Apocalypse 8:13 - Mbede Lə Luba Kone Gə Sigi

¹³ Be ɓa m-a lo ɗaa m-o ndu gera gə ḭ bagə midi-midi mə dara gə taar ɗa ne gə ndu-e gə boy na: Tuji! Tuji! Tuji to ɔji dɔ dəwje gə dɔ nangə gə nee, mba ndu kuulje lə anjije gə munda gə a ꞌɓar le ja cibi!

Testament ke Siki 1960 (Kabba Laka)

¹³ Bana ma maa ke ma mo tende kada ke ao dan dara té, mpa tar ke ndou ke bar, Ongou, ongou, ongou do dooudjé té ke isi do nange té mbata bar lo tebe narè ke angedjé mouta ata kòl.

Apocalypse 8:13 Iomraidhean Croise

Ebərəje 1:14

Anjije nee tɔ̰y le, ꞌto njilje gə Luba aw ula-je ang baa wa? Luba aw ula-je mba kar ꞌla gə nje d-a kuwa kaji gə neduba.

Apocalypse 11:14

Tuji gə njekum gə joo nday ngaa. A o, tuji gə njekum gə munda aw ɗe ɓisine.

Apocalypse 12:12

Gəl-e gə nee ɓa, dara, gə sisəy gə lo kisi lə-si to kəne ꞌɗa-je ndam. Tuji uba-si, dɔ nangə, gə babo, mba ꞌSɛ̰ngərɛ̰ le aw gə nangə dɔ-si gə əng wungu ɗusu m-e, mba n-gərə to gə dɔ kar lə-a nay njɛ̰ baa ngaa.

Apocalypse 14:3

D-ɔsə pa gə sigi, no ngəndəng mbay gə, no nekundaje gə sɔɔ gə d-aw kəm baa, gə no buba ɓeje gə. Ɗaa dəw kara be kara asə mba ndo pa ne le ang, ɗaa ɓɛl nje gə tɔl dɔg lo dɔg gə dɔ-je gə tɔl dɔg lo dɔg gə sɔɔ gə gir-je gə tɔl dɔg lo sɔɔ ne ja baa, ꞌjejee gə d-uga dɔ-je dɔ nangə gə nee.

Apocalypse 14:6

M-o anji gə ɗangə kara ḭ bagə midi-midi mə dara gə taar. N-aw gə Tar gə May gə gə ndɔ gə ndɔ kara mba kila mbər-e kar dəwje tɔ̰y gə d-isi dɔ nangə gə: gəl kuji ang nəm, gəl ka ang nəm, ndo̰ tar ang ngaɓa dəw mə ɓeje ang nəm tɔ.

Apocalypse 19:17

Ɗaa m-o anji kara ar taar kəm kar gə. N-uru ꞌkuwi gə ndu-e gə boy wəl n-ar əlje gə d-ḭ bagə midi-midi dara gə taar na: ꞌƊeje, ꞌmbo̰je naa ta ka muru ɓar gə lə Luba,

Apocalypse 3:10

Mba ꞌngom tar lə-m uwa gədərə ɗaa, ꞌma kara m-a ngom-i dɔ kar nena gə a ɗe dɔ dəwje gə tɔ̰y, gə a kum dəwje gə dɔ nangə gə nee dan nena gə.

Apocalypse 8:2

M-o anjije gə siri gə d-ar no Luba gə; d-ar-je kuul siri tɔ.

Apocalypse 9:1

Anji gə njekum gə mi to kuul lə-a ɗaa m-o ndɛ̰ndərɛ̰ndɛ̰je d-ḭ dara ꞌtoso nangə. Ɗaa d-ar-ɛ lakɛrɛ gə kar kudu ta buwa wəl gə sṵra̰ godo.

Apocalypse 9:12

Tuji gə dɔngɔr ɗaa nday ngaa. A o, tujije joo ꞌɗe d-uwa go-e ja cibi.