Apocalypse 6:11 - Mbede Lə Luba Kone Gə Sigi

¹¹ Ɗaa d-ar-je, na-na kara, kubu gə ngal yududu gə nda kələw-kələw. Ngaɓa ꞌpa d-ar-je kar d-uwa kɔr-je dɔ kar njɛ̰ be, saar gə mba kar nje baa kulaje lə-je, gə ngan ko̰-sijee gə d-a tɔl-je to gə ꞌjejee be tɔ le, d-udu ta-je bugum ɓa.

Testament ke Siki 1960 (Kabba Laka)

¹¹ Bana daredè kada kada koubou ke ndaa, ke mpa daredè ta kisi dèkèkè mare ngadji bai san toura ndjè koumana koula té nganlokisidjé ke ngaködè a kase toï, dèdè ke dase tòldè deo kadaba tokou ntòldè ndja to.

Apocalypse 6:11 Iomraidhean Croise

Matiye 10:21

Dəw a kun dɔ ngon ko̰-ɛ kar d-a tɔl-ɛ, bɔ ngon-je a kun dɔ ngon-e, nganje d-a təl nje kəm tarje lə nje kuji-jeje, ngaɓa d-a ɗa kar d-a tɔl-je.

Lugu 15:22

Ngaa bɔ ngon je le pa ar ngan njekulaje lə-a na: ꞌƊeje gə kubu gə ngal yududu gə may gə tɔg-ɛ ula-aje; ula-je ngama ji-a gə, ngaɓa ula-je sabɔgɔ kara gɔl-ɛ gə tɔ.

Jean 16:2

D-a tɔbə-si kəy nendoje gə lə-je. Cibi ngaɓa dɔ kar asə ɗaa na-na gə a tɔ-si le a kəji pa na nepolo gə may ja n-un n-ar Luba a kən.

Koula 20:24

Ngaa kara ja kara m-o təbə lə-m gə ne gə to ɓəəl ta kəm gə ang, may kar m-tɔl ta ngɔdə lə-m ngaɓa ta kula gə m-inga ji Mbayɓe Jeju gə, gə to kila mbərə Tar gə May kar mənuji lə Luba.

2 Thessaloniciendjé 1:7

Ngaɓa sisəy nje ko ꞌməsərəje, n-a kar-si lo kuwa kɔr naa gə kara baa gə sijee, logə Mbayɓe Jeju a kḭ dara gə anjije lə-a gə to njesingaje,

2 Timoce 4:7

M-ɗɔ ɗɔ gə may, m-ce ɗudu ngɔdə gə lə-m, m-ngom takagə.

Ebərəje 11:40

Mba Luba aw gɔl ne gə may al dɔ lo mba sijee, mba kar ꞌjejee ꞌtəl may pɛdə lal sijee ang.

Ebərəje 12:23

andəje lo mbo̰ naa gə lə ngan dərje gə d-unda rije mə dara gə, ar-je rɔ Luba gə nje gangə tar dɔ dəwje gə tɔ̰y, gə dɔ njil dəwje gə Luba oje gadə-gadə gə ꞌɗe gə dəwje gə may pɛdə.

Ebərəje 4:10

Mba dəw gə andə lo kuwa kɔr gə lə Luba nama, a kuwa kɔr-ɛ dɔ kulaje gə lə-a tɔ, to to gə Luba kara uwa ne kɔr-ɛ dɔ k-ɛ ye gə be tɔ.

Apocalypse 10:6

ɗaa uwa naji gə ri dəw gə isi kəm baa gə ndɔ gə ndɔ, ye gə ɗa dara gə neje tɔ̰y gə to kəne, dɔ nangə gə neje tɔ̰y gə to kəne, babo gə neje tɔ̰y gə to kəne: d-a kila ndɔ gə ɗangə ang ngaa.

Apocalypse 13:15

D-un ɗəw d-ar-ɛ n-ula kəm mə ndaji da kɔr gə le, n-ar-ɛ pa tar, mba kar na-na ɓa gə pol-e ang nama n-tɔl-ɛ.

Apocalypse 14:13

Ɗaa m-o ndu ḭ dara pa na: ꞌƊa mbede, nokarə to kar dəwje gə ɓisine d-uy gəl Mbayɓe gə! Njil pa na, oyo, may kar d-uwa kɔr-je dɔ kula rɔ ndubu gə lə-je gə, mba kula ɗa-je ɔr go-je.

Apocalypse 17:6

Ɗaa m-o jene gə ay məsə njerɔsangəje gə njetar najije lə Jeju ar ɗ-ɛ to gə kodo be. Logə m-o-e ɗaa lo tar igi-m sɛl.

Apocalypse 7:14

Ɗaa ꞌma m-ila-a kəne m-pa na: Mbayɓe lə-m, ꞌi ꞌgərə som! N-pa n-ar-m na: D-ḭ lo neməko̰ gə to ɓəəl ya̰. ꞌTogo kubuje lə-je gə ngal yududu-yududu ngaɓa ꞌsugu gə məsə Ngon badəm gə d-ar nda kələw-kələw.

Apocalypse 7:9

Go-e gə gugu, m-a lo m-o ɗaa, a o, bula dəwje gə bo ya̰ gə dəw kara kara a kasə tura-je ang, d-ḭ gə gəl kuji tɔ̰y, gə gəl kuji dəwje, dəw mə ɓeje bula ya̰, gə ndo̰ tarje d-ar no ngəndəng mbay gə gə no ngon badəm gə, d-ula-je kubuje gə ngal yududu gə nda. D-uwa kam kagə ji-je gə,