Apocalypse 4:8 - Mbede Lə Luba Kone Gə Sigi

⁸ Nekundaje gə sɔɔ gə d-aw kəm baa nee le, na-na kara baag-ɛ misa̰-misa̰. Kəm-je ɗusu rɔ-je njḭ gugu bagir-je ula naa gə mbugu saar ce mə-je gə kəy kɔrɔgə. Kar gə cil le, d-uwa kɔr-je ang, ɗaa ꞌpa na: Njerɔsangə, njerɔsangə, njerɔsangə, Mbayɓe, Luba gə njesingamongə, dəw gə nje ga̰, gə ga̰ kede ləw baa, dəw gə a ɗe, njesingamongə gə dum dɔ lo.

Testament ke Siki 1960 (Kabba Laka)

⁸ Dadjé ke tébe sò nèn, dèdè kada kada déh ke bakedè misä, kemdè dousou ròdè giri té ke nodè té toï, kade rem tilti rem deo ang ta pana, Madji toï, madji toï, madji toï, to to Mbaibé Allah ke to ndjè singa mongou, Nè ke néh leo, ke néh, ke nao ndé.

Apocalypse 4:8 Iomraidhean Croise

Koula 20:31

Gəl-e gə nee ɓa may kar-si isije kəm baa, ar-je mə-si ol-e to gə ɓal munda ja, kar-a gə cil, m-əw rɔ-m ang, m-ndəji-si kara gə kara, gə man no kəm gə.

2 Corinthiendjé 6:18

M-a to bɔ-sijee, Ɗaa sisəy a toje gə ngan-mje gə jingaw gə nje gə jene. Mbayɓe gə njesingamongə pa be.

1 Thessaloniciendjé 2:9

Ngan ko̰-mje, oleje mə-si dɔ rɔ-sijee gə j-ula ndubu ngaɓa gə dɔ kɔrje gə j-ɔr gə, j-a ɗa kula cil gə kar le, ɓa mba to ne nekodo dɔ dəw kara horo-sisəy gə ang ja ɓa j-ila ne mbərə Tar gə May lə Luba j-ar-si.

1 Timoce 4:16

May kar-i ngom rɔ-i ngaɓa ngom nendo lə-i. Ore kəm-i kəne. Ngaa ɓo, ꞌɗa be nama, ꞌi a kaji rɔ-i nəm ngaɓa nje gə d-o tar ta-i gə nəm tɔ.

2 Timoce 4:2

Dɔ ndɔ gə may ose may ang kara, ꞌpa tar lə Luba dɔ-i gə kede, ḭ gə je, ꞌndangə-je ɓo ꞌndəji-je gə kore ur, ngaɓa ꞌtɔji-je ne.

Ebərəje 13:8

Jeju Kirisi gə njekara nee ja ga̰ tagəne, gə ɓogəne ngaɓa gə ɓal gə ɓal.

Apocalypse 1:4

ꞌMa gə Ja̰, m-ɗa mbede nee m-ar mbo̰ naa lə njetakagəje gə siri gə dɔ nangə gə Aji: May kar-si ingaje mənuji gə ɗɛgɛgɛ gə ḭ mə ji dəw gə ga̰, gə dəw gə ga̰ kede ləw baa, gə a ɗe ngaɓa gə rɔ njilje gə siri gə d-ar no ngəndəng mbay gə lə-a,

Apocalypse 1:8

Mbayɓe Luba pa na: M-to Aləpa gə Omega, lo kuma kudu ne gə lo tɔl ngangə ne, dəw gə nje ga̰, gə ga̰ kede ləw baa, dəw gə a ɗe, njesingamongə gə dum dɔ lo.

Apocalypse 11:17

na: J-a ɗa-i oyo, Mbayɓe Luba gə njesingamongə gə dum dɔ lo, gə ga̰, gə ga̰ kede ləw baa, mba ꞌtɔji singamongə lə-i gə bo ya̰, ngaɓa o̰ ɓe nəm tɔ.

Apocalypse 14:11

Kəm ndoo lə-je le sa pər uba ngug-ngug gə ndɔ gə ndɔ, lo kuwa kɔr-je godo dan kara gə londul gə, nje gə ꞌpolo da kɔr gə ndaji-ɛ, na-na gə d-unja ndaji ri-a rɔ-ɛ gə.

Apocalypse 14:3

D-ɔsə pa gə sigi, no ngəndəng mbay gə, no nekundaje gə sɔɔ gə d-aw kəm baa, gə no buba ɓeje gə. Ɗaa dəw kara be kara asə mba ndo pa ne le ang, ɗaa ɓɛl nje gə tɔl dɔg lo dɔg gə dɔ-je gə tɔl dɔg lo dɔg gə sɔɔ gə gir-je gə tɔl dɔg lo sɔɔ ne ja baa, ꞌjejee gə d-uga dɔ-je dɔ nangə gə nee.

Apocalypse 15:3

D-ɔsə pa lə Moyiji, ngon njekula lə Luba nəm ɓa d-osə pa lə Ngon badəm na: Mbayɓe Luba gə Njesingamongə, kula ɗa-i bo ngaɓa to ɓəəl ya̰! Mbay gə njeko̰ dɔ dəwje tɔ̰y, ɗəw lə-i to gadə-gadə ngaɓa to tɔgərɔ!

