Apocalypse 3:1 - Mbede Lə Luba Kone Gə Sigi

¹ ꞌƊa mbede ula ne ar anji lə mbo̰ naa lə njetakagəje gə Sarədə: A o, tar gə dəw gə uwa njilje gə siri lə Luba gə ndɛ̰ndərɛ̰ndɛ̰je gə siri ji-a gə pa le ɓa nee: M-gərə kula ɗa-ije; m-gərə gə maj-ɛ to gə ꞌpa tar lə-i gə lo-lo na aw kəm baa, ngaa uy.

Testament ke Siki 1960 (Kabba Laka)

¹ Eda maketourou are ange ke kei Allah té ke Sardes, Tar lo nè ke néh ke ndildjé lo Allah shiri, ke ndètélendèdjé shiri. Mam ngeré koula loi, i edji i éh ke tébe a i woei mbä.

Apocalypse 3:1 Iomraidhean Croise

Lugu 15:24

mba ngon-m gə nee le to dəw gə uy ɓa təl ndol, ꞌne gə n-igi ɓa m-təl m-inga-a. Ɗaa d-uma kudu ɗa rɔləl.

Lugu 15:32

Ngaa ngon ko̰-i gə nee le, nay to gə dəw gə uy ɓa ndol, n-igi ɓa m-inga-a nee le ja, may ɗa ndam ɗa ne rɔləl ɔji dɔ-ɛ ja.

Jean 1:16

Be ɓa, gə go nebaw lə-a gə unda kubu le, sijee tɔ̰y j-inga ne ne ji-a gə ngaɓa mənuji lə-a kara j-inga gə dɔ mar-ɛ gə dɔ mar-ɛ gə nəm tɔ;

Jean 1:33

Ngaɓa ꞌma, m-gər-e kede ang, ngaa Luba gə ula-m ar-m m-ɗa batɛm gə man le ja pa na: Dəw gə a ko Njil a kḭ dara ɗisi isi dɔ-ɛ gə ɗaa, ye ɓa to dəw gə a ɗa batɛm gə Njil Njerɔsangə.

Jean 20:22

Go tar gə n-pa to gə be ɗaa, n-to ləl dɔ-je gə pu ɗaa n-pa n-ar-je na: ꞌTaje Njil Njerɔsangə.

Jean 3:34

mba dəw gə Luba ula-a le, tar gə ta Luba gə ja ɓa ye pa, mba Luba ar Njil lal tura go-e.

Koula 2:33

Luba un-e unda-a dɔ ji kɔl-ɛ gə, ɗaa n-inga Njil Njerɔsangə gə Luba uwa dɔ gɔl-ɛ le ngaɓa n-ar-ɛ ɗe dɔ-si gə ɗaa oje gə kəm-si nəm gə mbi-si nəm tɔ.

Ephésiendjé 2:1

Ye gə ɔji dɔ sisəy le ɗaa, ꞌtoje dəwje gə uyje mbudugu ɗəw neɗaje gə gə dɔ gɔl-ɛ ang gə ɗəw neɗaje gə kṵra̰y gə lə-si,

Ephésiendjé 2:5

Sijee gə j-uy ɗɔdə mba neɗa-sijee gə gə dɔ gɔl-ɛ ang le n-ar-si ja təl j-isi kəm baa gə Kirisi naa gə – mbɔr dɔ mənuji ɓa sisəy ajije ne kəbərə.

Colossiendjé 2:13

Sisəy le uyje mbudugu ɗəw neɗaje gə gə dɔ gɔl-ɛ ang gə lə-si ngaɓa mba unjaje bərə-si ɗəw darɔ gə ang, n-ar-si ꞌtəl isije sə-a kəm baa, n-ɔr ne tar neɗaje gə kṵra̰y lə-si tɔ̰y dɔ-si gə;

1 Timoce 5:6

Ngaa, jene nduba gə un rɔ-ɛ ar ne rɔləl gə dɔ nangə nee le, isi kəm baa ja kara, nay to gə dəw gə uy.

Jacques 2:26

Be ɓa, ɗəw kara baa to gə darɔ dəw gə njil godo kəne nama uy mbudugu le, takagə gə kul-ɛ godo nama uy mbudugu tɔ.

1 Piyɛr 1:11

Njil Kirisi gə to mə-je gə le, pa ar-je kede nam to gə Kirisi a ko ꞌməsərə ngaɓa rɔnduba a kore go-e. Be ɓa Pajambərəje nee le ꞌsangə ɗəw gə mba gərə dɔ ndɔ gə neje nee le a ɗe ne ngaɓa a to to gə ban wa?

Jude 1:12

Dəɓ-eje nee le to ꞌnjɛgərɛ mə nekusa lə sisəy ngan ko̰ naaje, ꞌmbula nekusa gə mbula, ꞌɗa mə bo nekusa d-ar rɔ kul uwa-je ang, ꞌta naa gə nji gə ḭ ɗaa ləl ɔr-ɛ gə ər ang be, ose ꞌta naa gə kagəje gə ta ngaw nji gə gə kand-e godo, d-uy gɔl joo d-ɔr gə ngiraje ɓɔgɔdə-ɓɔgɔdə,

Apocalypse 1:11

pa na: Ne gə o gə kəm-i nee le, ꞌɗa mə mbede gə kara, ɗaa ula ne ar mbo̰ naa lə njetakagəje gə siri gə to mə ɓeboje gə Epɛs, gə Isimirənə, gə Pɛrəgam, gə Tiyatir, Sarədə gə Piladɛləpi, ngaɓa gə Lawdise.

