Apocalypse 3:4 - Mbede Lə Luba Kone Gə Sigi

⁴ Ngaa, Sarədə gə le, dəwje lə-i gə kɛm, gə kubu lə-je uwa yoro ang ꞌga̰ kəne əng. D-a dan-m, gə kubu lə-je gə nda mba ꞌje d-asə ja.

Testament ke Siki 1960 (Kabba Laka)

⁴ A i éh ke mare dooudjé Sardes té ke nda koubou lodè dare waa yèdo ang, dèdè da ndja sem ke koubou ke ndaa, mbata dèdè dase.

Apocalypse 3:4 Iomraidhean Croise

Matiye 10:11

Mə ɓebo ose ngon ɓe gə andəje kəne nama, ꞌdəjije tar a ɓo dəw gə asə kuwa-si mba ga̰ kəne nama ꞌtoje kəy lə-a saar ndɔ gə a kɔdəje ne.

Marəke 16:5

D-andə mə buwa yo gə ɗaa, d-o ngon basa̰ isi dɔ kɔl, ula kubu gə ngal gə nda kələw-kələw, ɗaa ɓəəl unda-je badə gangə-je.

Lugu 20:35

Ngaa nje gə Luba oje to gə d-asə kandə ɓeko̰ gə lə-a ndɔ gə bara, ngaɓa d-a ndol naa gə gə nje gə d-uy le, jingawje gə jeneje d-a ta naa ang.

Lugu 21:36

Ɔsəje kəm-si kɔrə ɓo ꞌdəjije Luba gə karje ja tɔ̰y, mba kar d-ɔr-si d-unda si gə kəm-e mba kar-si ꞌce-je nee ta neje gə a ɗe dɔ ndɔ gə bara gə, ngaɓa gə mba kar ar-je ne dɔ gɔl si gə njang no Ngon lə dəw gə.

Koula 1:15

Dɔ ndɔ-ɛje gə əng le ngan ko̰ naaje d-asə tɔl gə dɔg joo be ꞌmbo̰ naa ɗaa Piyɛr uba nangə ḭ taar horo-je gə ngaɓa un tar pa na:

2 Thessaloniciendjé 1:5

Ne gə tɔji gangə tar gə gadə-gadə lə Luba le, ne nee le to mba sisəy a kasəje mba kandə-je Ɓeko̰ gə lə Luba gə oje ko̰ ne ɔji dɔ-ɛ.

Jude 1:23

nje gə kɛm ɗaa, ꞌnarəje-je kəm pər gə, cibi oje kəmtondoo lə nje gə kɛm gə ɓəəl mə-si gə. May kar aje rɔ-si dɔ kubu gə d-ula ꞌɗa ne kaya.

Apocalypse 1:11

pa na: Ne gə o gə kəm-i nee le, ꞌɗa mə mbede gə kara, ɗaa ula ne ar mbo̰ naa lə njetakagəje gə siri gə to mə ɓeboje gə Epɛs, gə Isimirənə, gə Pɛrəgam, gə Tiyatir, Sarədə gə Piladɛləpi, ngaɓa gə Lawdise.

Apocalypse 11:13

Dɔ kar-ɛ gə əng ja, dɔ nangə yə to gə boy ɗaa ɓebo gə ꞌkay dana lo dɔg le, dəb-e gə be kara unda nangə mburugu ɗaa dəwje tɔl-tɔl dɔg lo siri d-uy dan nangə gə yə gə nee le. Nje gə ꞌce ta yo gə ɗaa ɓəəl unda-je badə gangə-je, ar-je d-ula ne rɔnduba dɔ Luba gə nje kisi dara.

Apocalypse 14:4

To gə nje gə ꞌrɔgə rɔ-je yoro gə ɔji dɔ sangə jeneje ang, ꞌgərə jene ang ɓi. Nje gə kən le d-um mə-je dɔ Jeju gə jəb-jəb dɔ ɗəw nja gə lə-a. Nje gə kən le d-uga dɔ-je horo dəwje gə asə naa gə kandə neje gə dɔngɔr gə ɔji dɔ Luba ngaɓa ɔji dɔ ngon badəm tɔ.

Apocalypse 19:14

Njeɗɔje gə dara d-uwa go-e gə kundaje gə nda, gə d-ula-je kubu gə ndo̰y mələg-mələg gə nda ngaɓa arə ngadə tɔ.

Apocalypse 19:8

Cibi d-un ɗəw d-ar-ɛ gə mba kar n-ula kubu gə ndo̰y mələg-mələg ngaɓa arə ngadə, mba kubu gə ndo̰y mələg-mələg le, to gə kula ɗaje gə gadə-gadə lə njerɔsangəje.

Apocalypse 3:18

M-ndəj-i mba kar-i ꞌndogo sə-m maa gə d-ula-a ndubu pədə d-ar ar yororo mba kar-i ꞌtəl ꞌto ne njenekinga, gə kubuje gə nda mba kar-i ula rɔ-i gə on ne lo rɔ kul lə-i, gə kam ngogula ila kəm-i gə mba kar-i o ne lo.

Apocalypse 3:5

Be ɓa, dəw gə cɛdə ɗɔ nama, d-a kula-a kubu gə nda; m-a tuji ri-a mə mbede təbə gə ang, ngaɓa m-a pa tar lə-a gə ɗaga no gɔl Bɔy gə, gə no gɔl anjije gə lə-a.

Apocalypse 4:4

Ngəndəng mbayje dɔg joo gə gir-e gə sɔɔ ꞌgugu dɔ ngəndəng mbay le d-ila-a dana, ɗa bubaje dɔg joo gə gir-je gə sɔɔ, gə d-ula kubu gə nda, gə tuga jɔgə gə to gə maa dɔ-je gə d-isi kəne.

Apocalypse 6:11

Ɗaa d-ar-je, na-na kara, kubu gə ngal yududu gə nda kələw-kələw. Ngaɓa ꞌpa d-ar-je kar d-uwa kɔr-je dɔ kar njɛ̰ be, saar gə mba kar nje baa kulaje lə-je, gə ngan ko̰-sijee gə d-a tɔl-je to gə ꞌjejee be tɔ le, d-udu ta-je bugum ɓa.

Apocalypse 7:9

Go-e gə gugu, m-a lo m-o ɗaa, a o, bula dəwje gə bo ya̰ gə dəw kara kara a kasə tura-je ang, d-ḭ gə gəl kuji tɔ̰y, gə gəl kuji dəwje, dəw mə ɓeje bula ya̰, gə ndo̰ tarje d-ar no ngəndəng mbay gə gə no ngon badəm gə, d-ula-je kubuje gə ngal yududu gə nda. D-uwa kam kagə ji-je gə,