Apocalypse 5:13 - Mbede Lə Luba Kone Gə Sigi

¹³ Ɗaa nekundaje tɔ̰y ja gə mə dara gə, gə dɔ nangə, gə gəl nangə gə, ngaɓa babo gə neje tɔ̰y gə to kəne le, m-o ndu-je ꞌpa na: Dəw gə isi dɔ ngəndəng mbay gə je gə Ngon badəm le ndu tɔr, ɗɔy, riɓar gə ko̰ ɓe to kar-je, gə ndɔ gə ndɔ.

Testament ke Siki 1960 (Kabba Laka)

¹³ Né toï ke Allah da mbä ke dara té, ke do nange té, ke ko nange té, ke mè tòkou man té, ke né toï ke to kendé, ma mo dèdè mpana, Kòsou gadji ke piti ke ndokoo ke singa ke ndò ke ndò to lo nè ke nisi dò ngèndé kö béh té, ke lo Ngon bati.

Apocalypse 5:13 Iomraidhean Croise

Matiye 6:13

ꞌTa-si ji Njekṵra̰y gə, ɓo iya̰ si ar j-oso dan nekərə gə ang. Mba ꞌi ja ɓa ɓeko̰, gə singamongə gə rɔnduba, To kar-i gə ɓal-ɓal, saar gə no. Oyo!

Lugu 2:14

Riɓar to dɔ Luba gə mə sam dara gə taar, Ɗɛgɛgɛ to dɔ nangə nee, horo dəwje gə ꞌta kəm-e!

Jean 1:29

Lokar-ɛ ɗaa, Ja̰ o Jeju aw ɗe gə ɓə lə-a ɗaa, pa na: Oje Ngon badəm lə Luba gə a kɔr neɗa gə kṵra̰y lə dəwje gə dɔ nangə gə nee.

Romaindjé 11:36

Ne tɔ̰y ḭ mə ji-a gə, ne tɔ̰y ɗe ɗəw gə lə-a ngaɓa to mb-ɛ ꞌne ja! Rɔnduba to k-ɛ ja gə ɓal-ɓal. Oyo!

Romaindjé 16:27

May kar rɔnduba to kar Luba gə nje kəm karə gə kar-ɛ baa ja gə ɓal-ɓal ɗəw gə lə Jeju Kirisi! Oyo!

Romaindjé 9:5

gə bɔ-sijee-je, ngaɓa ɗəw gə lə-je gə darɔ gə ɓa Kirisi gə to dəw dɔ neje tɔ̰y ɗe ne, may kar ndu tɔr to dɔ Luba gə gə ndɔ gə ndɔ. Oyo!

Ephésiendjé 3:21

may kar riɓar to k-ɛ mə Mbo̰ naa lə njetakagəje ngaɓa ɗəw gə lə Kirisi Jeju ɗaa, gə gəl kujije tɔ̰y ja gə ɓal gə ɓal saar-saar gə no. Oyo!

Philippiendjé 2:10

mba kar nje gə ɗa-ɗa, mə dara gə, dɔ nangə nee gə gəl nangə ɓa ɓo ri Jeju oso mbi-je gə nama d-um məkəji,

Colossiendjé 1:23

Ne kara baa le ɗaa, may kar ar-je dɔ takagə gə, ꞌɓərəje ngira-si kəne, gə ar-je njang, awje əw gə kunda mə gə Tar gə May pa tar-ɛ ar-si le ang. Tar gə May gə ꞌpa d-ar nekundaje tɔ̰y gəl dara gə, ngaɓa ꞌma Pɔl m-təl m-to nje kul-ɛ tɔ.

1 Timoce 4:16

May kar-i ngom rɔ-i ngaɓa ngom nendo lə-i. Ore kəm-i kəne. Ngaa ɓo, ꞌɗa be nama, ꞌi a kaji rɔ-i nəm ngaɓa nje gə d-o tar ta-i gə nəm tɔ.

1 Piyɛr 4:11

Dəw gə Luba ar-ɛ gusu pa tar nama pa ne tar lə Luba, ɓo gusu ɗa may gə dəwje nama, may kar-ɛ ɗa gə je may gə singa gə Luba ar-ɛ le, mba kar Luba gə njerɔnduba gə njesingamongə gə gə ɓal-ɓal inga ne riɓar ɗəw gə lə Jeju Kirisi. Oyo.

1 Piyɛr 5:11

Singamongə to k-ɛ ja gə ɓal-ɓal! Oyo!

Jude 1:25

ꞌne gə Luba gə gə kar-ɛ baa gə n-to njekaji-si ɗəw gə lə Jeju Kirisi, Mbayɓe lə-si, may kar riɓar, gə ri mbay, gə singa ko̰ɓe gə singamongə to k-ɛ lo kuma kudu ne gə, ɓisine ngaɓa gə, gə ndɔ gə ndɔ! Oyo!

Apocalypse 1:6

ngaɓa, n-təl si gə dəwje gə gəl ɓeko̰ gə lə-a, gə njekapoloje lə bɔb-ɛje Luba le, may kar riɓar gə singa ko̰ dɔ ne to k-ɛ saar-saar gə no! Oyo!

Apocalypse 13:8

Dəwje tɔ̰y gə d-isi dɔ nangə gə nee, gə ri-je godo mə mbede təbə gə lə ngon badəm gə d-uja-a gə ne məsə, un kud-e lo kunda gəl nangə gə ja, d-a pol-e ꞌne gə da le.

Apocalypse 5:1

Be ɓa, nje kisi dɔ ngəndəng mbay gə le, m-o-e, uwa mbede gə ꞌɗa ne m-e gə gə bagir-e gə gə bəngə ji siri to kəne, ji-a gə kɔl gə.

Apocalypse 5:12

ꞌPa gə ndu-je gə boy na: Ngon badəm gə d-uja məs-e le asə mba kinga singamongə, gə nekinga, kəm karə, singa, ɗɔy, riɓar gə ndu tɔr.

Apocalypse 5:3

Ngaa, dəw kara be mə dara gə ose dɔ nangə gə nee ose gəl nangə gə, asə mba cɛ̰ mbede gə nee le ang nəm, gə kila kəm-e kəne ang nəm tɔ.

Apocalypse 5:6

Ɗa m-o Ngon badəm kara ar dan ngəndəng mbay gə dana ngaɓa nekundaje gə sɔɔ gə d-aw kəm baa, gə bubaje gugu dɔ-ɛ d-ila-a dana tɔ. N-to to gə d-unja gɔb-ɛ be. Gaji-ɛ siri ngaɓa kəm-e siri gə ꞌto gə njilje gə siri gə Luba ula-je gə dɔ nangə nee ja tɔ̰y.

Apocalypse 5:9

D-ɔsə pa gə sigi kara ꞌpa na: ꞌI asə mba ta mbede le nəm, gə mba kɔr t-ɛ gə rɛ̰ gə bəngə ji-je gə to kəne nəm tɔ, mba d-unja gɔb-i gə ne məsə, ɗaa məs-i ɓa ꞌi uga ne dɔ gəl kuji tɔ̰y, ndo̰ tar tɔ̰y, dəw mə ɓeje tɔ̰y gə gəl kuji dəwje ar Luba.

Apocalypse 6:16

Ɗaa ꞌpa d-ar dɔ ərje gə mbalje na: ꞌTosoje dɔ-si gə ɓo ꞌiya-je si əw ta kəm ye gə isi dɔ ngəndəng mbay gə, ngaɓa əw gə wungu lə Ngon badəm tɔ.