Apocalypse 21:4 - Mbede Lə Luba Kone Gə Sigi

⁴ N-a bɔrə man no ndədə kəm-je gə, yo a godo saar gə no, ngaɓa kuwa ndoo yo kara a godo nəm, kuy kara a godo nəm, ne gə to kara a godo nəm, mba neje gə dɔngɔr le ꞌsɛ̰rɛ̰ paa ngaa.

Testament ke Siki 1960 (Kabba Laka)

⁴ Nè na bòrou man nò ke kemdè té toï, ke yo a to marè ang nga, ke ongou ke nò ke rò too a to marè ang nga, mbata nédjé ke dongor ndai mbä nga.

Apocalypse 21:4 Iomraidhean Croise

Matiye 24:35

Dara je gə nangə d-a nday, ngaa tarje lə-m d-a nday ang.

1 Corinthiendjé 15:26

Dɔbo̰ njeba̰a̰ gə n-a tuj-e pugudu ja to yo.

1 Corinthiendjé 7:31

ngaɓa nje kuba mayje gə dɔ nangə nee kara may kar ꞌɗa to to gə d-uba may ang be, mba dɔ nangə gə lo kunda rɔ lə-a d-a nday.

2 Corinthiendjé 5:17

To gə ɓo dəw un rɔ-ɛ ar Kirisi nama, to nekunda gə sigi. Neje gə ləw nday, neje tɔ̰y təl to neje gə sigi.

2 Corinthiendjé 6:17

Gəl-e nee ɓa, Mbayɓe pa na: ꞌCe-je horo-je gə gə gugu, Ɔrəje rɔ-si gə ɗangə, ꞌMbɔ̰bə-je mbɔr ne gə mina ang Ɗaa, m-a kuwa-si gə rɔ-m gə

Ebərəje 12:27

Tarje gə nee: Gɔl kara ja cibi tɔji to gə neje gə yə le to nekundaje gə d-a nday mba kḭya̰ lo kar ne gə a yə ang a to gə no.

2 Piyɛr 3:10

Ngaa ndɔ lə Mbayɓe le a ɗe to to gə nje ɓogo be. Dɔ ndɔ-ɛ le dara a nday kar kɔr-ɛ a ɓar ɓəgəgə-ɓəgəgə, pər a ro nekundaje gə ndogo dara tɔlɔg-tɔlɔg, ngaɓa nangə gə neje tɔ̰y gə to kəne d-a nday tɔ.

1 Jean 2:17

Ɗaa neje gə dɔ nangə nee a nday gə ɓo-e tɔ̰y; ngaa dəw gə nje ɗa mə njigi lə Luba a kisi kəm baa gə ndɔ gə ndɔ.

Apocalypse 20:13

Dəwje gə d-uy mə babo gə le, babo təl gə je ɗe gə je, yo je gə lo gə jabaw ꞌtəl gə yo dəwje gə ɓə lə-je ꞌɗe gə je, ɗaa na-na kara, ꞌgangə tar dɔ-ɛ gə ɔji buwa kula ɗ-ɛje.

Apocalypse 20:14

Yo je gə lo gə jabaw le, ꞌtəbə-je kərəng d-umje dang pər gə. Dangə pər nee le ɓa to gə yo gə njekum gə joo.

Apocalypse 21:1

Be ɓa m-o dara gə sigi kara gə nangə gə sigi kara; mba dara gə dɔngɔr gə nangə dɔngɔr le d-igi sərərə ngaa, ngaɓa babo kara godo saar tɔ.

Apocalypse 22:3

Nekugu tɔ̰y a godo saar gə no. Ngəndəng mbay le Luba je gə ngon badəm a ga̰ mə ɓebo gə le. Ɗaa, ngan njekulaje lə Luba d-a pol-e;

Apocalypse 7:17

Mba Ngon badəm gə ar dan ngəndəng mbay gə dana le a to gə njekuul-je, ɗaa n-a kɔr no-je kaw gə je kəm ɗəw man təbə gə kul gə. Ngaɓa Luba a bḭ man no tɔ̰y kəm-je gə.