Apocalypse 22:18 - Mbede Lə Luba Kone Gə Sigi

¹⁸ ꞌMa, m-pa tar naji le m-ar dəw gə njigi mba ko tarje gə pajambərə pa mə mbede gə nee: To gə ɓo dəw ila mar-ɛ kəne nama Luba a kum tujije gə ꞌpa tar-ɛ mə mbede gə nee le gə dɔ mar-ɛ gə dɔ mar-ɛ gə kar-ɛ.

Testament ke Siki 1960 (Kabba Laka)

¹⁸ Mam ndedji dooudjé kada kada toï ke wo tar ke Allah pa mè maketourou té nèn, tokou mare doou kada ounda mare tar kendé, Allah a kounda dè té né ke are doo ke maketourou nèn tòdjou.

Apocalypse 22:18 Iomraidhean Croise

Matiye 15:13

Jeju ila-je kəne na: Kagə gə ɗa-ɗa ɓa ɓo to kagə gə Bɔ-mje gə dara ɓa maa ang nama d-a kɔr gə ngira-a mɔgɔgɔ.

Ephésiendjé 4:17

Tar gə m-pa gə ri Mbayɓe ɗaa m-təl m-pa ɓi le ɓa nee: Sisəy le ɗaa pa nja lə dəwje gə gərə Luba ang le, ꞌnjaje ang ja gə dɔbo̰ ngaa. ꞌJejee le, ꞌnja gə go tar kəji negərə lə-je gə d-aw ne dɔ mbə gə baa.

1 Thessaloniciendjé 4:6

ɔji dɔ neje gə nee le ɗaa, may kar dəw kara kara mbɔlɛ ne lə ngon ko̰-ɛ ose ɗa kəm kə̰y dɔ ne gə lə-a ang, mba Mbayɓe a dal ba̰a̰ neje gə be le tɔ̰y, j-a pa tar-ɛ j-ar-si nam ja ngaa j-a təl pa ja cibi.

Apocalypse 1:3

Nokarə to kar dəw gə tura mbede nee, ngaɓa rɔləl to kar nje gə ꞌtuga mbi-je d-o ne tarje gə to lokiya gə gə ꞌpa mə mbede gə nee, gə d-ila ngon kuji dɔ neje tɔ̰y gə d-uja kəne nee, mba dɔ kar gə Luba a kɔji kar neje nee a ɗe le nay njɛ̰ baa ngaa.

Apocalypse 15:1

Cibi, m-o netɔji gə ɗangə gə bo ngaɓa to ɓəəl ya̰ mə dara gə; anjije siri d-uwa tujije gə gə bo̰ siri ji-je gə, mba Luba ɓugu wungu lə-a ɗəw gə lə-je.

Apocalypse 15:6

Anjije gə siri gə d-uwa tujije gə siri ji-je gə le d-ɔsə lo mə kəy gə lə Luba ꞌce, d-ula kubu gə nda kələw-kələw, gə ndogo pə̰ə̰, ꞌtɔ ɓərə-je gə gagəra gə to gə maa.

Apocalypse 19:20

D-uwa da kɔr le naa gə kara baa gə pajambərə gə gə mbɔr-ɛ baa, gə nje ɗa netɔjije lə-a no gɔl-ɛ gə, kərə ne dəwje ar d-ɔsə ndaji da kɔr rɔ-je gə ngaɓa ar d-um məkəji-je no ndaji-ɛ gə le tɔ. Joo kɛm ja d-umje kəm baa dan pər gə dan sori gə ta yɛg-yɛg.

Apocalypse 20:10

Ɗaa ꞌSɛ̰ngərɛ̰ gə nje kərə dəwje kar-je ꞌndəəm le, d-ɔs-e d-ila-a dang pər gə o̰ bilim-bilim gə dan sori gə, mbɔr da kɔr gə je gə pajambərə gə gə mbɔr-ɛ. Ɗaa d-a ko ꞌməsərə dan kara gə londul gə, gə ɓal gə ɓal.

Apocalypse 20:15

Na-na ɓa ꞌɗa ri-a mə mbede təbə gə ang ɗaa, d-ɔs-e d-ila-a dang pər gə.

Apocalypse 22:10

Cibi n-pa n-ar-m na: Iya dɔ tarje lə pajambərə gə to mbede gə nee ang, mba dɔ kar nay dəb baa ngaa.

Apocalypse 22:16

ꞌMa, Jeju, m-ula anji lə-m mba kar-ɛ pa tar naji gə ɔji dɔ mbo̰ naaje lə njetakagəje ar-sisəy. ꞌMa le ɓa ngira-m ḭ gəl Dabidi gə, gə gəl kuji lə-a tɔ, duji lo kar gə ndogo.

Apocalypse 22:7

A o, m-aw m-ɗe ɓisine baa. Nokarə to kar dəw gə ngom tarje lə Luba gə pajambərə ɗa mə mbede gə nee le.

Apocalypse 22:9

Ngaa n-pa n-ar-m na: Əw rɔ-i polo-m! M-to gə njeba kula lə-i gə njeba-ɛ lə ngan ko̰-i pajambərəje, gə nje gə ꞌngom tarje gə to mə mbede gə nee. Luba ɓa ꞌpolo-e.

Apocalypse 3:14

Ɗa mbede ar anji lə Mbo̰ naa lə njetakagəje gə Lawdise: Be ɓa n-ne gə Oyo, njetar naji gə njetakagə gə tɔgərɔ, Ngira nekundaje lə Luba pa na: