Apocalypse 22:11 - Mbede Lə Luba Kone Gə Sigi

¹¹ Dəw gə to nje ɗa ne gadə-gadə nama may kar-ɛ uwa ne gadə-gadə le gaa, dəw gə nje ɗa ne gə mina nama may kar-ɛ uwa gaa tɔ, ngaa dəw gə nje ɗa ne gə dɔ naj-ɛ nama may kar uwa neɗa lə-a gə gə dɔ naj-ɛ kɛgə ngaɓa may kar njerɔsangə uwa rɔsangə lə-a kɛgə tɔ.

Testament ke Siki 1960 (Kabba Laka)

¹¹ Ase kare ndjè né da ke madjang da madjang bai, ke nè ke nto yèdo ase kare nisi to yèdo bai, ke nè ke gaté gaté ase kare nda gaté gaté bai, ke nè ke nto madji toï ase kare nisi madji toï bai.

Apocalypse 22:11 Iomraidhean Croise

Matiye 15:14

Iya̰-jeje, ꞌto nje kəm tɔje gə d-ila kagə ji nje kəm tɔje gə. To gə ɓo nje kəm tɔ ɓa ila kagə ji nje kəm tɔ mar-ɛ gə nama, d-a koso buwa gə joo kɛm.

Matiye 21:19

N-o kagə tungu kara mbɔr ɗəw boo, n-gangə n-aw gəl-e gə ɗaa n-inga kam-ɛ ja baa to pɔ-pɔ ɗaa n-pa na: A kandə ang gə dɔbo̰ ja! Logə n-pa t-ɛ gə be ja tungu le tudu wɔ.

Matiye 25:10

Logə mbəje le d-ɔdə d-aw lo ndogo ubu lambe gə le ɗaa nje jene le ɗe toro-je gə, ɗaa nje gə ar pɛrɛrɛ le d-andə sə-a kəy ta naa gə to lo ɗa ndam, ngaɓa d-udu ta ɗəw bad.

Matiye 5:45

Be ɓa sisəy a toje ne nganje lə Bɔ-sijee gə isi mə dara gə, mba n-ar kar ɔsə dɔ njeməndulje gə nəm gə njeməmayje gə nəm tɔ, ngaɓa n-ar nji ər ndɔɔ lə dəwje gə gadə-gadə gə nje ɗa ne dɔ buguruje naa gə tɔ.

Matiye 5:6

Nokarə to kar nje gə ɓo neɗa gə dana gadə-gadə ɔrə-je ngaɓa d-aw ndoo-e, Mba Luba a kar mə-je oso nangə po̰.

Jean 8:21

N-pa n-ar-je ja cibi na: ꞌMa m-aw lo lə-m, a sangə-mje ɗaa a kuyje dan neɗa gə kṵra̰y gə lə-si. Logə ꞌma, m-aw gə kəne le, sisəy a kasə kawje kəne ang baa.

Ephésiendjé 5:27

mba tɔji ne mbo̰ naa lə njetakagəje gə ɗaga kar-ɛ ndole yondə-yondə ta kəm-e ꞌne gə ja, kar-ɛ n-mina ose n-ndole njɔl-njɔl ang nəm, ose mba kar ne gə to gə mar-ɛ bənəng ɓar ri-a ang nəm tɔ. Ngaa mba kar-ɛ n-to gə losang-ɛ ngaɓa kar tar uwa dɔ-ɛ ang nəm tɔ.

Colossiendjé 1:22

ngaa ɓisine n-um gə si naa gə ɗəw kuy gə lə darɔ-ɛ, mba kar ꞌceje ar-je ne no-ɛ gə gə njerɔsangəje gə may pɛdə ngaɓa tar uwa dɔ-si ang;

2 Timoce 3:13

Ngaa njeməngo̰yje gə njekunja liba kəm-je gə je le, ꞌSu a kərə-je ɗaa neɗaje gə kṵra̰y a kɔsə dɔ mar-ɛ gə kede-kede ngaɓa d-a kərə ne nje gə kɛm gə d-a kərə ne darɔ-je nəm tɔ.

Jude 1:24

ꞌNe gə n-asə ngom-si kar ꞌtugaje jigi osoje ang, kar-si ar-je gə no riɓar gə lə-a gə rɔ gə may pɛdə, gə rɔləl le,

Apocalypse 16:21

Kɔji gə boy ja ḭ dara cɛdə gə kɔrɛ-kɔrɛ gə ɔy asə kilo dɔg joo je əng bənəng toso dɔ dəwje gə, ɗaa dəwje taji Luba mba kɔji gə ila tuji dɔ-je gə, mba tuji gə nee le to ɓəəl ya̰ unda mar-ɛje tɔ̰y.

Apocalypse 22:3

Nekugu tɔ̰y a godo saar gə no. Ngəndəng mbay le Luba je gə ngon badəm a ga̰ mə ɓebo gə le. Ɗaa, ngan njekulaje lə Luba d-a pol-e;