Apocalypse 8:3 - Mbede Lə Luba Kone Gə Sigi

³ Anji gə ɗangə kara ɗe d-ar dɔ ngəndəng mbay gə; n-uwa ku ba̰y kəndə mambo̰ gə to gə maa ji-a gə. D-ar-ɛ ba̰y kəndə mambo̰ gə kobəre mba kar n-mbo̰ naa gə kara baa gə dəjije lə njerɔsangəje tɔ̰y n-aw ne no kɔgə maa gə, no ngəndəng mbay gə.

Testament ke Siki 1960 (Kabba Laka)

³ Mare ange kada dé arr mbòr bann té ke ngonarè lor, darè yambo nya ke ete ta polè né ke doudjou Allah lo ndjè ko mè tédjé do bann lor té mbòr ngèndé ko béh té.

Apocalypse 8:3 Iomraidhean Croise

Lugu 1:10

Bula dəwje d-aw dəji Luba ɗaga logə n-aw ro ngira ne gə əndə le.

Romaindjé 8:34

Na ɓa a kar tar uwa dɔ-je wa? Kirisi Jeju le ɓa to dəw gə uy, cibi ɓa ndol, aw isi dɔ ji kɔl Luba gə, aw dəji Luba mba sijee!

Ebərəje 7:25

Be ɓa dəwje gə ꞌce gə ɗəw gə rɔ-ɛ gə mba kaw ɓe lə Luba nama n-asə kar d-inga kaji gə gə ndɔ gə ndɔ, mba n-aw kəm baa gə ɓal-ɓal ɗaa n-aw n-dəji Luba taar-taar mba je.

Ebərəje 9:4

Ne ro ba̰y kəndə mambo̰ gə d-uba gə maa to kəne ngaɓa sandubu kone gə ꞌrongə gir-e gə maa, ɓa Bay maa gə d-ila mbə gə ḭ dara kəne, cibi ngaɓa kagə tɔsə lə Aro̰ gə unji, gə bəgərə kone to kəne tɔ.

Apocalypse 10:1

Ɗaa m-o anji gə ɗangə kara gə njesingamongə ḭ dara uru nangə. Kil lə nji dole dɔ-ɛ ula-a gə kubu, ngaw bura nji to dɔ-ɛ gə, ngaɓa ta kəm-e ta naa gə kar, ɗaa gɔl-ɛ ta naa gə dubu gə ta pər yɛg-yɛg be.

Apocalypse 14:18

Cibi anji gə ɗangə kara ɔsə lo ce no kɔgə gə. N-aw gə singa gə kar ko̰ dɔ pər, ɗaa n-uru ꞌkuwi gə ndu-e gə boy wəəl n-ar ye gə uwa marəm gə t-ɛ adə yəm-yəm ji-a gə na: Ila marəm lə-i gə t-ɛ adə yəm-yəm ɓo unja ne dɔ ko gə dɔ nangə gə, mba ko le asə kunja ngaa.

Apocalypse 5:8

Lo gə n-ta mbede le ɗaa, daje gə sɔɔ gə bubaje gə dɔg joo gə gir-je gə sɔɔ d-unda ꞌburamba no ngon badəm gə. Na-na kara uwa konde gə ngo nekay gə to gə maa gə ba̰y kəndə mambo̰ ɗusu tubu ji-a gə, tɔji dəjije lə njerɔsangəje.

Apocalypse 6:9

Lo gə n-ɔr ta bəngə ji gə njekum gə mi ɗaa, m-a lo gə gəl no kɔgə ɗaa m-o kəm lə nje gə ꞌtɔl-je gə nekunja məsə mba tar lə Luba ngaɓa gə mba tar naji lə-je tɔ.

Apocalypse 7:2

Ɗaa m-o anji gə ɗangə kara ḭ lo ce gə lə kar. Bəngə ji Luba gə nje kisi kəm baa to ji-a gə. Ɗaa n-uru ꞌkuwi gə ndu-e gə boy n-ar anjije gə sɔɔ gə d-ar-je singamongə mba kar ɗa məyɛr dɔ nangə gə babo,

Apocalypse 8:4

Sa ba̰y kəndə mambo̰ uba ji anji gə ngug-ngug gə taar no Luba gə, naa gə kara baa gə dəjije lə njerɔsangəje.

Apocalypse 8:5

Cibi, anji təl un ku ba̰y kəndə mambo̰ um pər gə to no kɔgə kəne tubu ɗaa bḭ ila nangə ɗaa təl to nji, ndangə, ndu ɓar, nji təl, gə dɔ nangə ye tɔ.

Apocalypse 9:13

Anji gə njekum gə misa̰ to kuul lə-a ɗaa m-o ndu ḭ kil no kɔgə gə sɔɔ gə ꞌɗa gə maa, gə to no Luba gə.