Apocalypse 4:4 - Mbede Lə Luba Kone Gə Sigi

⁴ Ngəndəng mbayje dɔg joo gə gir-e gə sɔɔ ꞌgugu dɔ ngəndəng mbay le d-ila-a dana, ɗa bubaje dɔg joo gə gir-je gə sɔɔ, gə d-ula kubu gə nda, gə tuga jɔgə gə to gə maa dɔ-je gə d-isi kəne.

Testament ke Siki 1960 (Kabba Laka)

⁴ Ke mbòr ngèndé ko béh té nèn, mare ngèndé dòdjo gérè sò to, ke boukadjé dòdjo gérè sò isi kendé ke doula koubou ke ndaa, ke djòkedò lor to dodè té.

Apocalypse 4:4 Iomraidhean Croise

Matiye 19:28

Jeju ila-je kəne na: Tɔgərɔ, m-pa m-ar-si, ndɔ gə ꞌma gə Ngon lə dəw m-a kisi dɔ ngəndəng mbay rɔnduba gə lə-m dɔ kar gə neje tɔ̰y d-a təl to gə sigi le, sisəy gə unje go-m le, a kisije dɔ ngəndəngje gə dɔg gə gir-e gə joo mba gangə tar dɔ gəl kuji Ijirayɛlje gə dɔg gə gir-e gə joo.

Lugu 22:30

Be ɓa, a kusaje gə a kayje sə-m naa gə kara baa mə ɓeko̰ gə lə-m, ngaɓa a kisije dɔ ngəndəngje gə mba gangə tar dɔ gəl kuji Ijirayɛlje gə dɔg gə gir-e gə joo.

2 Timoce 4:8

Un kud-e ɓisine ja Luba uwa dɔ gɔl jɔgə neɗa gə gadə-gadə, Mbayɓe, nje gangə tar gə gadə-gadə a kar-m dɔ ndɔ təl gə lə-a. ꞌMa gə kar-m baa n-a kar-m ang ngaa dəwje tɔ̰y gə d-aw ngina ndɔ ɗe lə-a kara n-a kar-je tɔ.

Apocalypse 11:16

Ɗaa buba ɓeje gə dɔg joo gə gir-je gə sɔɔ gə d-isi dɔ ngəndəng gə lə-je no Luba gə le, d-oso nangə ꞌdəbə kəm-je nangə ɗa ꞌpolo Luba

Apocalypse 14:3

D-ɔsə pa gə sigi, no ngəndəng mbay gə, no nekundaje gə sɔɔ gə d-aw kəm baa, gə no buba ɓeje gə. Ɗaa dəw kara be kara asə mba ndo pa ne le ang, ɗaa ɓɛl nje gə tɔl dɔg lo dɔg gə dɔ-je gə tɔl dɔg lo dɔg gə sɔɔ gə gir-je gə tɔl dɔg lo sɔɔ ne ja baa, ꞌjejee gə d-uga dɔ-je dɔ nangə gə nee.

Apocalypse 19:14

Njeɗɔje gə dara d-uwa go-e gə kundaje gə nda, gə d-ula-je kubu gə ndo̰y mələg-mələg gə nda ngaɓa arə ngadə tɔ.

Apocalypse 19:4

Ngatɔgəje gə dɔg joo gə gir-je gə sɔɔ, gə nekundaje gə sɔɔ d-um məkəji-je nangə, no Luba gə, ye gə isi dɔ ngəndəng mbay gə ɗaa ꞌpa na: Oyo! Aleluyia!

Apocalypse 2:10

ꞌƁəəl mba ꞌməsərə gə a ko ang. O, ꞌSɛ̰ngərɛ̰ a kum nje gə kɛm horo-si gə kəy kula gə, mba na ne mə-si ko, ɗaa nenaje d-a na mə-si kəm ndɔ dɔg. Uwa ar-ɛ ngəng saar uy ne, ɗaa m-a kar-i jɔgə təbə.

Apocalypse 20:4

M-o ngəndəng mbayje, ngaɓa nje gə d-isi dɔ-ɛ gə le d-ar-je ɗəw mba kar gangə ne tar. Cibi m-o kəm nje gə ꞌtuga gɔbə-je gə cina ꞌgangə mba tar naji lə Jeju, gə mba tar lə Luba, ngaɓa nje gə ꞌpolo da kɔr gə njil-e ang, ngaɓa nje gə bəngə ji da, gə njil-e godo ɓida noje gə ji-je gə kara m-oje tɔ. ꞌTəl d-aw kəm baa ngaɓa d-o̰ ɓe gə Kirisi ɓal tɔl-tɔl dɔg lo kara.

