Apocalypse 22:16 - Mbede Lə Luba Kone Gə Sigi

¹⁶ ꞌMa, Jeju, m-ula anji lə-m mba kar-ɛ pa tar naji gə ɔji dɔ mbo̰ naaje lə njetakagəje ar-sisəy. ꞌMa le ɓa ngira-m ḭ gəl Dabidi gə, gə gəl kuji lə-a tɔ, duji lo kar gə ndogo.

Testament ke Siki 1960 (Kabba Laka)

¹⁶ Ma Jésus, moula ange lom ròsè té ke tar nadji nèn mbata kei Allah. Mam nto ngira ke gel David, ndètélendè ke sindò ke ndokoo nya.

Apocalypse 22:16 Iomraidhean Croise

Matiye 1:1

Mbede gəl kuji Jeju Kirisi, ngon ka Dabidi, ngon ka Abəraham.

Matiye 2:2

Ɗaa ꞌdəji na: Mbay lə Jiibije gə d-uji-e nee le to lo gə ɗa gə wa? Mba j-o ndɛ̰ndərɛ̰ndɛ̰ lə-a ce bəər, ɓa j-a ɗe mba pol-e.

Matiye 22:42

Tar gə ban ɓa əjije dɔ Kirisi gə wa? N-to gə gəl kuji gə lə na wa? D-ila kəne na: N-to gə gəl kuji gə lə Dabidi.

Matiye 22:45

To gə ɓo Dabidi ɓar-ɛ Mbayɓe nama, n-a təl to ngon-e to gə ban cibi wa?

Lugu 1:78

Luba lə-si to njemənuji nəm ngaɓa to nje məmay gə bo nəm tɔ. N-a kar lo kar gə taar ndogo dɔ si to gə ndogo lə kar gə ce be.

Lugu 20:44

To gə ɓo Dabidi ɓar-ɛ Mbayɓe nama, n-a təl to ngon-e to gə ban cibi wa?

Romaindjé 15:12

Ejay kara pa tɔ, na: Ngira Jese le, a kuba, ꞌNe gə n-a kuba nangə kḭ mba kɔr no gəl kuji dəwje; Gəl kuji dəwje d-a kunda mə-je dɔ-ɛ gə.

Romaindjé 9:5

gə bɔ-sijee-je, ngaɓa ɗəw gə lə-je gə darɔ gə ɓa Kirisi gə to dəw dɔ neje tɔ̰y ɗe ne, may kar ndu tɔr to dɔ Luba gə gə ndɔ gə ndɔ. Oyo!

2 Piyɛr 1:19

Ngaɓa takagə lə-si mongə ne gə kede dɔ tar gə pajambərəje ꞌpa kede le, may kar-sisəy kara oje gə maj-ɛ, to to gə pər gə ndogo lo ndul gə, saar kar lo aw arə, ngaɓa duji lokarə ndogo ne mə-si gə.

Apocalypse 1:1

Ne gə to lo kiya gə, gə a ɗe ɓisine baa, gə Luba ar Jeju Kirisi kila dɔ-ɛ mba tɔji ngan njekulaje lə-a. Ɗaa n-ula anji lə-a n-ar ɗe ɔr gəl-e ar ngon njekula lə-a Ja̰ kar-ɛ gərə,

Apocalypse 1:11

pa na: Ne gə o gə kəm-i nee le, ꞌɗa mə mbede gə kara, ɗaa ula ne ar mbo̰ naa lə njetakagəje gə siri gə to mə ɓeboje gə Epɛs, gə Isimirənə, gə Pɛrəgam, gə Tiyatir, Sarədə gə Piladɛləpi, ngaɓa gə Lawdise.

Apocalypse 1:4

ꞌMa gə Ja̰, m-ɗa mbede nee m-ar mbo̰ naa lə njetakagəje gə siri gə dɔ nangə gə Aji: May kar-si ingaje mənuji gə ɗɛgɛgɛ gə ḭ mə ji dəw gə ga̰, gə dəw gə ga̰ kede ləw baa, gə a ɗe ngaɓa gə rɔ njilje gə siri gə d-ar no ngəndəng mbay gə lə-a,

Apocalypse 2:11

May kar, dəw gə ɓo mbi-a ga̰ nama, o ne tar gə Njil pa ar mbo̰ naaje lə njetakagəje. Dəw gə cɛdə ɗɔ nama a ko ꞌməsərə gə yo gə gɔl joo ang ja saar.

Apocalypse 2:17

Dəw gə mbi-a ga̰ nama may kar-ɛ o ne tar gə Njil pa ar mbo̰ naaje lə njetakagəje. Dəw gə cɛdə ɗɔ nama m-a kar-ɛ muru misi gə to nekusa gə ḭ dara gə to lo kiya gə, m-a kar-ɛ kɔr ər gə nda; ɗaa kɔr ər gə nee le, ꞌɗa ri gə sigi kəne kara, gə dəw kara kara gərə ang, ngaa nj-ɛ gə ta ja baa ɓa.

Apocalypse 2:7

Dəw gə mbi-a ga̰ nama, may kar-ɛ o ne tar gə Njil pa ar mbo̰ naaje lə njetakagəje nee. Dəw gə cɛdə ɗɔ nama, m-a kar-ɛ kandə kagə kaw kəm baa gə to mə ɓe rɔləl gə lə Luba gə dara usa.

Apocalypse 22:1

Cibi anji le tɔji-m man baa gə kar kaw kəm baa gə ndogo to gə kɔr ər gə ꞌɓar-ɛ kirisətal be, uba ɓula ngəndəng mbay gə lə Luba je gə ngon badəm.

Apocalypse 22:11

Dəw gə to nje ɗa ne gadə-gadə nama may kar-ɛ uwa ne gadə-gadə le gaa, dəw gə nje ɗa ne gə mina nama may kar-ɛ uwa gaa tɔ, ngaa dəw gə nje ɗa ne gə dɔ naj-ɛ nama may kar uwa neɗa lə-a gə gə dɔ naj-ɛ kɛgə ngaɓa may kar njerɔsangə uwa rɔsangə lə-a kɛgə tɔ.

Apocalypse 22:20

Nje pa tar naji gə ɔji dɔ neje gə nee le pa na: Oyo, m-aw m-ɗe ɓisine. Oyo! ꞌƊe, Mbayɓe Jeju!

Apocalypse 22:6

Anji n-pa n-ar-m na: Tarje gə nee le to gə tarje gə gadə ngaɓa tɔgərɔ nəm tɔ; Mbayɓe, Luba gə ar njil lə-a pajambərəje le, ula anji lə-a mba kar tɔji ngan njekulaje lə-a ne gə a ɗe ɓisine baa.

Apocalypse 3:13

Dəw gə mbi-a ga̰ nama may kar-ɛ o ne tar gə Njil pa ar mbo̰ naaje lə njetakagəje.

Apocalypse 3:22

Dəw gə mbi-a ga̰ nama may kar-ɛ o ne tar gə Njil pa ar mbo̰ naaje lə njetakagəje.

Apocalypse 3:6

Dəw gə mbi-a ga̰ nama, may kar-ɛ o ne tar gə Njil pa ar mbo̰ naaje lə njetakagəje.

Apocalypse 5:5

Ngaa, buba gə kara horo mar-ɛje gə pa ar-m na: ꞌNo ang! A o, ꞌne gə ꞌnam gə gəl kuji gə lə Juda, ye gə ngira-a ce gəl Dabidi gə le, n-cɛdə ɗɔ nam. N-asə cɛ̰ mbede nee gə bəngə ji rɛ̰ t-ɛje gə siri.