Apocalypse 8:10 - Mbede Lə Luba Kone Gə Sigi

¹⁰ Anji gə njekum gə munda to kuul lə-a ɗaa ndɛ̰ndərɛ̰ndɛ̰je gə boy ya̰ d-ḭ dara ꞌtoso nangə d-o pər to gə ngəəl be toso dɔ dəbə baa gə kara gə ꞌkay dana ɓe munda gə dɔ kəm ɗəw manje gə.

Testament ke Siki 1960 (Kabba Laka)

¹⁰ Ange ke mouta koi tebe narè la, tokou ndètélendè kada ï dara oso ö tokou pourou ngèl, noso do ba té er kada ke dana mouta, ke do bwa man té.

Apocalypse 8:10 Iomraidhean Croise

Matiye 25:1

Be ɓa ɓeko̰ gə Luba le a to ɗəw kara baa gə ꞌmbakumje gə dɔg gə d-odo lambeje lə-je cila ꞌne kəm nje jene.

Lugu 10:18

Jeju pa ar-je na: Oje gə maj-ɛ ɓa! M-o ꞌSu ce pir to gə təl lə nji be dɔ-ɛ gə nangə əng.

Jude 1:13

ose ꞌta naa gə ꞌpagəm babo gə ḭ pu-pu tomɛ nerɔkulje, ꞌta naa gə ndɛ̰ndərɛ̰ndɛ̰je gə njekila taarje, Luba ar-je d-ar lo kara baa mə cil ciməri gə ndul njudə-njudə gə gə dɔbo̰.

Apocalypse 1:20

Kar nemisi gə ɔji dɔ ndɛ̰ndərɛ̰ndɛ̰je gə siri gə oje mə ji-m gə dɔ kɔl gə dɔ ne kunda lambeje gə siri gə ꞌɗa gə maa le: Ndɛ̰ndərɛ̰ndɛ̰je gə siri to anjije lə mbo̰ naa lə njetakagəje gə siri ngaɓa lo kunda nendogoje gə siri to gə mbo̰ naa lə njetakagəje gə siri tɔ.

Apocalypse 12:4

ꞌKay ndɛ̰ndərɛ̰ndɛ̰je dana lo munda ɗaa, ɓong-e təbə dəɓə-je gə ɓe kara ndolong um-je dɔ nangə gə. Ɗaa da kɔb ar ngɔbə ta jene gə aw mba kuji ngon le, mba kar lo gə nuji ngon-e pəngə n-ila-a nangə nama kun-e kusa.

Apocalypse 14:7

N-pa gə ndu-e gə boy na: ꞌƁəəlje Luba ɓo ulaje rɔnduba dɔ-ɛ gə mba kar gangə tar lə-a asə nam ngaa ꞌpoloje nje ɗa dara gə nangə, gə babo gə kəm ɗəw manje.

Apocalypse 16:4

Ngaɓa anji gə njekum gə munda mbəl ngo nekay lə-a mə baje gə kəm ɗəw manje gə, ar təl məsə.

Apocalypse 6:13

Ɗaa ndɛ̰ndərɛ̰ndɛ̰je gə dara kara ꞌtoso nangə to gə kagə tungu gə kand-ɛ gə to gə kə̰rə̰-ɛ baa gə̰y nangə lo gə ləl bo yee be.

Apocalypse 8:7

Ye gə dɔngɔr to kuul lə-a: kuji gə pər gə polo naa gə məsə wɛgəsɛ-wɛgəsɛ toso nangə. Dɔ nangə gə ꞌkay dana ɓe munda le, dəb-e gə kara o̰ pər kərəng, ꞌkay kagəje dana ɓe munda ɗaa dəb-eje gə ɓe kara o̰ pər kərəng ngaɓa mə kɔr gə ndul gə man ngɔ̰y-ngɔ̰y le o̰ pər kərəng tɔ.

Apocalypse 9:1

Anji gə njekum gə mi to kuul lə-a ɗaa m-o ndɛ̰ndərɛ̰ndɛ̰je d-ḭ dara ꞌtoso nangə. Ɗaa d-ar-ɛ lakɛrɛ gə kar kudu ta buwa wəl gə sṵra̰ godo.

Apocalypse 9:15

Ɗa ꞌtudu anjije gə sɔɔ gə d-ar pɛrɛrɛ ɔji dɔ kar-ɛ, gə ndɔ-ɛ, gə nay-ɛ, gə ɓal-ɛ gə d-a tɔl ne dəbə dəwje gə kara gə kay-je dana lo munda le.

Apocalypse 9:18

Pər, gə sa pər, gə sori gə ce ta kundaje gə le, to gə tujije munda. Ɗəw gə lə tujije gə munda nee le ja ɓa dəwje gə ꞌkay-je dana lo munda le, dəɓə-je gə ɓe kara ꞌbusu ne ragə tɔ.