Apocalypse 5:5 - Mbede Lə Luba Kone Gə Sigi

⁵ Ngaa, buba gə kara horo mar-ɛje gə pa ar-m na: ꞌNo ang! A o, ꞌne gə ꞌnam gə gəl kuji gə lə Juda, ye gə ngira-a ce gəl Dabidi gə le, n-cɛdə ɗɔ nam. N-asə cɛ̰ mbede nee gə bəngə ji rɛ̰ t-ɛje gə siri.

Testament ke Siki 1960 (Kabba Laka)

⁵ Bana bouka doou kada pa arem, Enò ang, wo nam gel dooudjé lo Juda, barkem gòl David ndai ke singa ta kòrou maketourou nèn ke né shiri ke ntò né.

Apocalypse 5:5 Iomraidhean Croise

Lugu 23:28

Jeju turu rɔ-ɛ gə ɓə lə-je ɗaa pa ar-je na: Ngan mandəje gə Jerujalɛm, ꞌno-mje ꞌma ang, ngaa sisəy ja ꞌnoje rɔ-si, gə noje ngan si.

Lugu 7:13

Logə Mbayɓe un kəm-e ila dɔ-ɛ gə ɗaa, o kəmtondoo lə-a ngaɓa pa ar-ɛ na: ꞌNo ang!

Lugu 8:52

Dəwje tɔ̰y ꞌno ngaɓa ꞌkunda kar-je mba ngon le. Jeju pa ar-je na: ꞌNoje ang, ngon le uy ang, ngaa n-aw cibi baa.

Jean 20:13

ꞌJejee nee le ꞌpa d-ar Məri na: Jene, ꞌno mba ɗi wa? N-ila-je kəne na: D-ɔr Mbayɓe lə-m ɗaa, m-gərə lo gə d-ila-a kəne ang.

Romaindjé 1:3

ɔji dɔ ngon-e gə d-uji-e gəl kuji gə lə Dabidi, ɗəw darɔ gə,

Romaindjé 15:12

Ejay kara pa tɔ, na: Ngira Jese le, a kuba, ꞌNe gə n-a kuba nangə kḭ mba kɔr no gəl kuji dəwje; Gəl kuji dəwje d-a kunda mə-je dɔ-ɛ gə.

Ebərəje 7:14

Mba ꞌpa arə ngadə to gə Mbayɓe lə-si le to gə gəl ka Juda gə, to gəl ka gə Moyiji pa tar lə njekapoloje mbɔbə ne ang.

Apocalypse 1:1

Ne gə to lo kiya gə, gə a ɗe ɓisine baa, gə Luba ar Jeju Kirisi kila dɔ-ɛ mba tɔji ngan njekulaje lə-a. Ɗaa n-ula anji lə-a n-ar ɗe ɔr gəl-e ar ngon njekula lə-a Ja̰ kar-ɛ gərə,

Apocalypse 22:16

ꞌMa, Jeju, m-ula anji lə-m mba kar-ɛ pa tar naji gə ɔji dɔ mbo̰ naaje lə njetakagəje ar-sisəy. ꞌMa le ɓa ngira-m ḭ gəl Dabidi gə, gə gəl kuji lə-a tɔ, duji lo kar gə ndogo.

Apocalypse 3:21

Dəw gə cɛdə ɗɔ nama m-a kar-ɛ isi sə-m dɔ ngəndəng mbay gə lə-m to gə ꞌma kara m-cɛdə ɗɔ ɗaa m-isi gə Bɔy dɔ ngəndəng mbay gə lə-a.

Apocalypse 4:10

ɓugaje gə dɔg joo gə gir-je gə sɔɔ le d-unda ꞌburamba no nje kisi dɔ ngəndəng mbay gə, ꞌpolo Nje kisi gə ɓal-ɓal ɗaa d-um jɔgəje lə-je nangə no ngəndəng mbay gə ɗaa ꞌpa na:

Apocalypse 4:4

Ngəndəng mbayje dɔg joo gə gir-e gə sɔɔ ꞌgugu dɔ ngəndəng mbay le d-ila-a dana, ɗa bubaje dɔg joo gə gir-je gə sɔɔ, gə d-ula kubu gə nda, gə tuga jɔgə gə to gə maa dɔ-je gə d-isi kəne.

Apocalypse 5:4

M-no ɓəgəgə-ɓəgəgə mba dəw kara baa be kara asə mba cɛ̰ mbede le ang nəm, ngaɓa gə mba kila kəm-e kəne ang nəm tɔ.

Apocalypse 6:1

Ngaɓa m-a lo ɗaa m-o, lo gə Ngon badəm ɔr bəngə ji dɔngɔr to kəne horo nje gə siri gə ɗaa, m-o ndu dɔngɔr nekunda gə aw kəm baa horo nje gə sɔɔ gə le, pa gə ndu-e gə ɓar wəəl to gə nji gə ndangə be na: ꞌƊe.

Apocalypse 7:13

Be ɓa kara lə ngatɔgəje un tar dəji-m na: Dəwje gə d-ula kubuje gə ngal yududu-yududu gə nda kələw-kələw nee le, ꞌto gə naje wa? Ngaɓa d-ḭ ɗa wa?