə lə-si gə ne gədə rɔ nama a to ne kunda kar lə-si.

Ebərəje 4:14

Mba Jeju gə to buba njekapolo lə-si gə dɔ dara gə taar, gə to ngon lə Luba le, ɓo j-a taje kag-e nam ɗaa may kar j-uwaje ngəng.

Ebərəje 5:8

n-to ngon-e ja ngaa n-tɔji kila kuji ɗəw ko ꞌməsərə gə.

Ebərəje 7:28

Be ɓa torondu lə Moyiji unda dəwje gə darɔ-je mbɔr-ɛ gə buba njekapoloje, ngaa naji gə Luba naji go torondu gə le ɗe unda Ngon gə ɗe gə dəw gə may pɛdə gə dɔbo̰.

Ebərəje 7:3

N-to dəw gə bɔ-ɛje godo, ko̰-eje godo, gəl kuji lə-a godo; ndɔ kuj-e godo, ndɔ kuy lə-a kara godo nəm tɔ. N-to to gə ngon lə Luba be, n-to njekapolo ja gə dɔbo̰.

Ebərəje 9:26

mba ɓo be nama, un kud-e lo kunda dara je gə nangə gə ja Kirisi a ko ꞌməsərə gɔl bula. Ngaa ɓisine gə to dɔ ɗudu ndɔ nee ɗaa n-un rɔ-ɛ gə nepolo gɔl kara baa ja n-ɔr ne tar neɗa gə kṵra̰y dɔ dəwje gə.

1 Piyɛr 1:20

ꞌmbər-e kede nam ɓa d-unda dara gə dɔ nangə ngaa ɓisine ꞌkila gə ɗaga dɔ ɗudu ndɔ gə nee mba tar lə-si.

2 Piyɛr 3:3

May kar-si ꞌgərəje kede nam to gə, dɔ ɗudu ndɔ nama, njekogo dəwje d-a ɗe kunda-si kogo ne, ɗaa d-a nja gə go ɓo neje gə o̰ dɔ-je,

Jude 1:18

ꞌPa d-ar-si na: Dɔ ɗudu ndɔ nama, dəwje d-a kunda-si kogo ne ngaɓa d-a nja gə ɓo neje gə kṵra̰y gə uwa mə-je ngaɓa d-a gərə Luba ang.