Apocalypse 1:16

n-uwa ndɛ̰ndərɛ̰ndɛ̰je siri ji-a gə kɔl gə, ngaɓa kiya bay gə t-ɛ adə pəm-pəm ɓe joo ce kil-e gə, cibi ta kəm-e ndogo to gə kar gə ila nangə ladə-ladə be.

Apocalypse 1:20

Kar nemisi gə ɔji dɔ ndɛ̰ndərɛ̰ndɛ̰je gə siri gə oje mə ji-m gə dɔ kɔl gə dɔ ne kunda lambeje gə siri gə ꞌɗa gə maa le: Ndɛ̰ndərɛ̰ndɛ̰je gə siri to anjije lə mbo̰ naa lə njetakagəje gə siri ngaɓa lo kunda nendogoje gə siri to gə mbo̰ naa lə njetakagəje gə siri tɔ.

Apocalypse 1:4

ꞌMa gə Ja̰, m-ɗa mbede nee m-ar mbo̰ naa lə njetakagəje gə siri gə dɔ nangə gə Aji: May kar-si ingaje mənuji gə ɗɛgɛgɛ gə ḭ mə ji dəw gə ga̰, gə dəw gə ga̰ kede ləw baa, gə a ɗe ngaɓa gə rɔ njilje gə siri gə d-ar no ngəndəng mbay gə lə-a,

Apocalypse 2:13

M-gərə lo gə isi kəne: lo-e nee le to dɔ ngəndəng mbay lə ꞌSu. Ngaa ꞌi le um mə-i dɔ ri-m gə jəb-jəb ngaɓa kagə-m gə ꞌta le uba ḭya̰ ang, dɔ ndɔje gə lə A̰tipas gə nje pa tar naji lə-m gə ngon kuji ja kara, ꞌtɔl-ɛ ɓe lə-si, lo gə ꞌSu isi kəne.

Apocalypse 2:19

M-gərə kula ɗa-ije, njigi lə-i, takagə lə-i, kula lə-i, kuwa gədərə lə-i. Ngaɓa m-gərə kula ɗa-ije gə ɗudu gə bula unda yeje gə dɔngɔr.

Apocalypse 2:2

M-gərə kula ɗa-ije gə kula lə-i, gə kuwa gədərə lə-i, ngaɓa asə kɔsə kudu njeməyɛrje ang tɔ. ꞌI ꞌna mə dəwje gə d-uwa rɔ-je gə ngan njekulaje ɗaa ꞌto gə njeka̰ykulaje ang baa, ɗaa ꞌgərə to gə ꞌto gə njetar gə ɗəgərəje.

Apocalypse 2:9

M-gərə ne ur ti lə-i gə ndoo lə-i, ngaa ꞌto njenekinga, ɗaa tar paje gə kṵra̰y lə nje gə ꞌɗa rɔ-je gə Jiibije ngaa ꞌto Jiibije ang baa, ꞌto kəy nendo lə ꞌSu.

Apocalypse 3:15

M-gərə kula ɗa-ije: ꞌkul gə kul ang nəm ꞌləgə gə ləgə ang nəm. Ngaa to gə ɓo ꞌkul gə kul ose ꞌləgə gə ləgə je əng bənəng kara ne!

Apocalypse 3:2

Unda kəm karə dɔ rɔ-i gə ɓo ula jingaw mə kɛsə nje gə ꞌnay ta yo gə dəb gə mba kuy, mba m-o kula ɗa-ije arə ngadə ta kəm Luba gə lə-m ang.

Apocalypse 3:8

M-gərə kula ɗa-ije. A o, m-ɔr ta ɗəw m-ila tagə no-i gə, dəw kara kara a kasə kudu ang. Singa-i njɛ̰ ja baa ngaa, ꞌngom tar lə-m ngaɓa ꞌma̰y tar dɔ ri-m gə ang tɔ.

Apocalypse 4:5

Ngəndəng mbay le təl lə nji gə ndu dəwje, gə ndangə lə nji ꞌce kəne. Lambe siri gə o̰ pər bilim-bilim gə to gə njilje lə Luba gə siri to no ngəndəng mbay gə le.

Apocalypse 5:6

Ɗa m-o Ngon badəm kara ar dan ngəndəng mbay gə dana ngaɓa nekundaje gə sɔɔ gə d-aw kəm baa, gə bubaje gugu dɔ-ɛ d-ila-a dana tɔ. N-to to gə d-unja gɔb-ɛ be. Gaji-ɛ siri ngaɓa kəm-e siri gə ꞌto gə njilje gə siri gə Luba ula-je gə dɔ nangə nee ja tɔ̰y.