Apocalypse 22:5 - Mbede Lə Luba Kone Gə Sigi

⁵ Londul a godo saar gə no, d-a kaw ndoo ndogo le lambe ang nəm, gə ndoo ndogo le kar ang nəm tɔ. Mba Mbayɓe Luba ja a ndogo dɔ-je gə. Ngaɓa d-a ko̰ ɓe gə ɓal gə ɓal.

Testament ke Siki 1960 (Kabba Laka)

⁵ Ke til a to marè ang nga, dèdè ndiki pourou lampe aséh kade ang, mbata Mbaibé Allah a to lokarè lodè, ke dèdè da ko béh ke ndò ke ndò.

Apocalypse 22:5 Iomraidhean Croise

Matiye 19:28

Jeju ila-je kəne na: Tɔgərɔ, m-pa m-ar-si, ndɔ gə ꞌma gə Ngon lə dəw m-a kisi dɔ ngəndəng mbay rɔnduba gə lə-m dɔ kar gə neje tɔ̰y d-a təl to gə sigi le, sisəy gə unje go-m le, a kisije dɔ ngəndəngje gə dɔg gə gir-e gə joo mba gangə tar dɔ gəl kuji Ijirayɛlje gə dɔg gə gir-e gə joo.

Matiye 25:34

Be ɓa ꞌma gə mbay le m-a pa kar nje gə dɔ ji kɔl-m gə na: ꞌƊeje, sisəy gə Bɔy tɔr ndu-e dɔ si gə; ingaje ɓeko̰ gə to nenduba gə Luba gɔl ləw baa, un kud-e lo kunda dɔ nangə gə.

Matiye 25:46

Be ɓa njeməndulje nee le a kaw kəm pər gə a to gə no gə, ngaa dəwje gə gadə-gadə a kinga təbə gə a to gə ndɔ gə ndɔ.

Romaindjé 5:17

To gə ɓo mba kal tar lə dəw kara baa ɓa yo o̰ ne ɓe ɗəw gə lə-a, ngaa ɓədə ɓa nje gə d-inga mənuji gə nekarə baa kar gadə-gadə gə al dɔ lo d-a ko̰ ɓe dan təbə gə ɗəw gə lə Jeju Kirisi gə gə kar-e ne wa?

2 Timoce 2:12

To gə ɓo j-uwaje gədərə nama J-a ko̰je sə-a ɓe naa gə tɔ; To gə ɓo j-a mbad-eje nama N-a mbadə si tɔ;

Apocalypse 11:15

Anji gə njekum gə siri to Kuul lə-a: ndu dəwje ɓar to gə boy mə dara na: ɓeko̰ gə dɔ nangə gə nee le to kar Mbayɓe lə-si ngaɓa to kar Kirisi lə-a tɔ n-a ko̰ ɓe gə ndɔ gə ndɔ.

Apocalypse 18:23

Pər lambe kara a ndogo wə̰ ɓə lə-i ang saar gə no. Dəw a ko ndu nje jene gə sigi je gə jene lə-a hɛ̰ ɓə lə-i ang saar, mba nje laɓə neje lə-i ꞌto gə dəwje gə bo-bo gə dɔ nangə gə nee, ngaɓa mba kula ɗa mbɛ̰je lə-i ərə gəl kuji dəwje tɔ̰y ar-je ꞌndəm ne.

Apocalypse 20:4

M-o ngəndəng mbayje, ngaɓa nje gə d-isi dɔ-ɛ gə le d-ar-je ɗəw mba kar gangə ne tar. Cibi m-o kəm nje gə ꞌtuga gɔbə-je gə cina ꞌgangə mba tar naji lə Jeju, gə mba tar lə Luba, ngaɓa nje gə ꞌpolo da kɔr gə njil-e ang, ngaɓa nje gə bəngə ji da, gə njil-e godo ɓida noje gə ji-je gə kara m-oje tɔ. ꞌTəl d-aw kəm baa ngaɓa d-o̰ ɓe gə Kirisi ɓal tɔl-tɔl dɔg lo kara.

Apocalypse 20:6

Nje gə ꞌga̰ horo dəwje gə d-uy ɓa ꞌndol dɔngɔr nee le, ꞌto gə njenokarəje gə njerɔsangəje. ꞌJejee nee le, yo gə njekum gə joo o̰ ɓe dɔ-je gə ang ngaa: Ngaa d-a to njekapoloje lə Luba je gə Kirisi, ngaɓa d-a ko̰ sə-a ɓe ɓal tɔl-tɔl dɔg lo kara tɔ.

Apocalypse 21:11

Rɔnduba lə Luba to dɔ-ɛ gə. Ndo̰y lə-a ta naa gə kɔr ər gə gad-e ɓi-ɓi, unda rɔ-ɛ to gə kɔr ər gə ɓar-ɛ na jasəpə gə to to gə ər gə ɓar-ɛ kirisital be.

Apocalypse 3:21

Dəw gə cɛdə ɗɔ nama m-a kar-ɛ isi sə-m dɔ ngəndəng mbay gə lə-m to gə ꞌma kara m-cɛdə ɗɔ ɗaa m-isi gə Bɔy dɔ ngəndəng mbay gə lə-a.