Apocalypse 3:18 - Mbede Lə Luba Kone Gə Sigi

¹⁸ M-ndəj-i mba kar-i ꞌndogo sə-m maa gə d-ula-a ndubu pədə d-ar ar yororo mba kar-i ꞌtəl ꞌto ne njenekinga, gə kubuje gə nda mba kar-i ula rɔ-i gə on ne lo rɔ kul lə-i, gə kam ngogula ila kəm-i gə mba kar-i o ne lo.

Testament ke Siki 1960 (Kabba Laka)

¹⁸ Tokou ban mam ndedji ta ndoko sem narè lor ke ndjiri pouro mbä, baa ta kare i dé to ndjè né kinga, ke koubou ke ndaa ta koula ròi té, baa ta kare ròkoul ròi ke to ba téh kem té ang, ke kouma ta kòrou kemi té, baa ta kari wo loou.

Apocalypse 3:18 Iomraidhean Croise

Matiye 13:44

Ɓeko̰ gə dara le to asə naa gə nekinga gə iya rɔ-ɛ mə ndɔ gə. Dəw gə inga ne le ɗaa un iya to gə ɗangə, rɔ-ɛ ləl-e ya̰ ar n-ɔdə n-aw n-uwa neje lə-a tɔ̰y n-ndogo ngaɓa n-ta lar-ɛ n-aw n-ndogo ne ndɔ nee le.

Matiye 25:9

Njekəm karəje le ila-je kəne na: A kasə kar j-a kay j-ar-si ang, ngaa a̰yje awje ɓə lə njeɗab-ɛje aw ndogoje.

Lugu 12:21

Jeju təl pa ja cibi na: Ye ɓa to ne gə ce dɔ dəw gə mbo̰ nekinga ɔji dɔ-ɛ ye ja baa, ɓo to njenekinga gə ɔji dɔ Luba ang.

2 Corinthiendjé 5:3

to gə ɓo kəy gə dara on darɔ-si nama, d-a ko kudu-si dum ang.

2 Corinthiendjé 8:9

Be ɓa, sisəy ꞌgərə-je mənuji lə Mbayɓe lə-sijee Jeju Kirisi, gə to baw ja ngaa, ɗa rɔ-ɛ gə njendoo mba kar ɗəw ndoo gə lə-a ɗaa sisəy a toje nebawje.

1 Timoce 6:18

Ula-je mba kar-je ꞌɗa may, mba kar ꞌto baw neɗaje gə may. D-un ne d-ar gə məmay ngaɓa d-a to gə njekay ne dəwje pə-pə.

Jacques 2:5

Ngan ko̰-mje gə m-njigi-si ya̰, ꞌtugaje mbi-si oje: Se Luba ja ɓa mbərə nje gə ꞌto gə njendooje kəm dəwje gə dɔ nangə nee ɓa mba kar ꞌtəl to gə bawje ɗəw takagə, ngaɓa gə nje kuwa nendubaje gə mə ɓeko̰ gə lə-a, gə n-uwa dɔ gɔl-ɛ n-ngəbə nje gə ꞌnjigi-e le ang wa?

1 Piyɛr 1:7

mba nenaje nee le ja ɓa a tɔji takagə lə-si gə tɔgərɔ, takagə lə-si may unda maa gə to ne gə a tuji ja ngaa d-aw ꞌna gə pər, be ɓa a kingaje ne pidi, gə riɓar ngaɓa d-a ɗɔy-si ne ndɔ gə Jeju Kirisi a kila ne rɔ-ɛ gə ɗaga.

Apocalypse 16:15

A o, m-ɗe to gə nje ɓogo be. Nokarə to kar dəw gə isi kəm baa dɔ rɔ-ɛ gə ngaɓa ngom kubuje lə-a, mba nja kud-e dum ang, ngaɓa mba kar d-o lo rɔ kul lə-a ang nəm tɔ!

Apocalypse 19:8

Cibi d-un ɗəw d-ar-ɛ gə mba kar n-ula kubu gə ndo̰y mələg-mələg ngaɓa arə ngadə, mba kubu gə ndo̰y mələg-mələg le, to gə kula ɗaje gə gadə-gadə lə njerɔsangəje.

Apocalypse 2:9

M-gərə ne ur ti lə-i gə ndoo lə-i, ngaa ꞌto njenekinga, ɗaa tar paje gə kṵra̰y lə nje gə ꞌɗa rɔ-je gə Jiibije ngaa ꞌto Jiibije ang baa, ꞌto kəy nendo lə ꞌSu.

Apocalypse 3:17

Mba ꞌpa na: M-to njenekinga, m-isi dan nekinga gə dana badagə ɗaa m-aw ndoo ne kara ang, cibi ngaɓa ꞌgərə to gə ꞌto gə njendoo ang nəm, gə njekəmtondoo ang nəm, gə nje ko məsərə ang nəm, gə njekəmandoo ang nəm, gə nje kəm tɔ ang nəm, gə nje kaw kudu dum ang nəm tɔ.

Apocalypse 4:4

Ngəndəng mbayje dɔg joo gə gir-e gə sɔɔ ꞌgugu dɔ ngəndəng mbay le d-ila-a dana, ɗa bubaje dɔg joo gə gir-je gə sɔɔ, gə d-ula kubu gə nda, gə tuga jɔgə gə to gə maa dɔ-je gə d-isi kəne.

Apocalypse 7:13

Be ɓa kara lə ngatɔgəje un tar dəji-m na: Dəwje gə d-ula kubuje gə ngal yududu-yududu gə nda kələw-kələw nee le, ꞌto gə naje wa? Ngaɓa d-ḭ ɗa wa?