Apocalypse 3:18

M-ndəj-i mba kar-i ꞌndogo sə-m maa gə d-ula-a ndubu pədə d-ar ar yororo mba kar-i ꞌtəl ꞌto ne njenekinga, gə kubuje gə nda mba kar-i ula rɔ-i gə on ne lo rɔ kul lə-i, gə kam ngogula ila kəm-i gə mba kar-i o ne lo.

Apocalypse 4:10

ɓugaje gə dɔg joo gə gir-je gə sɔɔ le d-unda ꞌburamba no nje kisi dɔ ngəndəng mbay gə, ꞌpolo Nje kisi gə ɓal-ɓal ɗaa d-um jɔgəje lə-je nangə no ngəndəng mbay gə ɗaa ꞌpa na:

Apocalypse 4:6

No ngəndəng mbay gə le, ne to kəne ta naa gə babo gə arə kə̰rə̰rə̰ to gə ər gə ɓar-ɛ kirisital be. Dan ngəndəng mbay gə dana, gə gir-e gə kɔr-kɔr le, daje sɔɔ gə d-uba kəm-je no-je gə kede nəm gugu nəm njḭ d-isi kəne.

Apocalypse 5:11

Ngaɓa m-a lo ɗaa m-o ndu anjije no kɔgə gə tɔl-tɔl dɔg lo bula-bula, gə ndu nekundaje gə d-aw kəm baa ngaɓa gə ngatɔgəje

Apocalypse 5:14

Ɗaa nekundaje gə sɔɔ gə d-aw kəm baa le ꞌpa na: Oyo! Ɗaa ɓugaje le d-um məkəji-je nangə ɗaa ꞌpolo.

Apocalypse 5:6

Ɗa m-o Ngon badəm kara ar dan ngəndəng mbay gə dana ngaɓa nekundaje gə sɔɔ gə d-aw kəm baa, gə bubaje gugu dɔ-ɛ d-ila-a dana tɔ. N-to to gə d-unja gɔb-ɛ be. Gaji-ɛ siri ngaɓa kəm-e siri gə ꞌto gə njilje gə siri gə Luba ula-je gə dɔ nangə nee ja tɔ̰y.

Apocalypse 5:8

Lo gə n-ta mbede le ɗaa, daje gə sɔɔ gə bubaje gə dɔg joo gə gir-je gə sɔɔ d-unda ꞌburamba no ngon badəm gə. Na-na kara uwa konde gə ngo nekay gə to gə maa gə ba̰y kəndə mambo̰ ɗusu tubu ji-a gə, tɔji dəjije lə njerɔsangəje.

Apocalypse 6:11

Ɗaa d-ar-je, na-na kara, kubu gə ngal yududu gə nda kələw-kələw. Ngaɓa ꞌpa d-ar-je kar d-uwa kɔr-je dɔ kar njɛ̰ be, saar gə mba kar nje baa kulaje lə-je, gə ngan ko̰-sijee gə d-a tɔl-je to gə ꞌjejee be tɔ le, d-udu ta-je bugum ɓa.

Apocalypse 7:11

Ɗaa anjije tɔ̰y d-ar ꞌgugu dɔ ngəndəng mbay mbugu, ngaɓa gə dɔ Ngatɔgəje gə nekundaje gə sɔɔ gə d-aw kəm baa. D-oso nangə no ngəndəng mbay gə ꞌdəbə ta kəm-je nangə, ɗaa ꞌpolo Luba,

Apocalypse 7:9

Go-e gə gugu, m-a lo m-o ɗaa, a o, bula dəwje gə bo ya̰ gə dəw kara kara a kasə tura-je ang, d-ḭ gə gəl kuji tɔ̰y, gə gəl kuji dəwje, dəw mə ɓeje bula ya̰, gə ndo̰ tarje d-ar no ngəndəng mbay gə gə no ngon badəm gə, d-ula-je kubuje gə ngal yududu gə nda. D-uwa kam kagə ji-je gə,

Apocalypse 9:7

ꞌBɛdɛje nee le d-unda rɔ kundaje gə d-um neɗɔje rɔ-je gə mba kaw ne gə ɗɔ gə, ne gə to dɔ-je gə le, o nama ta naa gə jɔgə gə ꞌɗa gə maa be, ngaɓa ta kəm-je kara ta naa gə kəm dəwje be tɔ.