Apocalypse 9:21 - Mbede Lə Luba Kone Gə Sigi

²¹ ꞌTuru kəji lə-je dɔ tɔl dəwje gə lə-je ang nəm, dɔ ɗa mbɛ̰je gə lə-je ang nəm, dɔ kayaje gə lə-je ang nəm, dɔ ɓogoje gə lə-je ang nəm tɔ.

Testament ke Siki 1960 (Kabba Laka)

²¹ Dèdè mbeté deo tòl dooudjé lodè ang, aséh deo kere ngem né ndön lodè ang, aséh loou to madjang lodè ang, aséh boukou lodè ang.

Apocalypse 9:21 Iomraidhean Croise

Matiye 15:19

Mba mə dəw ja ɓa kəjije gə kṵra̰y, tɔl dəw, ɓogo lo to, kaya, ɓogo, gangə tar kunda ta dəw gə, taji Luba ḭ kəne.

2 Corinthiendjé 12:21

M-ɓəəl mba logə m-a ce ɓə lə-si nama Luba a kḭ kila rɔ kul dɔ-m gə mba sisəy, kar man no a ndogo-m ɔji dəwje bula gə kede ꞌto nje gə ɗa neɗaje gə kṵra̰y, ɗaa ꞌturu kəji lə-je dɔ ne gə mina gə ang nəm, gə dɔ kaya gə ang nəm ngaɓa dɔ to bula njagəda gə ang nəm tɔ.

Galatedjé 5:20

polo magəje, ɓar uma, njigi naa ang gə kɔrɔ, ko ta naa ang, nər mə, wungu mbə, kəji mə bo, tḭ naa, ngaɓa kay naa,

Apocalypse 13:13

N-ɗa netɔjije gə to ɓəəl ya̰, saar n-ar pər ḭ dara oso nangə ta kəm dəwje gə tɔ̰y.

Apocalypse 13:15

D-un ɗəw d-ar-ɛ n-ula kəm mə ndaji da kɔr gə le, n-ar-ɛ pa tar, mba kar na-na ɓa gə pol-e ang nama n-tɔl-ɛ.

Apocalypse 13:7

D-un ɗəw d-ar-ɛ kar n-ɗa ɗɔ gə njerɔsangəje n-cɛdə-je ɗɔ, ngaɓa d-ar-ɛ singamongə ko̰ dɔ gəl ka tɔ̰y, gə dɔ dəw mə ɓeje tɔ̰y, gə dɔ ndo̰ tar tɔ̰y, gə dɔ gəl kuji tɔ̰y tɔ.

Apocalypse 14:8

Cibi Anji gə ɗangə kara gə njekum gə joo, ore go ye gə kede ɗaa pa na: Ɓɛlɛ ngaa, n-tuji pugudu ngaa, n-tuji pugudu ngaa, ꞌne gə Babilon gə boy, gə njekula kodo wungu lə-a mɛr-mɛr mə gəl kujije gə tɔ̰y kum neje dan kaya gə le.

Apocalypse 16:6

Mba d-um məsə njerɔsangəje gə pajambərəje nangə ɗaa, ꞌI ar-je d-ay məsə, asə kəm ɗa gə je be ja.

Apocalypse 17:2

ꞌNe le ɓa mbayje gə dɔ nangə gə d-uwa sə-a ba-ɛ ꞌto ne gə kayaje, ɗaa dəwje gə d-isi dɔ nangə gə d-ula ne rɔ-je lo kay kodo gə aw gə je mɔdə kaya gə.

Apocalypse 17:4

Jene nee le d-ula-a kubu gə kasə njir-njir ngaɓa kasə wəd-wəd, ꞌɗ-ɛ mandə gə maa, gə ərje gə gad-e ya̰ ngaɓa gə mərje. N-uwa ngo maa kay ne gə ne kayaje lə-a gə to nekɔbəje gə ne gə mina ɗusu m-e tubu.

Apocalypse 17:5

ꞌƊa ri misi kara ɓida no-ɛ gə na: Babilon gə boy ko̰ jene kayaje gə nje ɗa nekɔbəje gə dɔ nangə gə.

Apocalypse 18:3

Mba gəl kujije tɔ̰y d-ay kodo wungu kaya lə-a; mbayje gə dɔ nangə gə d-uwa sə-a baa kaya, ngaɓa nje laɓə neje gə dɔ nangə ꞌto ne njenekingaje ɗew singamongə nemayje lə-a.

Apocalypse 19:2

mba tar gangəje lə-a tɔgərɔ ngaɓa dana gadə-gadə nəm tɔ. N-gangə tar dɔ jene kaya gə boy gə nje tuji dɔ nangə gə kaya ɗa lə-a, ngaɓa n-dal ba̰a̰ məsə ngan lokisije lə-a gə um nangə ɗəw gə lə jene kaya le tɔ.

Apocalypse 21:8

Ngaa njeɓəəlje, nje məkədərəje, dəwje gə ngabula, nje tɔl dəwje, jərje, njembɛ̰je, nje polo magəje, gə nje tar gə ɗəgərəje tɔ̰y le, kar-je to dang pər gə o̰ bilim-bilim, gə dan sori gə: ye gə ne le to gə yo gə njekum gə joo.

Apocalypse 22:15

Bisije, njembɛ̰je, njekayaje, nje tɔl dəwje, nje polo magəje ngaɓa na-na ɓa gə njigi tar gə ɗəgərə ngaɓa to gə nje p-ɛ le, d-a tɔbə-je kum-je ɗaga.

Apocalypse 9:20

Ɔji dɔ kɛsə dəwje gə ꞌnay ɗaa, nje gə d-uy yo tuji gə oso ang le, ꞌturu kəji lə-je ɔji dɔ kula ɗa-je ang, ꞌpolo njilje gə kṵra̰y dɔ-je gə kede-kede, magəje gə maa ose gə lar kasə, gə lar kasə gə ər ose gə kagəje gə d-asə ko lo ndɔ kara be ang nəm, ko tar ndɔ kara ang nəm ɓa, nja ndɔ kara ang nəm tɔ.