Apocalypse 3:7 - Mbede Lə Luba Kone Gə Sigi

⁷ ꞌƊa mbede ar anji lə mbo̰ naa lə njetakagəje gə Piladɛləpi ꞌpa na: A o, tar gə njerɔsangə, dəw gə gadə-gadə, Gə uwa ngon lakɛrɛ lə Dabidi ji-a gə, Gə ɔr ta ɗəw nama dəw a kudu ang, Gə udu ta ɗəw nama dəw kɔr ang pa le ɓa nee.

Testament ke Siki 1960 (Kabba Laka)

⁷ Eda maketourou are ange ke kei Allah té ke Philadelphie, Tar lo nè ke nto madji toï, nè ke nto tokoro, ke nè ke néh ke klélé lo David, nè ke nòrou ke doou kada a koutou ang, ke nè ke noutou ke doou kada a kòrou ang.

Apocalypse 3:7 Iomraidhean Croise

Matiye 16:19

M-a kar-i lakɛrɛ ta kəy ɓeko̰ gə dara: Ne gə ꞌi a tɔ dɔ nangə nee nama d-a tɔ dara tɔ, a ɓo ne gə ꞌi tudu dɔ nangə nee nama d-a tudu dara tɔ.

Matiye 24:35

Dara je gə nangə d-a nday, ngaa tarje lə-m d-a nday ang.

Marəke 1:24

Jeju gə Najarɛd, ɗi ɓa ꞋI njigi wa? Se ꞌi ɗe mba tuji-si ngaa wa? M-gərə to gə ꞌto Njerɔsangə lə Luba.

Lugu 1:32

N-a tɔgə ngaɓa d-a ɓar-ɛ na Ngon gə Dəw gə sam dara gə. Mbayɓe Luba a kar-ɛ ngəndəng mbay lə k-eje Dabidi.

Lugu 4:34

Ee, Jeju Dəw gə Najarɛd, ɗi ɓa ꞋI njigi wa? Se ꞌi ɗe mba tuji-si ngaa wa? M-gər-i, ꞌto Njerɔsangə lə Luba!

Jean 14:6

Jeju pa ar-ɛ na: ꞌMa ja m-to gə ɗəw, gə Tar gə tɔgərɔ gə təbə. Dəw kara kara a kasə kaw rɔ Bɔy gə lal ce gə ɗəw gə ɓe lə-m ꞌma ang.

Koula 3:14

Ngaa sisəy le ꞌmbadəje dəw gə to njerɔsangə ngaɓa to dəw gə gadə-gadə, cibi dəjije dəw gə nje tɔl dəwje ɓa ar-je d-ɔr-ɛ d-ila-a taar.

1 Jean 5:20

Sijee j-a gərə ja cibi to gə Ngon lə Luba ɗe ar-si kəji negərə mba kar j-a gərə ne Luba gə tɔgərɔ, ngaɓa j-a ga̰ gə Luba gə tɔgərɔ ɗəw gə lə Ngon-e Jeju Kirisi. ꞌNe gə to Luba gə tɔgərɔ nəm gə təbə gə gə ndɔ gə ndɔ.

Apocalypse 1:11

pa na: Ne gə o gə kəm-i nee le, ꞌɗa mə mbede gə kara, ɗaa ula ne ar mbo̰ naa lə njetakagəje gə siri gə to mə ɓeboje gə Epɛs, gə Isimirənə, gə Pɛrəgam, gə Tiyatir, Sarədə gə Piladɛləpi, ngaɓa gə Lawdise.

Apocalypse 1:18

gə nje kisi kəm baa. M-uy ja, ɗaa oje m-isi kəm baa gə no ngaɓa m-uwa lakɛrɛ kar yo gə kar lo gə jabaw ji-m gə.

