Apocalypse 21:23 - Mbede Lə Luba Kone Gə Sigi

²³ Ɓebo le aw ndoo kar ang nəm, gə nay ɓa kar ndogo kəne ang nəm tɔ. Mba ndogo lə Luba ja ndogo kəne ngodə-ngodə, ngaɓa ngon badəm ja to gə lambe lə-a tɔ.

Testament ke Siki 1960 (Kabba Laka)

²³ Ke kade aséh nnè ase ta ndokoo béh té nèn ang, mbata ndokoo lo Allah to lokarè kendé, ke Ngon bati to lampe kendé.

Apocalypse 21:23 Iomraidhean Croise

Matiye 16:27

Mba ꞌMa gə Ngon lə dəw m-a ɗe dan rɔnduba gə lə Bɔ-mje gə anjije lə-a, ɗaa m-a kuga dɔ ji dəwje kara kara tɔ̰y gə go kula ɗa-je.

Marəke 8:38

Be ɓa, dəw gə ɗa rɔ kul mba-m ngaɓa gə mba tarje lə-m horo dəwje gə ɓogəne gə ꞌto nje ɓogo lo toje gə njeneɗaje gə kṵra̰y nee le, ꞌma gə Ngon lə dəw kara logə m-a ɗe dan rɔnduba gə lə Bɔ-mje naa gə kara gə anjije gə njerɔsangəje nama, m-a ɗa rɔ kul mba tar lə-a tɔ.

Lugu 2:32

Kaji nee le to lokarə gə a tɔji dəwje gə ꞌgərə Luba ang tɔ̰y mba kar gər-i nee A to ne riɓar lə Ijirayɛl, dəwje lə-i.

Jean 1:14

Tar le təl rɔ-ɛ gə dəw, cibi ɓa isi horo-si gə mənuji gə tar gə tɔgərɔ ɗusu m-e tub-tub, ngaɓa sijee j-o rɔnduba lə-a, to to gə rɔnduba kar Ngon kara gə inga rɔ Bɔ-ɛje gə.

Jean 1:18

Dəw kara gə o Luba gə kəm-e le godo; ngaa, Ngon kara gə to Luba gə ga̰ naa gə kara baa gə bɔ-ɛje ɓa ɗe riba dɔ-ɛ ar-si ja gər-e.

Jean 1:4

Ɗəw gə lə-a ꞌne ɓa təbə ga̰ ne, ngaɓa təbə le to gə lokarə gə ndogo dɔ dəwje gə tɔ.

Jean 1:9

Lokarə le to gə lokarə gə tɔgərɔ gə ɗe ndogo dɔ nangə gə nee, mba kar dəw gə ɗa-ɗa kara o ne lo.

Jean 17:24

Bɔ dəwje, m-njigi mba kar lo gə m-ga̰ kəne nama nje gə um-je mə ji-m gə le, ꞌjejee kara ga̰ sə-m kəne ngaɓa d-o rɔnduba gə ula dɔ-m gə tɔ, mba ꞌnjigi-m kede ləw baa nam ɓa unda neje.

Jean 5:23

Mba kar dəwje tɔ̰y ja d-ila ne kɔji dɔ Ngon gə to to gə d-ila ne kɔji dɔ Bɔ gə be tɔ. Dəw gə ila kuji dɔ Ngon gə ang nama ila kuji dɔ Bɔ-ɛje gə ula-a le ang tɔ.

Koula 22:11

Ngaa, gə go ndogo gə uru kəm le m-o lo ang, ɗaa nje gə d-aw sə-m le ɓa m-pa m-ar-je d-uwa ji-m gə kuwa ɓa m-ce ne Damasə.

Apocalypse 14:4

To gə nje gə ꞌrɔgə rɔ-je yoro gə ɔji dɔ sangə jeneje ang, ꞌgərə jene ang ɓi. Nje gə kən le d-um mə-je dɔ Jeju gə jəb-jəb dɔ ɗəw nja gə lə-a. Nje gə kən le d-uga dɔ-je horo dəwje gə asə naa gə kandə neje gə dɔngɔr gə ɔji dɔ Luba ngaɓa ɔji dɔ ngon badəm tɔ.

Apocalypse 18:1

Go-e gə ɗaa m-o anji gə ɗangə kara, ḭ dara uru nangə. N-aw gə singamongə ko̰ dɔ ne gə to ɓəəl ya̰ ngaɓa ndogo lə-a ndogo dɔ nangə gə dol-dol tɔ.

Apocalypse 21:11

Rɔnduba lə Luba to dɔ-ɛ gə. Ndo̰y lə-a ta naa gə kɔr ər gə gad-e ɓi-ɓi, unda rɔ-ɛ to gə kɔr ər gə ɓar-ɛ na jasəpə gə to to gə ər gə ɓar-ɛ kirisital be.

Apocalypse 21:25

Ta kəyje lə ɓebo le a kudu dan kar-a ang, mba lo-e gə nee le, lo a ndul kəne ang saar.

Apocalypse 22:5

Londul a godo saar gə no, d-a kaw ndoo ndogo le lambe ang nəm, gə ndoo ndogo le kar ang nəm tɔ. Mba Mbayɓe Luba ja a ndogo dɔ-je gə. Ngaɓa d-a ko̰ ɓe gə ɓal gə ɓal.

Apocalypse 5:6

Ɗa m-o Ngon badəm kara ar dan ngəndəng mbay gə dana ngaɓa nekundaje gə sɔɔ gə d-aw kəm baa, gə bubaje gugu dɔ-ɛ d-ila-a dana tɔ. N-to to gə d-unja gɔb-ɛ be. Gaji-ɛ siri ngaɓa kəm-e siri gə ꞌto gə njilje gə siri gə Luba ula-je gə dɔ nangə nee ja tɔ̰y.

Apocalypse 7:17

Mba Ngon badəm gə ar dan ngəndəng mbay gə dana le a to gə njekuul-je, ɗaa n-a kɔr no-je kaw gə je kəm ɗəw man təbə gə kul gə. Ngaɓa Luba a bḭ man no tɔ̰y kəm-je gə.