Apocalypse 7:13 - Mbede Lə Luba Kone Gə Sigi

¹³ Be ɓa kara lə ngatɔgəje un tar dəji-m na: Dəwje gə d-ula kubuje gə ngal yududu-yududu gə nda kələw-kələw nee le, ꞌto gə naje wa? Ngaɓa d-ḭ ɗa wa?

Testament ke Siki 1960 (Kabba Laka)

¹³ Bana kada lo boukadjé pa arem, pana, Dèdè nèn nto na wa, ke doula koubou ke ndaa, dèdè dï da ndé wa?

Apocalypse 7:13 Iomraidhean Croise

Jean 7:28

Be ɓa, Jeju gə aw ndo ne mə kəy gə lə Luba le, ila ndu-e nangə ɓolong pa na: ꞌGərə-mje ngaɓa ꞌgərəje lo m-ḭ kəne! Ngaa ꞌma ɓa m-ɗe gə dɔ rɔ-m ang. Njekula-m le to dəw gə dana gadə, ꞌne gə sisəy ꞌgər-eje ang le.

Koula 3:12

Logə Piyɛr o be ɗaa təl un tar pa ar dəw mə ɓeje na: Sisəy dəwje gə Ijirayɛl mba ɗi ɓa oje ne gə nee le ɗaa lo tar igi si sɛl wa? Mba ɗi ɓa aje si be to to gə singamongə gə ḭ rɔ-sijee gə ose gə kila kuji dɔ Luba gə lə-sijee ja ɓa j-ar dəw nee le nja ne wa?

Apocalypse 3:4

Ngaa, Sarədə gə le, dəwje lə-i gə kɛm, gə kubu lə-je uwa yoro ang ꞌga̰ kəne əng. D-a dan-m, gə kubu lə-je gə nda mba ꞌje d-asə ja.

Apocalypse 4:10

ɓugaje gə dɔg joo gə gir-je gə sɔɔ le d-unda ꞌburamba no nje kisi dɔ ngəndəng mbay gə, ꞌpolo Nje kisi gə ɓal-ɓal ɗaa d-um jɔgəje lə-je nangə no ngəndəng mbay gə ɗaa ꞌpa na:

Apocalypse 4:4

Ngəndəng mbayje dɔg joo gə gir-e gə sɔɔ ꞌgugu dɔ ngəndəng mbay le d-ila-a dana, ɗa bubaje dɔg joo gə gir-je gə sɔɔ, gə d-ula kubu gə nda, gə tuga jɔgə gə to gə maa dɔ-je gə d-isi kəne.

Apocalypse 5:11

Ngaɓa m-a lo ɗaa m-o ndu anjije no kɔgə gə tɔl-tɔl dɔg lo bula-bula, gə ndu nekundaje gə d-aw kəm baa ngaɓa gə ngatɔgəje

Apocalypse 5:5

Ngaa, buba gə kara horo mar-ɛje gə pa ar-m na: ꞌNo ang! A o, ꞌne gə ꞌnam gə gəl kuji gə lə Juda, ye gə ngira-a ce gəl Dabidi gə le, n-cɛdə ɗɔ nam. N-asə cɛ̰ mbede nee gə bəngə ji rɛ̰ t-ɛje gə siri.

Apocalypse 7:9

Go-e gə gugu, m-a lo m-o ɗaa, a o, bula dəwje gə bo ya̰ gə dəw kara kara a kasə tura-je ang, d-ḭ gə gəl kuji tɔ̰y, gə gəl kuji dəwje, dəw mə ɓeje bula ya̰, gə ndo̰ tarje d-ar no ngəndəng mbay gə gə no ngon badəm gə, d-ula-je kubuje gə ngal yududu gə nda. D-uwa kam kagə ji-je gə,