Apocalypse 9:1 - Mbede Lə Luba Kone Gə Sigi

¹ Anji gə njekum gə mi to kuul lə-a ɗaa m-o ndɛ̰ndərɛ̰ndɛ̰je d-ḭ dara ꞌtoso nangə. Ɗaa d-ar-ɛ lakɛrɛ gə kar kudu ta buwa wəl gə sṵra̰ godo.

Testament ke Siki 1960 (Kabba Laka)

¹ Ange ke mi kòl tebe narè la, ma mo ndètélendè kada ï dara oso nange, darè klélé ta tokou bwa ke soürè goto.

Apocalypse 9:1 Iomraidhean Croise

Lugu 10:18

Jeju pa ar-je na: Oje gə maj-ɛ ɓa! M-o ꞌSu ce pir to gə təl lə nji be dɔ-ɛ gə nangə əng.

Lugu 8:31

Ngaɓa, d-oso kul no Jeju gə ya̰ mba kar tɔbə-je um-je mə buwa wəəl gə ang.

Romaindjé 10:7

Ose: Na ɓa a ɗisi mə buwa wəl gə sṵra̰ godo gə wa? Mba ɗa kar Kirisi ndol horo nje gə d-uy gə.

Apocalypse 1:18

gə nje kisi kəm baa. M-uy ja, ɗaa oje m-isi kəm baa gə no ngaɓa m-uwa lakɛrɛ kar yo gə kar lo gə jabaw ji-m gə.

Apocalypse 1:20

Kar nemisi gə ɔji dɔ ndɛ̰ndərɛ̰ndɛ̰je gə siri gə oje mə ji-m gə dɔ kɔl gə dɔ ne kunda lambeje gə siri gə ꞌɗa gə maa le: Ndɛ̰ndərɛ̰ndɛ̰je gə siri to anjije lə mbo̰ naa lə njetakagəje gə siri ngaɓa lo kunda nendogoje gə siri to gə mbo̰ naa lə njetakagəje gə siri tɔ.

Apocalypse 11:7

Ngaɓa lo gə d-a kunda ngangə tar naji lə-je ɗaa, da gə ɔsə lo mə buwa wəl gə ce le, a ɗa gə je ɗɔ, a cɛɗə kinga-je ɗaa tɔl-je.

Apocalypse 17:8

Da gə o-e le ga̰, n-ga̰ kede, ngaa n-godo ngaa. N-a kɔsə lo ce mə buwa wəl gə sṵra̰ godo gə mba kaw lo tuji gə. Ɗaa dəwje gə d-isi dɔ nangə nee, gə un kud-e lo kunda dɔ nangə gə ja, gə ꞌɗa ri-je mə mbede kaji gə ang le, lo gə d-a ko da le nama, lo tar a kigi-je sɛl, mba n-ga̰ kede, n-godo magə, ngaa n-a təl ɗe.

Apocalypse 20:1

Cibi m-o anji kara ḭ dara uwa ngon lakɛrɛ ta buwa wəl gə sṵra̰ godo gə kula lar gə boy ji-a gə.

Apocalypse 20:10

Ɗaa ꞌSɛ̰ngərɛ̰ gə nje kərə dəwje kar-je ꞌndəəm le, d-ɔs-e d-ila-a dang pər gə o̰ bilim-bilim gə dan sori gə, mbɔr da kɔr gə je gə pajambərə gə gə mbɔr-ɛ. Ɗaa d-a ko ꞌməsərə dan kara gə londul gə, gə ɓal gə ɓal.

Apocalypse 6:13

Ɗaa ndɛ̰ndərɛ̰ndɛ̰je gə dara kara ꞌtoso nangə to gə kagə tungu gə kand-ɛ gə to gə kə̰rə̰-ɛ baa gə̰y nangə lo gə ləl bo yee be.

Apocalypse 8:10

Anji gə njekum gə munda to kuul lə-a ɗaa ndɛ̰ndərɛ̰ndɛ̰je gə boy ya̰ d-ḭ dara ꞌtoso nangə d-o pər to gə ngəəl be toso dɔ dəbə baa gə kara gə ꞌkay dana ɓe munda gə dɔ kəm ɗəw manje gə.

Apocalypse 8:12

Anji gə njekum gə sɔɔ to kuul lə-a ɗa dəbə kar gə ꞌkay dana lo munda, gə dəbə nay gə ꞌkay dana lo munda, gə dəbə ndɛ̰ndərɛ̰ndɛ̰je gə ꞌkay-je dana lo munda le ꞌtuji-je pugudu. Dəb-eje gə ɓe kara ndogo ang magə. ꞌKay lokarə dana ɓe munda ɗaa dəb-e gə ɓe kara unda mburugu ngaɓa londul kara to gə bənəng tɔ.

Apocalypse 8:2

M-o anjije gə siri gə d-ar no Luba gə; d-ar-je kuul siri tɔ.

Apocalypse 9:2

Ndɛ̰ndərɛ̰ndɛ̰ le ɔr ta buwa wəl gə sṵra̰-a godo ɗa sə-a pər ce kəne ta naa gə sa pər gə o̰ bilim-bilim be, ɗa udu kəm kar gə kəm ləl libi.