Apocalypse 3:11 - Mbede Lə Luba Kone Gə Sigi

¹¹ M-a ɗe ɓisine. Uwa ne gə inga le gaa mba kar dəw kara kara ta dɔ gugu lə-i ang.

Testament ke Siki 1960 (Kabba Laka)

¹¹ Ma mao ndé loshénè, waa ngeng né ke i éh kendé, ta kare doou kada a taa djòkedò loi ang.

Apocalypse 3:11 Iomraidhean Croise

1 Corinthiendjé 9:25

Dəw gə njeka̰y ngɔdə gə ɗa-ɗa kara sangə rɔ-ɛ dɔ neje gə tɔ̰y, ngaa ꞌjejee nee le ꞌɗa be mba kinga ne dɔ gugu gə a tuji pugudu baa, ngaa kar-sijee le ɗaa to dɔ gugu gə a tuji ang.

Philippiendjé 4:5

May kar dəwje tɔ̰y ꞌgərə kila mə dɔ mar-ɛ gə lə-si. Mbayɓe nay dəb baa.

2 Timoce 2:5

Ɗəw kara baa to gə njeka̰y ngɔdə gə a̰y ila ne kɔji dɔ nduje gə ɓa a kinga ne dɔ ji lə-a.

2 Timoce 4:8

Un kud-e ɓisine ja Luba uwa dɔ gɔl jɔgə neɗa gə gadə-gadə, Mbayɓe, nje gangə tar gə gadə-gadə a kar-m dɔ ndɔ təl gə lə-a. ꞌMa gə kar-m baa n-a kar-m ang ngaa dəwje tɔ̰y gə d-aw ngina ndɔ ɗe lə-a kara n-a kar-je tɔ.

Jacques 1:12

Nokarə to ɔji dɔ dəw gə uwa gədərə ta nena gə; mba go nena gə ce dɔ-ɛ gə le, n-a kinga jɔgə təbə gə Mbayɓe uwa dɔ gɔl-ɛ ngina ne dəwje gə ꞌnjigi-e.

Jacques 5:9

Ngan ko̰-mje, ꞌpaje tar gə kṵra̰y dɔ naa gə yo gə ne ang, mba kar Luba gangə ne tar dɔ-si gə ang. Oje, nje gangə tar le ar ta kəy gə nee.

Apocalypse 1:3

Nokarə to kar dəw gə tura mbede nee, ngaɓa rɔləl to kar nje gə ꞌtuga mbi-je d-o ne tarje gə to lokiya gə gə ꞌpa mə mbede gə nee, gə d-ila ngon kuji dɔ neje tɔ̰y gə d-uja kəne nee, mba dɔ kar gə Luba a kɔji kar neje nee a ɗe le nay njɛ̰ baa ngaa.

Apocalypse 16:15

A o, m-ɗe to gə nje ɓogo be. Nokarə to kar dəw gə isi kəm baa dɔ rɔ-ɛ gə ngaɓa ngom kubuje lə-a, mba nja kud-e dum ang, ngaɓa mba kar d-o lo rɔ kul lə-a ang nəm tɔ!

Apocalypse 2:10

ꞌƁəəl mba ꞌməsərə gə a ko ang. O, ꞌSɛ̰ngərɛ̰ a kum nje gə kɛm horo-si gə kəy kula gə, mba na ne mə-si ko, ɗaa nenaje d-a na mə-si kəm ndɔ dɔg. Uwa ar-ɛ ngəng saar uy ne, ɗaa m-a kar-i jɔgə təbə.

Apocalypse 2:13

M-gərə lo gə isi kəne: lo-e nee le to dɔ ngəndəng mbay lə ꞌSu. Ngaa ꞌi le um mə-i dɔ ri-m gə jəb-jəb ngaɓa kagə-m gə ꞌta le uba ḭya̰ ang, dɔ ndɔje gə lə A̰tipas gə nje pa tar naji lə-m gə ngon kuji ja kara, ꞌtɔl-ɛ ɓe lə-si, lo gə ꞌSu isi kəne.

Apocalypse 2:25

Ne kara baa le, ne gə sisəy ingaje le, uwaje ngangə saar mba kar-m m-ɗe.

Apocalypse 22:12

A o, m-aw m-ɗe ɓisine baa, ngaɓa m-ɗe gə nekuga dɔ ji lə-m kara dɔ-m gə, mba kar na-na kara m-uga-a ne ɔji dɔ kula ɗ-ɛ ɗ-ɛ.

Apocalypse 22:20

Nje pa tar naji gə ɔji dɔ neje gə nee le pa na: Oyo, m-aw m-ɗe ɓisine. Oyo! ꞌƊe, Mbayɓe Jeju!

Apocalypse 22:7

A o, m-aw m-ɗe ɓisine baa. Nokarə to kar dəw gə ngom tarje lə Luba gə pajambərə ɗa mə mbede gə nee le.

Apocalypse 3:3

Ar mə-i ole dɔ ɗəw gə ꞌta ne tar ta-je gə ose dɔ ɗəw gə ꞌtuga mbi-i o ne. ꞌNgom tar gə nee ɓo ꞌturu tar kəji lə-i; to gə ɓo unda kəm karə dɔ rɔ-i gə ang nama, m-a ɗe to gə nje ɓogo be, lal kar ꞌgərə kar gə m-a ɗe kuba-i ne nangə bus.

Apocalypse 4:10

ɓugaje gə dɔg joo gə gir-je gə sɔɔ le d-unda ꞌburamba no nje kisi dɔ ngəndəng mbay gə, ꞌpolo Nje kisi gə ɓal-ɓal ɗaa d-um jɔgəje lə-je nangə no ngəndəng mbay gə ɗaa ꞌpa na:

Apocalypse 4:4

Ngəndəng mbayje dɔg joo gə gir-e gə sɔɔ ꞌgugu dɔ ngəndəng mbay le d-ila-a dana, ɗa bubaje dɔg joo gə gir-je gə sɔɔ, gə d-ula kubu gə nda, gə tuga jɔgə gə to gə maa dɔ-je gə d-isi kəne.