Apocalypse 4:10 - Mbede Lə Luba Kone Gə Sigi

¹⁰ ɓugaje gə dɔg joo gə gir-je gə sɔɔ le d-unda ꞌburamba no nje kisi dɔ ngəndəng mbay gə, ꞌpolo Nje kisi gə ɓal-ɓal ɗaa d-um jɔgəje lə-je nangə no ngəndəng mbay gə ɗaa ꞌpa na:

Testament ke Siki 1960 (Kabba Laka)

¹⁰ Bouka dooudjé ke dòdjo gérè sò oso nò gòl nè té ke nisi dò ngèndé kö béh té, ke nwal nè ke nisi tébe ke ndò ke ndò, dèdè dila djòkedò lodè nò ngèndé ko béh tén, dèdè mpana,

Apocalypse 4:10 Iomraidhean Croise

Matiye 2:11

D-andə kəy, ɗaa d-ingaje ngon tay le je gə ko̰-ɛje Məri, d-undaje ꞌburamba no-ɛ gə ngaɓa ꞌpolo-eje, cibi d-ɔrəje ta ɓɔl lə-je d-ar-ɛ nenuji, maa gə ubu gə əndə sululu gə no kagə gə ꞌɓar-ɛ mir.

Lugu 24:52

Logə polo-eje nam ngaɓa, ꞌtəl d-aw Jerujalɛm gə rɔləl.

1 Corinthiendjé 15:10

Ngaa gə go mənuji lə Luba ɓa m-to ne ne gə m-to ɓogəne, ngaɓa mənuji gə m-inga le to ne gə baa ang, m-ɗa kula m-unda-je tɔ̰y, gə go singa-m ꞌma ang ngaa gə go mənuji gə Luba ɓa nay sə-m.

Apocalypse 10:6

ɗaa uwa naji gə ri dəw gə isi kəm baa gə ndɔ gə ndɔ, ye gə ɗa dara gə neje tɔ̰y gə to kəne, dɔ nangə gə neje tɔ̰y gə to kəne, babo gə neje tɔ̰y gə to kəne: d-a kila ndɔ gə ɗangə ang ngaa.

Apocalypse 11:16

Ɗaa buba ɓeje gə dɔg joo gə gir-je gə sɔɔ gə d-isi dɔ ngəndəng gə lə-je no Luba gə le, d-oso nangə ꞌdəbə kəm-je nangə ɗa ꞌpolo Luba

Apocalypse 15:4

Na ɓa a kasə ɓəəl-i ang, gə a kila riɓar dɔ ri-i, ꞌI, Mbayɓe gə ang wa? Mba ꞌI ja gə kar-i baa ꞌto njerɔsangə. Gəl kuji dəwje d-a ɗe ɗaa, d-a kum məkəji-je no-i gə, mba neɗa gə gadə-gadə lə-i kila rɔ-ɛ gə ɗaga.

Apocalypse 15:7

Kara horo nekundaje gə d-aw kəm baa gə sɔɔ ar anjije gə siri ngo nekay maaje siri. Wungu lə Luba gə nje kisi gə ndɔ gə ndɔ ɗusu mə ngoje le tubu.

Apocalypse 19:4

Ngatɔgəje gə dɔg joo gə gir-je gə sɔɔ, gə nekundaje gə sɔɔ d-um məkəji-je nangə, no Luba gə, ye gə isi dɔ ngəndəng mbay gə ɗaa ꞌpa na: Oyo! Aleluyia!

Apocalypse 4:2

Gə ngɔdə baa, Njil uba-m pɛ uwa-m. Ɗaa m-o ngəndəng mbay kara mə dara gə, ɗaa dəw kara isi dɔ ngəndəng mbay gə nee le.

Apocalypse 4:4

Ngəndəng mbayje dɔg joo gə gir-e gə sɔɔ ꞌgugu dɔ ngəndəng mbay le d-ila-a dana, ɗa bubaje dɔg joo gə gir-je gə sɔɔ, gə d-ula kubu gə nda, gə tuga jɔgə gə to gə maa dɔ-je gə d-isi kəne.

Apocalypse 4:9

Ngaɓa taar-taar lo gə nekundaje gə sɔɔ gə d-aw kəm baa d-ɔsə gaji nje kisi dɔ ngəndəng mbay gə, ꞌne gə nje kisi gə ɓal-ɓal, ngaɓa ꞌɗɔy-ɛ gə ꞌɗ-ɛ oyo ɗaa,

Apocalypse 5:14

Ɗaa nekundaje gə sɔɔ gə d-aw kəm baa le ꞌpa na: Oyo! Ɗaa ɓugaje le d-um məkəji-je nangə ɗaa ꞌpolo.

Apocalypse 5:8

Lo gə n-ta mbede le ɗaa, daje gə sɔɔ gə bubaje gə dɔg joo gə gir-je gə sɔɔ d-unda ꞌburamba no ngon badəm gə. Na-na kara uwa konde gə ngo nekay gə to gə maa gə ba̰y kəndə mambo̰ ɗusu tubu ji-a gə, tɔji dəjije lə njerɔsangəje.

Apocalypse 7:11

Ɗaa anjije tɔ̰y d-ar ꞌgugu dɔ ngəndəng mbay mbugu, ngaɓa gə dɔ Ngatɔgəje gə nekundaje gə sɔɔ gə d-aw kəm baa. D-oso nangə no ngəndəng mbay gə ꞌdəbə ta kəm-je nangə, ɗaa ꞌpolo Luba,