Apocalypse 8:2 - Mbede Lə Luba Kone Gə Sigi

² M-o anjije gə siri gə d-ar no Luba gə; d-ar-je kuul siri tɔ.

Testament ke Siki 1960 (Kabba Laka)

² Gè té ma mo angedjé shiri ke arr no Allah té, daredè tebe narè shiri.

Apocalypse 8:2 Iomraidhean Croise

Matiye 18:10

Oje gə maj-ɛ, əwje rɔ-si dabəje ngon kara dasəra horo nje gə d-o-je gə ne ang gə mba m-pa m-ar-si to gə, anjije lə-je gə dara d-a lo gə kəm Bɔy gə isi mə dara jaga ja.

Matiye 24:31

ꞌMa gə Ngon lə dəw m-a kula anjije lə-m gə ndu kuul gə a ɓar ɓolong ngaɓa d-a mbo̰ dəwje gə m-mbərə-je kil nangə gə sɔɔ gə, un kude ko̰ nangə gə saar ce ne ko̰ dara gə.

Lugu 1:19

Anji le təl pa ar-ɛ na: ꞌMa le m-to anji Gabəriyɛl gə m-ar no Luba gə, Luba ula-m kar-m pa sə-i tar, cibi m-ila mbərə Tar gə May nee gə ɔji dɔ neje nee le mbi-i gə.

Lugu 21:36

Ɔsəje kəm-si kɔrə ɓo ꞌdəjije Luba gə karje ja tɔ̰y, mba kar d-ɔr-si d-unda si gə kəm-e mba kar-si ꞌce-je nee ta neje gə a ɗe dɔ ndɔ gə bara gə, ngaɓa gə mba kar ar-je ne dɔ gɔl si gə njang no Ngon lə dəw gə.

1 Corinthiendjé 15:52

mə ngon kar gə njɛ̰ baa be ja, to gə tuga kəm jib be ɗaa, gə ndu kuul gə gə bo̰. Mba kuul a ɓar, ngaɓa nje d-uy d-a ndol gə darɔ gə ndum ang, ngaɓa sijee le, d-a mbəl rɔ-si.

1 Thessaloniciendjé 4:16

Mba d-a kun ɗəw kar ndu mbay lə anjije a ɓar, gə ndu kuul lə Luba a ɓar, ɗaa Mbayɓe ja gə darɔ-ɛ a kḭ dara ɗe ngaɓa nje gə d-uy gəl Kirisi gə d-a ndol dɔngɔr,

Apocalypse 1:4

ꞌMa gə Ja̰, m-ɗa mbede nee m-ar mbo̰ naa lə njetakagəje gə siri gə dɔ nangə gə Aji: May kar-si ingaje mənuji gə ɗɛgɛgɛ gə ḭ mə ji dəw gə ga̰, gə dəw gə ga̰ kede ləw baa, gə a ɗe ngaɓa gə rɔ njilje gə siri gə d-ar no ngəndəng mbay gə lə-a,

Apocalypse 11:15

Anji gə njekum gə siri to Kuul lə-a: ndu dəwje ɓar to gə boy mə dara na: ɓeko̰ gə dɔ nangə gə nee le to kar Mbayɓe lə-si ngaɓa to kar Kirisi lə-a tɔ n-a ko̰ ɓe gə ndɔ gə ndɔ.

Apocalypse 15:1

Cibi, m-o netɔji gə ɗangə gə bo ngaɓa to ɓəəl ya̰ mə dara gə; anjije siri d-uwa tujije gə gə bo̰ siri ji-je gə, mba Luba ɓugu wungu lə-a ɗəw gə lə-je.

Apocalypse 16:1

Ɗaa, m-o ndu dəw bar to gə boy no kɔgə pa ar anjije gə siri le na: Awje, aw mbəlje wungu lə Luba gə to ngo nekay gə gəl siri dɔ nangə nee!

Apocalypse 8:13

Be ɓa m-a lo ɗaa m-o ndu gera gə ḭ bagə midi-midi mə dara gə taar ɗa ne gə ndu-e gə boy na: Tuji! Tuji! Tuji to ɔji dɔ dəwje gə dɔ nangə gə nee, mba ndu kuulje lə anjije gə munda gə a ꞌɓar le ja cibi!

Apocalypse 8:6

Be ɓa anjije gə siri gə d-uwa kuulje gə siri ji-je gə le ꞌgɔl rɔ-je mba to tɔ.

Apocalypse 9:1

Anji gə njekum gə mi to kuul lə-a ɗaa m-o ndɛ̰ndərɛ̰ndɛ̰je d-ḭ dara ꞌtoso nangə. Ɗaa d-ar-ɛ lakɛrɛ gə kar kudu ta buwa wəl gə sṵra̰ godo.