Apocalypse 6:12 - Mbede Lə Luba Kone Gə Sigi

¹² Ɗaa m-a lo m-o, lo gə ngon badəm ɔr ta bəngə ji gə njekum gə misa̰ ɗaa, dɔ nangə ye to gə boy ngaɓa kar təl ndul njudə-njudə to gə kubu kuwa ndoo be, ngaɓa nay kara təl to gə məsə be ja tɔ̰y.

Testament ke Siki 1960 (Kabba Laka)

¹² Tokou nè ntoutou né ke ntò ke misä, ma mo, ke wo, nange yè nya ke kade dé ndoul tokou koubou saki, nnè toï dé tokou lo mese.

Apocalypse 6:12 Iomraidhean Croise

Matiye 11:21

Nekəmandoo to kar ꞌi ɓe gə Korajɛ̰! Nekəmandoo to kar ꞌi gə ɓe gə Bɛdəsayida! Mba nemisije gə ꞌɗa horo-si gə to gə ɓo neje nee le ꞌɗa mə ɓe gə Sido̰ gə mə ɓe gə Tir nama, ləw baa nee le, d-a turu kəji ɗəw kula kubu ndoo gə d-uji gə bḭ gum, d-a rɔgə rɔ-je bu gə.

Matiye 24:29

Mɛrɛrɛ baa ja go nekəmandoo gə to ɓəəl gə a ɗa dəwje le ɗaa, kar a kɔsə ang, nay kara a nda ang, ndɛ̰ndərɛ̰ndɛ̰je d-a kḭ dara toso nangə ngaɓa neje gə to ɓəəl to ɓəəl gə dara kara d-a yəgə nəm tɔ.

Matiye 24:7

Gəl kuji dəwje d-a ɗɔ naa, gə ɓeko̰je d-a ɗɔ naa, gə loje ɓədə-ɓədə, ɓo a ko̰, ngaɓa dɔ nangə kara a yəgə nəm tɔ.

Matiye 27:45

Un kud-e dɔ kar gə ar lum dɔ gə saar ce ne kar gə ila mbɔr-ɛ gə ja cil ciməri oso dɔ nangə nee tɔ̰y.

Matiye 27:54

Njekun dɔ njeɗɔje gə tɔl gə nje gə d-ar sə-a mba ngəm ta Jeju le, d-o dɔ nangə gə yəgə gə neje gə nday le ɗaa ɓəəl unda-je bad gangə-je ngaɓa ꞌpa na: Dəw gə nee ɗaa, to Ngon lə Luba ja tɔgərɔ.

Matiye 28:2

Logə d-aw ɗaa dɔ nangə yəgə to gə boy, mba anji lə Mbayɓe kara ḭ dara uru nangə, ɗe nduburu pil ər gə d-ila ta buwa gə le isi dɔ-ɛ gə.

Marəke 15:33

Logə kar ar lum dɔ gə saar ce ne kar gə ila mbɔr-ɛ gə ja cil ciməri oso dɔ nangə nee tɔ̰y.

Apocalypse 11:13

Dɔ kar-ɛ gə əng ja, dɔ nangə yə to gə boy ɗaa ɓebo gə ꞌkay dana lo dɔg le, dəb-e gə be kara unda nangə mburugu ɗaa dəwje tɔl-tɔl dɔg lo siri d-uy dan nangə gə yə gə nee le. Nje gə ꞌce ta yo gə ɗaa ɓəəl unda-je badə gangə-je, ar-je d-ula ne rɔnduba dɔ Luba gə nje kisi dara.

Apocalypse 16:18

Nji təl pa̰y-pa̰y, ndu dəwje gə ɓar, gə nji gə ndangə bangərang-bangərang, ngaɓa nangə yə gə mong-e ya̰. Ləw ja baa gə dəwje ꞌga̰ dɔ nangə gə nee le, dɔ nangə yə to gə bənəng ang ja ɓi.

Apocalypse 16:8

Anji gə njekum gə sɔɔ mbəl ngo nekay lə-a kəm kar gə. D-un ɗəw d-ar-ɛ n-ro dəwje gə pər,

Apocalypse 8:12

Anji gə njekum gə sɔɔ to kuul lə-a ɗa dəbə kar gə ꞌkay dana lo munda, gə dəbə nay gə ꞌkay dana lo munda, gə dəbə ndɛ̰ndərɛ̰ndɛ̰je gə ꞌkay-je dana lo munda le ꞌtuji-je pugudu. Dəb-eje gə ɓe kara ndogo ang magə. ꞌKay lokarə dana ɓe munda ɗaa dəb-e gə ɓe kara unda mburugu ngaɓa londul kara to gə bənəng tɔ.

Apocalypse 8:5

Cibi, anji təl un ku ba̰y kəndə mambo̰ um pər gə to no kɔgə kəne tubu ɗaa bḭ ila nangə ɗaa təl to nji, ndangə, ndu ɓar, nji təl, gə dɔ nangə ye tɔ.