Apocalypse 3:14 - Mbede Lə Luba Kone Gə Sigi

¹⁴ Ɗa mbede ar anji lə Mbo̰ naa lə njetakagəje gə Lawdise: Be ɓa n-ne gə Oyo, njetar naji gə njetakagə gə tɔgərɔ, Ngira nekundaje lə Luba pa na:

Testament ke Siki 1960 (Kabba Laka)

¹⁴ Eda maketourou are ange ke kei Allah té ke Laodicée, Tar lo nè ke nto Amen, ke nto ndjè tar nadji mè ndaa kaï ke tokoro, nè ke nto kounkoutou né da lo Allah.

Apocalypse 3:14 Iomraidhean Croise

Jean 1:3

ꞌNe ja ɓa n-unda ne neje tɔ̰y, ngaɓa ne kara be gə gə ga̰ gə lal kar n-to njegəl-e le godo tɔ.

Jean 8:14

Jeju ila-je kəne na: ꞌMa ja m-ɗa tar naji lə-m to gə tɔgərɔ ngaa, tar naji lə-m le to arə ngadə, mba m-gərə lo gə m-ḭ kəne ngaɓa lo gə m-aw gə kəne nəm tɔ. Kar-sisəy le, ꞌgərəje lo gə m-ḭ kəne ang nəm, lo gə m-aw gə kəne kara ꞌgərəje ang nəm tɔ.

2 Corinthiendjé 1:20

Neje tɔ̰y gə Luba uwa dɔ gɔl-ɛ le to oyo ɗəw gə lə-a. Ngaɓa, ɗəw gə lə-a ɓa j-a ɗa ne Luba oyo j-ila ne riɓar dɔ-ɛ gə.

Colossiendjé 1:15

N-to ndaji Luba gə kəm dəw o-e ang, ngaɓa n-to dər nekundaje tɔ̰y.

Colossiendjé 1:18

ꞌNe ja n-to dəw dɔ Mbo̰ naa lə njetakagəje to to gə dɔ dəw o̰ ne dɔ darɔ be. N-to kun kud-e, n-to dɔngɔr dəw horo nje gə d-uy gə, mba ce ne no-je gə dɔngɔr tɔ̰y.

Colossiendjé 2:1

Be ɓa m-njigi kar-si ꞌgərəje ɗɔ gə to ɓəəl ya̰ gə m-ar t-ɛ gə mba-si, mba nje gə Lawdise ngaɓa mba ꞌjejee tɔ̰y gə d-o-m ang ɓi,

Colossiendjé 4:16

Ngaɓa logə d-a tura mbede gə nee ɓe lə-si ɗaa, ꞌɗaje gaa ar-je ꞌtura lo mbo̰ naa lə njetakagəje gə Lawdise tɔ, ngaɓa sisəy kara may kar ꞌtura ye gə a kḭ ɓə lə nje gə Lawdise ɓə lə-si tɔ.

Apocalypse 1:11

pa na: Ne gə o gə kəm-i nee le, ꞌɗa mə mbede gə kara, ɗaa ula ne ar mbo̰ naa lə njetakagəje gə siri gə to mə ɓeboje gə Epɛs, gə Isimirənə, gə Pɛrəgam, gə Tiyatir, Sarədə gə Piladɛləpi, ngaɓa gə Lawdise.

Apocalypse 1:5

gə rɔ Jeju Kirisi gə nje pa tar naji lə Luba gə gədə, ꞌne n-to ngon dəər, gə dəw gə dɔngɔr gə ndol horo nje gə d-uy gə, gə dəw dɔ mbayje tɔ̰y gə dɔ nangə nee! ꞌNe gə n-njigi sijee gə ꞌne gə mbɔr dɔ məs-e ɓa n-ɔr ne sijee dan neɗa gə kṵra̰y gə,

Apocalypse 19:11

Be ɓa m-o kəm dara cɛ̰, ɗa kunda gə nda ɔsə lo ce. Dəw gə al-ɛ ri-a na Nje to ngon kuji gə Nje ɗa ne gə tɔgərɔ, n-gangə tar ngaɓa n-ɗa ɗɔ gə gadə-gadə tɔ.

Apocalypse 2:1

ꞌƊa mbede ula ne ar anji lə mbo̰ naa lə njetakagəje gə Epɛs: O tar gə nje kuwa ndɛ̰ndərɛ̰ndɛ̰je gə siri ji-a gə kɔl gə nja ne horo lambe maa̰je gə siri pa:

Apocalypse 21:6

Ngaɓa n-pa n-ar-m na: Ɓɛlɛ ngaa. M-to Aləpa gə Omega, lo kuma kudu ne gə lo tɔl ngangə ne. Ye gə kunda ɔr-ɛ nama m-a kar-ɛ man gə a̰y kuji-kuji gə kar kisi kəm baa, gə a ndogo gə lar ang.

Apocalypse 22:13

M-to Aləpa gə Omega, Dəw gə dɔngɔr gə Dəw gə ɗudu, lo kuma kudu ne gə lo tɔl ngangə ne.

Apocalypse 22:6

Anji n-pa n-ar-m na: Tarje gə nee le to gə tarje gə gadə ngaɓa tɔgərɔ nəm tɔ; Mbayɓe, Luba gə ar njil lə-a pajambərəje le, ula anji lə-a mba kar tɔji ngan njekulaje lə-a ne gə a ɗe ɓisine baa.

Apocalypse 3:7

ꞌƊa mbede ar anji lə mbo̰ naa lə njetakagəje gə Piladɛləpi ꞌpa na: A o, tar gə njerɔsangə, dəw gə gadə-gadə, Gə uwa ngon lakɛrɛ lə Dabidi ji-a gə, Gə ɔr ta ɗəw nama dəw a kudu ang, Gə udu ta ɗəw nama dəw kɔr ang pa le ɓa nee.