Apocalypse 1:5

gə rɔ Jeju Kirisi gə nje pa tar naji lə Luba gə gədə, ꞌne n-to ngon dəər, gə dəw gə dɔngɔr gə ndol horo nje gə d-uy gə, gə dəw dɔ mbayje tɔ̰y gə dɔ nangə nee! ꞌNe gə n-njigi sijee gə ꞌne gə mbɔr dɔ məs-e ɓa n-ɔr ne sijee dan neɗa gə kṵra̰y gə,

Apocalypse 15:3

D-ɔsə pa lə Moyiji, ngon njekula lə Luba nəm ɓa d-osə pa lə Ngon badəm na: Mbayɓe Luba gə Njesingamongə, kula ɗa-i bo ngaɓa to ɓəəl ya̰! Mbay gə njeko̰ dɔ dəwje tɔ̰y, ɗəw lə-i to gadə-gadə ngaɓa to tɔgərɔ!

Apocalypse 16:7

Cibi, m-o ndu ḭ no kɔgə pa na: Oyo, Mbayɓe Luba, Njesingamongə, tarje gə ꞌgangə le, ꞌgangə tɔgərɔ, ngaɓa ꞌgangə gadə-gadə ja.

Apocalypse 19:11

Be ɓa m-o kəm dara cɛ̰, ɗa kunda gə nda ɔsə lo ce. Dəw gə al-ɛ ri-a na Nje to ngon kuji gə Nje ɗa ne gə tɔgərɔ, n-gangə tar ngaɓa n-ɗa ɗɔ gə gadə-gadə tɔ.

Apocalypse 19:2

mba tar gangəje lə-a tɔgərɔ ngaɓa dana gadə-gadə nəm tɔ. N-gangə tar dɔ jene kaya gə boy gə nje tuji dɔ nangə gə kaya ɗa lə-a, ngaɓa n-dal ba̰a̰ məsə ngan lokisije lə-a gə um nangə ɗəw gə lə jene kaya le tɔ.

Apocalypse 2:1

ꞌƊa mbede ula ne ar anji lə mbo̰ naa lə njetakagəje gə Epɛs: O tar gə nje kuwa ndɛ̰ndərɛ̰ndɛ̰je gə siri ji-a gə kɔl gə nja ne horo lambe maa̰je gə siri pa:

Apocalypse 21:5

Ye gə isi dɔ ngəndəng mbay gə le pa na: A o, m-ɗa neje tɔ̰y to gə sigi. Cibi n-pa na: ꞌƊa mbede gə, mba tarje gə nee le, to gə tarje gə gadə gə tɔgərɔ.

Apocalypse 3:14

Ɗa mbede ar anji lə Mbo̰ naa lə njetakagəje gə Lawdise: Be ɓa n-ne gə Oyo, njetar naji gə njetakagə gə tɔgərɔ, Ngira nekundaje lə Luba pa na:

Apocalypse 4:8

Nekundaje gə sɔɔ gə d-aw kəm baa nee le, na-na kara baag-ɛ misa̰-misa̰. Kəm-je ɗusu rɔ-je njḭ gugu bagir-je ula naa gə mbugu saar ce mə-je gə kəy kɔrɔgə. Kar gə cil le, d-uwa kɔr-je ang, ɗaa ꞌpa na: Njerɔsangə, njerɔsangə, njerɔsangə, Mbayɓe, Luba gə njesingamongə, dəw gə nje ga̰, gə ga̰ kede ləw baa, dəw gə a ɗe, njesingamongə gə dum dɔ lo.

Apocalypse 5:9

D-ɔsə pa gə sigi kara ꞌpa na: ꞌI asə mba ta mbede le nəm, gə mba kɔr t-ɛ gə rɛ̰ gə bəngə ji-je gə to kəne nəm tɔ, mba d-unja gɔb-i gə ne məsə, ɗaa məs-i ɓa ꞌi uga ne dɔ gəl kuji tɔ̰y, ndo̰ tar tɔ̰y, dəw mə ɓeje tɔ̰y gə gəl kuji dəwje ar Luba.

Apocalypse 6:10

D-uru ꞌkuwi gə ndu-je gə boy na: Saar ndɔ gə ɗa gə ja ɓa, ꞌɓəə neje, njerɔsangə gə dəw gə gadə-gadə, saar ndɔ gə ɗa gə ja ɓa kur-i a kəw gə mba kar-i ꞌgangə tar, gə ꞌdal ba̰a̰ məsə-sije dɔ dəwje gə dɔ nangə gə nee le wa?