Apocalypse 21:9 - Mbede Lə Luba Kone Gə Sigi

⁹ Cibi, kara lə anjije gə siri gə d-uwa ngo kay neje siri gə tujije gə siri gə ɗusu tub-tub ji-je gə le ɗe pa tar ar-m pa na: ꞌƊe, m-a tɔji-i rɔ jene njemɔrə, ye gə to jene lə ngon badəm le.

Testament ke Siki 1960 (Kabba Laka)

⁹ Gè té nèn ange kada ke shiri ke éh ke ngonarè shiri, ke dousou ke dòbon né ke are doo shiri, nè mpa narem, mpana, Edé, ma ma tòdji dènè ke siki, dènè lo Ngon bati.

Apocalypse 21:9 Iomraidhean Croise

Apocalypse 1:1

Ne gə to lo kiya gə, gə a ɗe ɓisine baa, gə Luba ar Jeju Kirisi kila dɔ-ɛ mba tɔji ngan njekulaje lə-a. Ɗaa n-ula anji lə-a n-ar ɗe ɔr gəl-e ar ngon njekula lə-a Ja̰ kar-ɛ gərə,

Apocalypse 17:1

Be ɓa kara lə anjije gə siri gə d-uwa ngo nekay gə siri ngɛsə gə kede ɗaa pa tar to gə be ar-m na: ꞌƊe, m-a tɔji-i tar gə ꞌgangə dɔ ko̰ kaya jene gə isi dɔ baboje gə.

Apocalypse 19:7

J-a ɗaje rɔləl, j-a talje ꞌmajagəra ɓo j-ulaje rɔnduba dɔ-ɛ gə, mba ndɔ ta naa lə ngon badəm le asə ngaa ɗaa jene lə-a kara uwa dɔ gɔl rɔ-ɛ kər-kər tɔ.

Apocalypse 21:17

N-ɔji ndogo bɔrɔ le ɗaa, ngal asə naa gə kḭ ndo̰ ji gə ɗe gə kəl ji gə gɔl tɔl gə dɔg gə sɔɔ gir-e gə sɔɔ, ne kɔji ne lə dəwje gə anji un ɗa ne kula.

Apocalypse 21:2

Ɗaa m-o ɓebo gə to gə losang-ɛ, Jerujalɛm gə sigi, ḭ rɔ Luba gə dara ɗisi uru nangə, ta naa gə jene nje ngaw gə ɗa mandə mba ngab-ɛje.

Apocalypse 22:1

Cibi anji le tɔji-m man baa gə kar kaw kəm baa gə ndogo to gə kɔr ər gə ꞌɓar-ɛ kirisətal be, uba ɓula ngəndəng mbay gə lə Luba je gə ngon badəm.

Apocalypse 22:17

Njil je gə jene nje ngaw ꞌpa na: ꞌƊe! May kar dəw gə o tar gə nee nama pa na: ꞌƊe! Dəw gə kunda man tɔl-ɛ nama may kar-ɛ ɗe, dəw gə njigi nama m-a kar-ɛ man təbə baa ja.

Apocalypse 22:6

Anji n-pa n-ar-m na: Tarje gə nee le to gə tarje gə gadə ngaɓa tɔgərɔ nəm tɔ; Mbayɓe, Luba gə ar njil lə-a pajambərəje le, ula anji lə-a mba kar tɔji ngan njekulaje lə-a ne gə a ɗe ɓisine baa.