Apocalypse 4:1 - Mbede Lə Luba Kone Gə Sigi

¹ Go-e gə gugu ɗaa m-o ta ɗəw cɛ̰ mə dara gə, ɗaa ndu gə dɔngɔr gə pa sə-m tar gə ur mbi-m gə le ɓar to gə kuul be, pa na: Ɔdə gə nee, ɗa m-a tɔji ne gə a nday mə ndɔ gə aw ɗe gə kede əng.

Testament ke Siki 1960 (Kabba Laka)

¹ Gè té nèn ma mo, ke wo, tadeo kei kada òrou dara. Ndou ke dongor ke mo pa tar sem ke to tokou tebe narè ke bar, pana, Al nèn, ke ma ma tòdji né ke ase téh goukoudang nèn.

Apocalypse 4:1 Iomraidhean Croise

Matiye 3:16

Logə Ja̰ ɗa Jeju batɛm, ngaɓa Jeju aw ce mə man gə gə ɗaga ɗaa kəm dara cɛ̰ bərərə, ar n-o Njil Luba ɗisi to to gə dər kuul be isi dɔ-ɛ gə.

Marəke 1:10

Logə Jeju aw ce mə man gə gə ɗaga ɗaa, kəm dara cɛ̰ bərərə ar n-o Njil Luba ɗisi to to gə dər kuul be ɗe isi dɔ-ɛ gə.

Lugu 3:21

To gə Ja̰ ɗa dəwje tɔ̰y batɛm le, Jeju kara n-ɗ-ɛ batɛm tɔ. Logə Jeju aw dəji Luba ɗaa, kəm dara cɛ̰,

Jean 16:13

Logə Njil gə njetar gə tɔgərɔ a ɗe ɗaa, a kɔr no-si ɗəw tar gə tɔgərɔ gə ja tɔ̰y. Mba n-a pa tar gə dɔ rɔ-ɛ baa ang, nga tarje tɔ̰y gə n-a ko le ja ɓa n-a pa ɓi, ngaɓa neje tɔ̰y gə a ɗe le, n-a pa tar-ɛ kar-sisəy tɔ.

Koula 10:11

N-o kəm dara cɛ̰ ngaɓa n-o ne kara to to gə ta kubu gə tadə be, d-uwa kel-e gə sɔɔ rad-rad ngaɓa ɗisi gə nangə nee.

Koula 7:56

N-təl pa na: O-je, m-o kəm dara cɛ̰ ɗaa m-a lo m-o, Ngon lə dəw ar taar dɔ ji kɔl Luba gə.

Apocalypse 1:10

Dɔ ndɔ gə lə Mbayɓe ɗaa, Njil Luba ɗe yiil isi dɔ-m gə, ɗaa m-o ndu dəw ɓar go-m gə gugu ɓolong to gə kuul be,

Apocalypse 1:12

M-kəl go-m gə mba ko dəw gə pa sə-m tar le. Kəl gə m-kəl go-m ɗaa, m-o dɔ ne kunda lambeje gə ꞌɗa gə maa ja siri,

Apocalypse 1:19

ꞌƊa ne gə o gə kəm-i nee le mə mbede gə, ne gə to dɔ kar gə nee, gə ne gə a ɗe kore go-e.

Apocalypse 11:12

Pajambərəje gə joo d-o ndu gə boy ḭ mə dara gə pa ar-je na: Awje gə taar nee. Ɗaa d-uba nangə d-ḭ d-aw dara mə kil gə lə nji ta kəm njeba̰a̰je gə lə-je nda̰-nda̰.

Apocalypse 11:19

Ɗaa ta kəy gə lə Luba gə mə dara gə cɛ̰, ngaɓa sandubu kone ce to mə kəy gə lə Luba; ɗaa nji təl pa̰y-pa̰y ngaɓa ndu dəwje ɓar gə nji ndangə bangərang-bangərang, nangə kara yə, ngaɓa kɔji nə̰y nangə hadada-hadada tɔ.

Apocalypse 16:17

Anji gə njekum gə siri mbəl ngo nekay lə-a mə ləl gə. Ndu dəw ḭ ngəndəng mbay gə, mə kəy gə lə Luba ɓar to gə boy wəəl na: Ɓɛlɛ ngaa!

Apocalypse 19:11

Be ɓa m-o kəm dara cɛ̰, ɗa kunda gə nda ɔsə lo ce. Dəw gə al-ɛ ri-a na Nje to ngon kuji gə Nje ɗa ne gə tɔgərɔ, n-gangə tar ngaɓa n-ɗa ɗɔ gə gadə-gadə tɔ.

Apocalypse 22:6

Anji n-pa n-ar-m na: Tarje gə nee le to gə tarje gə gadə ngaɓa tɔgərɔ nəm tɔ; Mbayɓe, Luba gə ar njil lə-a pajambərəje le, ula anji lə-a mba kar tɔji ngan njekulaje lə-a ne gə a ɗe ɓisine baa.