Apocalypse 21:3 - Mbede Lə Luba Kone Gə Sigi

³ M-o ndu ḭ ngəndəng mbay gə ɓar to gə boy wəəl na: Lo kisi lə Luba gə ga̰ horo dəwje lə-a le ɓa ye a nee. N-a kisi gə je. D-a to gə dəw mə ɓeje lə-a ɗaa ꞌne n-a to Luba gə ga̰ gə je naa gə.

Testament ke Siki 1960 (Kabba Laka)

³ Ke ma mo ndou ke boui ke téh ngèndé ko béh té pana, Wo, loou kisi lo Allah éh ke dooudjé. Nè na kisi kedè, ke dèdè da to dooudjé la, ke Allah ndja a kéh kedè.

Apocalypse 21:3 Iomraidhean Croise

Jean 1:14

Tar le təl rɔ-ɛ gə dəw, cibi ɓa isi horo-si gə mənuji gə tar gə tɔgərɔ ɗusu m-e tub-tub, ngaɓa sijee j-o rɔnduba lə-a, to to gə rɔnduba kar Ngon kara gə inga rɔ Bɔ-ɛje gə.

Jean 14:23

Jeju ila-a kəne na: To gə ɓo dəw njigi-m nama a ngom tar lə-m ɗaa Bɔy a njigi-e. Ngaɓa j-a ɗe ɓə lə-a mba ɗa ɓe m-e gə mba kisi kəne.

2 Corinthiendjé 6:16

Kəy lə Luba je gə magəje d-a riya kone to gə ban wa? Mba sijee ja to kəy lə Luba gə Nje kisi kəm baa, to gə Luba pa ne na: M-a kisi gə je ngaɓa m-a nja horo-je gə M-a to Luba lə-je, ngaɓa ꞌjeje d-a to dəwje lə-m.

2 Corinthiendjé 6:18

M-a to bɔ-sijee, Ɗaa sisəy a toje gə ngan-mje gə jingaw gə nje gə jene. Mbayɓe gə njesingamongə pa be.

1 Thessaloniciendjé 3:11

May kar ꞌne gə Luba gə darɔ-ɛ ja, gə Bɔ-sijee, ngaɓa Mbayɓe lə-si Jeju ꞌgɔl ɗəw d-ar ja ce ne ɓe lə-si.

Ebərəje 11:16

Ngaa ɓisine ɗaa mə-je to dɔ ɓe gə may gə, gə to ɓe gə dara. Gəl-e gə nee ɓa ꞌɓar Luba gə Luba lə-je nama, o gə ne rɔ kul ang; n-gɔl ɓe mba je.

Ebərəje 8:10

Be ɓa kone gə m-a riya gə dəwje gə Ijirayɛl le ɓa nee, Mbayɓe pa na go ndɔje gə nee ɗaa: M-a kunja torondu-mje kəji negərə gə lə-je, M-a kunja dɔ ɓəngərə-je gə nəm tɔ; M-a to Luba lə-je, Ɗaa d-a to dəwje lə-m.

Ebərəje 8:2

N-to njekula gə no polo gə, gə kəy lo gə tɔgərɔ, gə Mbayɓe ja ɗa ɓo dəw ang.

Apocalypse 10:4

Logə nji gə ndangə gɔl siri pa tar le, m-aw gə mba ɗa tar-ɛ mə mbede gə ɗaa, m-tuga mbi-m m-o ndu ḭ mə dara gə taar pa ar-m na: ꞌNgom tar gə nji gə ndangə gɔl siri pa nee le mə-i gə ɓo ꞌɗa mbede gə ang.

Apocalypse 10:8

Ɗaa ndu gə ḭ dara gə m-o le pa to gə ɗangə ja cibi ar-m na: Aw ta ngon mbede gə ꞌcɛ̰ m-e d-ila tagə gə to ji anji gə ar taar dɔ babo gə, gə dɔ nangə gə.

Apocalypse 12:10

Ngaɓa m-o ndu gə boy ɓar mə dara gə na: Ɓisine ɗaa to dɔ kar kaji, gə singamongə, gə ɓeko̰ lə Luba lə-si asə ngaa, ngaɓa gə singa ko̰ dɔ neje lə Kirisi lə-a tɔ. Mba njekila tar dɔ ngan ko̰-sijee gə le, ye gə ila tar dɔ-je gə no gɔl Luba gə lə-sijee dan kara gə lo ndul gə le d-ɔs-ɛ d-ila-a nangə.

Apocalypse 21:7

Dəw gə cɛdə ɗɔ nama a kinga nenduba gə nee le, ɗaa m-a to gə Luba lə-a, ɗaa ye a to gə ngon-m.

Apocalypse 22:3

Nekugu tɔ̰y a godo saar gə no. Ngəndəng mbay le Luba je gə ngon badəm a ga̰ mə ɓebo gə le. Ɗaa, ngan njekulaje lə Luba d-a pol-e;

Apocalypse 7:15

Gəl-e gə nee ɓa d-ar ne no ngəndəng mbay gə lə Luba ꞌpol-e ne kara gə cil mə kəy gə lə-a. Ye gə isi dɔ ngəndəng mbay gə a kar d-isi mə kəy gə lə-a;