Apocalypse 3:10 - Mbede Lə Luba Kone Gə Sigi

¹⁰ Mba ꞌngom tar lə-m uwa gədərə ɗaa, ꞌma kara m-a ngom-i dɔ kar nena gə a ɗe dɔ dəwje gə tɔ̰y, gə a kum dəwje gə dɔ nangə gə nee dan nena gə.

Testament ke Siki 1960 (Kabba Laka)

¹⁰ Mbata i ngem tar lom ke mè ke enge ang, ma ma ngemi to ndò né naa té ke ao dé dò nange té nèn toï, ta naa dèdè ke disi nange té nèn.

Apocalypse 3:10 Iomraidhean Croise

Matiye 24:14

D-a kila mbərə Tar gə May gə ɔji dɔ ɓeko̰ nee le dɔ nangə nee tɔ̰y ja, gə tar naji horo gəl kuji dəwje gə tɔ̰y. Ngaɓa ɗudu ndɔ a ɗe ɓi.

Matiye 26:41

ꞌCibije dɔ rɔ-si gə ang ɓo ꞌdəjije Luba mba kar-si osoje dan nena gə ang. Kəji lə-si a njigi to njang ja ngaa darɔ mbɔr-ɛ gə mbɔr-ɛ.

Matiye 6:13

ꞌTa-si ji Njekṵra̰y gə, ɓo iya̰ si ar j-oso dan nekərə gə ang. Mba ꞌi ja ɓa ɓeko̰, gə singamongə gə rɔnduba, To kar-i gə ɓal-ɓal, saar gə no. Oyo!

Marəke 14:9

Tɔgərɔ ja, m-pa m-ar-si to gə, loje tɔ̰y gə d-a kila mbərə Tar gə May dɔ nangə nee le, dəwje d-a pa tar ne gə jene ɗa nee le mba kole ne mə-je dɔ-ɛ gə.

Lugu 2:1

Dɔ ndɔ-ɛ gə əng le, mbay gə boy Sejar Ogusəd un ndu mba kar d-unda ri dəwje tɔ̰y mə mbede gə dɔ nangə gə Rɔm tɔ̰y.

Jean 17:6

Dəwje tɔ̰y gə ꞌtɔr-je dɔ nangə gə nee um-je mə ji-m gə le m-kila dɔ ri-i gə ɗaga m-ar-je. ꞌTo gə nje kar-ije, ꞌI um-je mə ji-m gə, ɗaa ꞌngom tar lə-i tɔ.

Romaindjé 1:8

Kede nam ɗaa m-ɗa Luba lə-m oyo mba sisəy tɔ̰y, gə ri Jeju Kirisi mba ꞌpa tar takagə lə-sisəy gə dɔ nangə nee ja tɔ̰y.

1 Corinthiendjé 10:13

Nekərəje gə ce dɔ-si gə le to neje gə asə singa dəw ja; mba Luba gə gadə-gadə le a kḭya̰ ɗəw kar nekərə gə al dɔ singa-sisəy ce dɔ-si gə ang baa, ngaa logə nekərə ce nama n-a gɔl ɗəw gə kar ce ne t-ɛ gə, mba kar-sisəy uwaje ne gədərə.

Ephésiendjé 6:13

Gəl-e gə nee ɓa, umje neɗɔje lə Luba tɔ̰y rɔ-si gə mba kasə dum ne dɔ lo dɔ ndɔ gə kṵra̰y gə, ngaɓa, lo gə sisəy ꞌgɔlje dɔ gɔl neje tɔ̰y ɗaa, mba kuwa ne gədərə tɔ.

2 Timoce 2:12

To gə ɓo j-uwaje gədərə nama J-a ko̰je sə-a ɓe naa gə tɔ; To gə ɓo j-a mbad-eje nama N-a mbadə si tɔ;

Jacques 3:12

Ngan ko̰-mje, se kagə tungu a kandə mbagə ose kagə bḭyə̰ a kandə tungu wa? Kəm man gə to kadə le kara, man gə kul a ka̰y kəne cɛ̰ng ang tɔ.

1 Piyɛr 4:12

Ngan ko̰-m gə m-njigi-si ya̰, nena gə inga si to gə yɛl pər gə ubaje nangə be le, oje gə ne sigi ang.

2 Piyɛr 2:9

Be ɓa Mbayɓe gərə ɗəw gə a ta ne dəwje gə nje kila kuji dɔ ne gə Luba je ta nena gə ngaɓa ḭya̰ ne njeneɗaje gə kṵra̰y ngina ne ndɔ gangə tar mba bɛ̰ ne ta-je,

Apocalypse 1:9

ꞌMa Ja̰, ngon ko̰-si gə ɗəw takagə Kirisi gə, gə nje baa neməko̰ lə-si, ngaɓa nje baa ɓe lə-si gə mə ɓeko̰ gə lə Luba, ɓa gə njeba kuwa rɔ gədərə lə-si mba Kirisi gə d-um ubu dɔ-ɛ gə nəm. D-ila-m dɔ ngon gore gə gə ꞌɓar-ɛ Patəmos, mba mbərə tar lə Luba, ngaɓa gə mba tar naji lə Jeju tɔ.

