Apocalypse 7:4 - Mbede Lə Luba Kone Gə Sigi

⁴ Ngaɓa m-tuga mbi-m m-o ne kɔr nje gə d-ɔsə bəngə ji rɔ-je gə: Tɔl-tɔl dɔg lo tɔl gə gir-je gə tɔl-tɔl dɔg lo dɔg sɔɔ (144 000) gə d-ɔsə bəngə ji rɔ-je gə, d-ḭ gəl kuji tɔ̰y gə ɔji dɔ nganje lə Ijirayɛl:

Testament ke Siki 1960 (Kabba Laka)

⁴ Ma mo baya lo dèdè ke ntòdè, dèdè ke ntòdè nto dourou dòdòkou gérè dourou dòsò ke dourou sò, dèdè ntéh horo gel dooudjé té toï lo ngandjé lo Israël.

Apocalypse 7:4 Iomraidhean Croise

Matiye 19:28

Jeju ila-je kəne na: Tɔgərɔ, m-pa m-ar-si, ndɔ gə ꞌma gə Ngon lə dəw m-a kisi dɔ ngəndəng mbay rɔnduba gə lə-m dɔ kar gə neje tɔ̰y d-a təl to gə sigi le, sisəy gə unje go-m le, a kisije dɔ ngəndəngje gə dɔg gə gir-e gə joo mba gangə tar dɔ gəl kuji Ijirayɛlje gə dɔg gə gir-e gə joo.

Lugu 14:22

Ngon njekula le pa na: ꞌƁəə-mje, ndu gə un ar-m le m-ɗa tɔ̰y ngaa kɛsə lo nay baa.

Lugu 22:30

Be ɓa, a kusaje gə a kayje sə-m naa gə kara baa mə ɓeko̰ gə lə-m, ngaɓa a kisije dɔ ngəndəngje gə mba gangə tar dɔ gəl kuji Ijirayɛlje gə dɔg gə gir-e gə joo.

Koula 26:7

gə to gə gəl kaje lə-sijee gə dɔg gə gir-je gə joo d-uwa ne gədərə ꞌpolo ne Luba cil gə kar lal kḭya̰ go-e. Əy mbay, mba nekunda mə gə nee le ja ɓa Jiibije d-ila ne tar dɔ-m gə!

Romaindjé 9:27

Ejay pa k-ɛ ɓolong ər kara gə, ɔji dɔ Ijirayɛl na: Logə kɔr ngan Ijirayɛlje a to to gə ꞌnangəra̰ gə ta babo gə be le, Kɛsə-je ja baa d-a kaji.

Jacques 1:1

ꞌMa Jagə, ngon njekula lə Luba, gə Mbayɓe Jeju Kirisi, sisəy gəl kaje gə dɔg gə gir-je gə joo gə ꞌsɛ̰rɛ̰-je naa dɔɓe gə, m-o-si tɔ̰y ɓa!

Apocalypse 14:1

Ngaɓa m-a lo ɗaa m-o ngon badəm ar taar dɔ mbal gə Siyo̰, ɗaa nje gə ꞌɗa ri-a gə ri bɔ-ɛje ɓida noje gə d-ar sə-a, ꞌto gə dəwje tɔl-tɔl dɔg lo tɔl gə dɔ-je gə tɔl-tɔl dɔg lo dɔg sɔɔ gə gir-je gə tɔl-tɔl dɔg lo sɔɔ (144 000) ꞌga̰ sə-a

Apocalypse 14:3

D-ɔsə pa gə sigi, no ngəndəng mbay gə, no nekundaje gə sɔɔ gə d-aw kəm baa, gə no buba ɓeje gə. Ɗaa dəw kara be kara asə mba ndo pa ne le ang, ɗaa ɓɛl nje gə tɔl dɔg lo dɔg gə dɔ-je gə tɔl dɔg lo dɔg gə sɔɔ gə gir-je gə tɔl dɔg lo sɔɔ ne ja baa, ꞌjejee gə d-uga dɔ-je dɔ nangə gə nee.

Apocalypse 7:5

Gəl kuji lə Juda tɔl-tɔl dɔg lo dɔg gə gir-je gə joo gə d-ɔsə bəngə ji ɓida noje gə, gəl kuji lə Ruben tɔl-tɔl dɔg lo dɔg gə gir-je gə joo; gəl kuji lə Gadə tɔl-tɔl dɔg lo dɔg gə gir-je gə joo;

Apocalypse 9:16

M-tuga mbi-m ɗaa m-o kɔr njeɗɔje gə d-al kunda gə ꞌdum tura.