Apocalypse 22:9 - Mbede Lə Luba Kone Gə Sigi

⁹ Ngaa n-pa n-ar-m na: Əw rɔ-i polo-m! M-to gə njeba kula lə-i gə njeba-ɛ lə ngan ko̰-i pajambərəje, gə nje gə ꞌngom tarje gə to mə mbede gə nee. Luba ɓa ꞌpolo-e.

Testament ke Siki 1960 (Kabba Laka)

⁹ A nè mpa narem, Eda ban ang. Mam nto ngonlokisi mari ke ngaköi prophètedjé, ke naaté ke dèdè ke ngem tar ke to mè maketourou té nèn. Ewal Allah.

Apocalypse 22:9 Iomraidhean Croise

Matiye 4:9

ɗaa pa ar-ɛ na: To gə ɓo ɔsə takəji nangə no-m gə, ꞌpolo-m nama m-a kar-i tɔ̰y ja.

Lugu 4:7

To gə ɓo ꞌpolo-m nama neje tɔ̰y ja a to kar-i.

1 Jean 5:20

Sijee j-a gərə ja cibi to gə Ngon lə Luba ɗe ar-si kəji negərə mba kar j-a gərə ne Luba gə tɔgərɔ, ngaɓa j-a ga̰ gə Luba gə tɔgərɔ ɗəw gə lə Ngon-e Jeju Kirisi. ꞌNe gə to Luba gə tɔgərɔ nəm gə təbə gə gə ndɔ gə ndɔ.

Apocalypse 1:1

Ne gə to lo kiya gə, gə a ɗe ɓisine baa, gə Luba ar Jeju Kirisi kila dɔ-ɛ mba tɔji ngan njekulaje lə-a. Ɗaa n-ula anji lə-a n-ar ɗe ɔr gəl-e ar ngon njekula lə-a Ja̰ kar-ɛ gərə,

Apocalypse 1:11

pa na: Ne gə o gə kəm-i nee le, ꞌɗa mə mbede gə kara, ɗaa ula ne ar mbo̰ naa lə njetakagəje gə siri gə to mə ɓeboje gə Epɛs, gə Isimirənə, gə Pɛrəgam, gə Tiyatir, Sarədə gə Piladɛləpi, ngaɓa gə Lawdise.

Apocalypse 14:7

N-pa gə ndu-e gə boy na: ꞌƁəəlje Luba ɓo ulaje rɔnduba dɔ-ɛ gə mba kar gangə tar lə-a asə nam ngaa ꞌpoloje nje ɗa dara gə nangə, gə babo gə kəm ɗəw manje.

Apocalypse 15:4

Na ɓa a kasə ɓəəl-i ang, gə a kila riɓar dɔ ri-i, ꞌI, Mbayɓe gə ang wa? Mba ꞌI ja gə kar-i baa ꞌto njerɔsangə. Gəl kuji dəwje d-a ɗe ɗaa, d-a kum məkəji-je no-i gə, mba neɗa gə gadə-gadə lə-i kila rɔ-ɛ gə ɗaga.

Apocalypse 19:10

M-oso nangə no gɔl-ɛ gə mba pol-e, ɗaa n-pa n-ar-m na: Əw rɔ-i mba polo-m! M-to gə njeba kula le-i gə njeba-ɛ lə ngan ko̰-ije gə ꞌpa tar naji lə Jeju. Luba ɓa ꞌpol-e, mba tar naji lə Jeju le ɓa to gə njil kila mbərə.

Apocalypse 22:10

Cibi n-pa n-ar-m na: Iya dɔ tarje lə pajambərə gə to mbede gə nee ang, mba dɔ kar nay dəb baa ngaa.

Apocalypse 22:18

ꞌMa, m-pa tar naji le m-ar dəw gə njigi mba ko tarje gə pajambərə pa mə mbede gə nee: To gə ɓo dəw ila mar-ɛ kəne nama Luba a kum tujije gə ꞌpa tar-ɛ mə mbede gə nee le gə dɔ mar-ɛ gə dɔ mar-ɛ gə kar-ɛ.

Apocalypse 22:7

A o, m-aw m-ɗe ɓisine baa. Nokarə to kar dəw gə ngom tarje lə Luba gə pajambərə ɗa mə mbede gə nee le.

Apocalypse 4:10

ɓugaje gə dɔg joo gə gir-je gə sɔɔ le d-unda ꞌburamba no nje kisi dɔ ngəndəng mbay gə, ꞌpolo Nje kisi gə ɓal-ɓal ɗaa d-um jɔgəje lə-je nangə no ngəndəng mbay gə ɗaa ꞌpa na:

Apocalypse 9:20

Ɔji dɔ kɛsə dəwje gə ꞌnay ɗaa, nje gə d-uy yo tuji gə oso ang le, ꞌturu kəji lə-je ɔji dɔ kula ɗa-je ang, ꞌpolo njilje gə kṵra̰y dɔ-je gə kede-kede, magəje gə maa ose gə lar kasə, gə lar kasə gə ər ose gə kagəje gə d-asə ko lo ndɔ kara be ang nəm, ko tar ndɔ kara ang nəm ɓa, nja ndɔ kara ang nəm tɔ.