Apocalypse 15:7

Kara horo nekundaje gə d-aw kəm baa gə sɔɔ ar anjije gə siri ngo nekay maaje siri. Wungu lə Luba gə nje kisi gə ndɔ gə ndɔ ɗusu mə ngoje le tubu.

Apocalypse 16:14

ꞌTo gə njil gə kar njilje gə kṵra̰y gə ɗa netɔjije ngaɓa d-aw gə rɔ mbayje gə rɔ dəwje gə d-isi dɔ nangə nee tɔ̰y, mba mbo̰-je kila ne ɗɔ, dɔ ndɔ gə boy gə to kar Luba gə Njesingamongə.

Apocalypse 16:7

Cibi, m-o ndu ḭ no kɔgə pa na: Oyo, Mbayɓe Luba, Njesingamongə, tarje gə ꞌgangə le, ꞌgangə tɔgərɔ, ngaɓa ꞌgangə gadə-gadə ja.

Apocalypse 19:15

Kiya bayi gə t-ɛ adə pəm-pəm ce t-ɛ gə, ye ɓa n-a tuji ne gəl kujije. N-a kul-je gə kagə ngaw lar, n-a kunda dura kodo wungu gə to ɓəl ya̰ lə Luba gə njesingamongə, gə gɔl-ɛ kila.

Apocalypse 19:4

Ngatɔgəje gə dɔg joo gə gir-je gə sɔɔ, gə nekundaje gə sɔɔ d-um məkəji-je nangə, no Luba gə, ye gə isi dɔ ngəndəng mbay gə ɗaa ꞌpa na: Oyo! Aleluyia!

Apocalypse 21:22

Mə ɓebo gə nee le m-o kəy lə Luba kəne ang, mba Mbayɓe Luba gə njesingamongə je gə ngon badəm ja ꞌto gə kəy gə kəne.

Apocalypse 3:7

ꞌƊa mbede ar anji lə mbo̰ naa lə njetakagəje gə Piladɛləpi ꞌpa na: A o, tar gə njerɔsangə, dəw gə gadə-gadə, Gə uwa ngon lakɛrɛ lə Dabidi ji-a gə, Gə ɔr ta ɗəw nama dəw a kudu ang, Gə udu ta ɗəw nama dəw kɔr ang pa le ɓa nee.

Apocalypse 4:4

Ngəndəng mbayje dɔg joo gə gir-e gə sɔɔ ꞌgugu dɔ ngəndəng mbay le d-ila-a dana, ɗa bubaje dɔg joo gə gir-je gə sɔɔ, gə d-ula kubu gə nda, gə tuga jɔgə gə to gə maa dɔ-je gə d-isi kəne.

Apocalypse 4:6

No ngəndəng mbay gə le, ne to kəne ta naa gə babo gə arə kə̰rə̰rə̰ to gə ər gə ɓar-ɛ kirisital be. Dan ngəndəng mbay gə dana, gə gir-e gə kɔr-kɔr le, daje sɔɔ gə d-uba kəm-je no-je gə kede nəm gugu nəm njḭ d-isi kəne.

Apocalypse 4:9

Ngaɓa taar-taar lo gə nekundaje gə sɔɔ gə d-aw kəm baa d-ɔsə gaji nje kisi dɔ ngəndəng mbay gə, ꞌne gə nje kisi gə ɓal-ɓal, ngaɓa ꞌɗɔy-ɛ gə ꞌɗ-ɛ oyo ɗaa,

Apocalypse 5:6

Ɗa m-o Ngon badəm kara ar dan ngəndəng mbay gə dana ngaɓa nekundaje gə sɔɔ gə d-aw kəm baa, gə bubaje gugu dɔ-ɛ d-ila-a dana tɔ. N-to to gə d-unja gɔb-ɛ be. Gaji-ɛ siri ngaɓa kəm-e siri gə ꞌto gə njilje gə siri gə Luba ula-je gə dɔ nangə nee ja tɔ̰y.

Apocalypse 6:1

Ngaɓa m-a lo ɗaa m-o, lo gə Ngon badəm ɔr bəngə ji dɔngɔr to kəne horo nje gə siri gə ɗaa, m-o ndu dɔngɔr nekunda gə aw kəm baa horo nje gə sɔɔ gə le, pa gə ndu-e gə ɓar wəəl to gə nji gə ndangə be na: ꞌƊe.

Apocalypse 6:6

Ɗaa ne ur mbi-m gə ta naa gə ndu be, horo nekundaje gə sɔɔ gə d-aw kəm baa, pa na: ngo waa kara kəm sulay kara, ngaɓa ngo mugay munda kəm sulay kara, kar ubu je gə kodo le, ꞌɗa-je məyɛr ang.

Apocalypse 7:11

Ɗaa anjije tɔ̰y d-ar ꞌgugu dɔ ngəndəng mbay mbugu, ngaɓa gə dɔ Ngatɔgəje gə nekundaje gə sɔɔ gə d-aw kəm baa. D-oso nangə no ngəndəng mbay gə ꞌdəbə ta kəm-je nangə, ɗaa ꞌpolo Luba,

Apocalypse 7:15

Gəl-e gə nee ɓa d-ar ne no ngəndəng mbay gə lə Luba ꞌpol-e ne kara gə cil mə kəy gə lə-a. Ye gə isi dɔ ngəndəng mbay gə a kar d-isi mə kəy gə lə-a;