Apocalypse 22:1 - Mbede Lə Luba Kone Gə Sigi

¹ Cibi anji le tɔji-m man baa gə kar kaw kəm baa gə ndogo to gə kɔr ər gə ꞌɓar-ɛ kirisətal be, uba ɓula ngəndəng mbay gə lə Luba je gə ngon badəm.

Testament ke Siki 1960 (Kabba Laka)

¹ Gè té nèn nè ntòdjoum ba man tébe ke ndokoo tokou cristal, ke téh ngèndé kö béh té lo Allah ke lo Ngon bati.

Apocalypse 22:1 Iomraidhean Croise

Jean 13:32

To gə ɓo Luba inga riɓar ɗəw gə lə-a ꞌne nama, ꞌne kara n-a kinga riɓar ɗəw lə Luba tɔ, ngaɓa ɓisine baa ja Luba a kila riɓar dɔ-ɛ gə.

Jean 15:26

Logə njekuul mə dəwje gə m-a kar a kḭ rɔ Bɔy gə ɗe ye to gə njil tar gə tɔgərɔ gə m-a kula-a a kḭ rɔ Bɔy gə ɗe ɗaa, ꞌne ja gə dɔ-ɛ n-a pa tar naji lə-m.

Jean 4:14

ngaa dəw gə a kay man gə m-a kar-ɛ le, kunda a tɔl-ɛ ang saar gə no-ɛ, ngaɓa man gə m-a kar-ɛ le a təl to gə ngira man rɔ-ɛ gə, ɗaa ngira man gə nee le a kar-ɛ təbə gə gə ndɔ gə ndɔ.

Koula 2:33

Luba un-e unda-a dɔ ji kɔl-ɛ gə, ɗaa n-inga Njil Njerɔsangə gə Luba uwa dɔ gɔl-ɛ le ngaɓa n-ar-ɛ ɗe dɔ-si gə ɗaa oje gə kəm-si nəm gə mbi-si nəm tɔ.

Apocalypse 1:1

Ne gə to lo kiya gə, gə a ɗe ɓisine baa, gə Luba ar Jeju Kirisi kila dɔ-ɛ mba tɔji ngan njekulaje lə-a. Ɗaa n-ula anji lə-a n-ar ɗe ɔr gəl-e ar ngon njekula lə-a Ja̰ kar-ɛ gərə,

Apocalypse 21:11

Rɔnduba lə Luba to dɔ-ɛ gə. Ndo̰y lə-a ta naa gə kɔr ər gə gad-e ɓi-ɓi, unda rɔ-ɛ to gə kɔr ər gə ɓar-ɛ na jasəpə gə to to gə ər gə ɓar-ɛ kirisital be.

Apocalypse 21:6

Ngaɓa n-pa n-ar-m na: Ɓɛlɛ ngaa. M-to Aləpa gə Omega, lo kuma kudu ne gə lo tɔl ngangə ne. Ye gə kunda ɔr-ɛ nama m-a kar-ɛ man gə a̰y kuji-kuji gə kar kisi kəm baa, gə a ndogo gə lar ang.

Apocalypse 21:9

Cibi, kara lə anjije gə siri gə d-uwa ngo kay neje siri gə tujije gə siri gə ɗusu tub-tub ji-je gə le ɗe pa tar ar-m pa na: ꞌƊe, m-a tɔji-i rɔ jene njemɔrə, ye gə to jene lə ngon badəm le.

Apocalypse 22:17

Njil je gə jene nje ngaw ꞌpa na: ꞌƊe! May kar dəw gə o tar gə nee nama pa na: ꞌƊe! Dəw gə kunda man tɔl-ɛ nama may kar-ɛ ɗe, dəw gə njigi nama m-a kar-ɛ man təbə baa ja.

Apocalypse 22:6

Anji n-pa n-ar-m na: Tarje gə nee le to gə tarje gə gadə ngaɓa tɔgərɔ nəm tɔ; Mbayɓe, Luba gə ar njil lə-a pajambərəje le, ula anji lə-a mba kar tɔji ngan njekulaje lə-a ne gə a ɗe ɓisine baa.

Apocalypse 3:21

Dəw gə cɛdə ɗɔ nama m-a kar-ɛ isi sə-m dɔ ngəndəng mbay gə lə-m to gə ꞌma kara m-cɛdə ɗɔ ɗaa m-isi gə Bɔy dɔ ngəndəng mbay gə lə-a.

Apocalypse 5:13

Ɗaa nekundaje tɔ̰y ja gə mə dara gə, gə dɔ nangə, gə gəl nangə gə, ngaɓa babo gə neje tɔ̰y gə to kəne le, m-o ndu-je ꞌpa na: Dəw gə isi dɔ ngəndəng mbay gə je gə Ngon badəm le ndu tɔr, ɗɔy, riɓar gə ko̰ ɓe to kar-je, gə ndɔ gə ndɔ.

Apocalypse 5:6

Ɗa m-o Ngon badəm kara ar dan ngəndəng mbay gə dana ngaɓa nekundaje gə sɔɔ gə d-aw kəm baa, gə bubaje gugu dɔ-ɛ d-ila-a dana tɔ. N-to to gə d-unja gɔb-ɛ be. Gaji-ɛ siri ngaɓa kəm-e siri gə ꞌto gə njilje gə siri gə Luba ula-je gə dɔ nangə nee ja tɔ̰y.

Apocalypse 7:17

Mba Ngon badəm gə ar dan ngəndəng mbay gə dana le a to gə njekuul-je, ɗaa n-a kɔr no-je kaw gə je kəm ɗəw man təbə gə kul gə. Ngaɓa Luba a bḭ man no tɔ̰y kəm-je gə.