Apocalypse 11:10

Dəwje gə dɔ nangə gə nee ꞌɗa rɔləl ɔji dɔ-je, d-a ɗa ndam gə d-a kula gə nekura kar naa yo gə nee, mba pajambərəje gə joo le, d-ula kəm nje gə dɔ nangə gə nee ndoo ya̰.

Apocalypse 13:10

To gə ɓo dəw gə kar d-uwa-a ɓərə nama d-a kuwa-a ɓərə. To gə ɓo dəw gə kar ꞌtɔl-ɛ gə kiya bayi nama d-a tɔl-ɛ gə kiya bayi. Kar gə nee le, to kar gə kar njerɔsangəje d-uwa gədərə dɔ takagə gə.

Apocalypse 13:14

N-ərə dəwje gə d-isi dɔ nangə nee gə n-ɗa netɔjije ta kəm da kɔr gə le n-sula neje n-ar ꞌɗa ndaji da kɔr gə inga do kiya bayi ɓa təl isi kəm baa le.

Apocalypse 13:8

Dəwje tɔ̰y gə d-isi dɔ nangə gə nee, gə ri-je godo mə mbede təbə gə lə ngon badəm gə d-uja-a gə ne məsə, un kud-e lo kunda gəl nangə gə ja, d-a pol-e ꞌne gə da le.

Apocalypse 14:12

To kar gə kar njerɔsangəje gə ꞌngom ndu kunje lə Luba gə ꞌta kagə Jeju d-uwa gədərə.

Apocalypse 14:6

M-o anji gə ɗangə kara ḭ bagə midi-midi mə dara gə taar. N-aw gə Tar gə May gə gə ndɔ gə ndɔ kara mba kila mbər-e kar dəwje tɔ̰y gə d-isi dɔ nangə gə: gəl kuji ang nəm, gəl ka ang nəm, ndo̰ tar ang ngaɓa dəw mə ɓeje ang nəm tɔ.

Apocalypse 16:14

ꞌTo gə njil gə kar njilje gə kṵra̰y gə ɗa netɔjije ngaɓa d-aw gə rɔ mbayje gə rɔ dəwje gə d-isi dɔ nangə nee tɔ̰y, mba mbo̰-je kila ne ɗɔ, dɔ ndɔ gə boy gə to kar Luba gə Njesingamongə.

Apocalypse 17:2

ꞌNe le ɓa mbayje gə dɔ nangə gə d-uwa sə-a ba-ɛ ꞌto ne gə kayaje, ɗaa dəwje gə d-isi dɔ nangə gə d-ula ne rɔ-je lo kay kodo gə aw gə je mɔdə kaya gə.

Apocalypse 17:8

Da gə o-e le ga̰, n-ga̰ kede, ngaa n-godo ngaa. N-a kɔsə lo ce mə buwa wəl gə sṵra̰ godo gə mba kaw lo tuji gə. Ɗaa dəwje gə d-isi dɔ nangə nee, gə un kud-e lo kunda dɔ nangə gə ja, gə ꞌɗa ri-je mə mbede kaji gə ang le, lo gə d-a ko da le nama, lo tar a kigi-je sɛl, mba n-ga̰ kede, n-godo magə, ngaa n-a təl ɗe.

Apocalypse 2:10

ꞌƁəəl mba ꞌməsərə gə a ko ang. O, ꞌSɛ̰ngərɛ̰ a kum nje gə kɛm horo-si gə kəy kula gə, mba na ne mə-si ko, ɗaa nenaje d-a na mə-si kəm ndɔ dɔg. Uwa ar-ɛ ngəng saar uy ne, ɗaa m-a kar-i jɔgə təbə.

Apocalypse 3:8

M-gərə kula ɗa-ije. A o, m-ɔr ta ɗəw m-ila tagə no-i gə, dəw kara kara a kasə kudu ang. Singa-i njɛ̰ ja baa ngaa, ꞌngom tar lə-m ngaɓa ꞌma̰y tar dɔ ri-m gə ang tɔ.

Apocalypse 6:10

D-uru ꞌkuwi gə ndu-je gə boy na: Saar ndɔ gə ɗa gə ja ɓa, ꞌɓəə neje, njerɔsangə gə dəw gə gadə-gadə, saar ndɔ gə ɗa gə ja ɓa kur-i a kəw gə mba kar-i ꞌgangə tar, gə ꞌdal ba̰a̰ məsə-sije dɔ dəwje gə dɔ nangə gə nee le wa?

Apocalypse 8:13

Be ɓa m-a lo ɗaa m-o ndu gera gə ḭ bagə midi-midi mə dara gə taar ɗa ne gə ndu-e gə boy na: Tuji! Tuji! Tuji to ɔji dɔ dəwje gə dɔ nangə gə nee, mba ndu kuulje lə anjije gə munda gə a ꞌɓar le ja cibi!