Apocalypse 21:22 - Mbede Lə Luba Kone Gə Sigi

²² Mə ɓebo gə nee le m-o kəy lə Luba kəne ang, mba Mbayɓe Luba gə njesingamongə je gə ngon badəm ja ꞌto gə kəy gə kəne.

Testament ke Siki 1960 (Kabba Laka)

²² Ma mo kei mè béh té nèn ang, mbata Mbaibé Allah ndjè singa mongou ke Ngon bati to kei ke kendé.

Apocalypse 21:22 Iomraidhean Croise

Matiye 24:2

Ngaa Jeju ila-je kəne na: Aje oje ja ɗa? Tɔgərɔ ja m-pa m-ar-si to gə kɔr ər kara baa ja kara a nay dɔ mar-ɛ gə ang: d-a rundu neje tɔ̰y nangə pulug-pulug.

Jean 10:30

ꞌMa je gə Bɔy j-a to gə kara baa.

Jean 13:32

To gə ɓo Luba inga riɓar ɗəw gə lə-a ꞌne nama, ꞌne kara n-a kinga riɓar ɗəw lə Luba tɔ, ngaɓa ɓisine baa ja Luba a kila riɓar dɔ-ɛ gə.

Jean 4:21

Jeju pa ar-ɛ na: Jene, ꞌta kagə-m, kar ɗe nama, a polo-je Bɔ dəwje dɔ mbal gə nee ang nəm Jerujalɛm ang nəm tɔ.

Jean 4:23

Ngaa kar-ɛ ɗe ɗaa dɔ kar-ɛ ja nee mba kar njepolo neje gə tɔgərɔ d-a polo Bɔ dəwje ɗəw njil gə gə ɗəw tar gə tɔgərɔ gə, mba njepolo neje gə to gə be ɓa Bɔ dəwje sangə-je.

Colossiendjé 1:19

Mba Luba njigi kar n-un darɔ-ɛ ye ja mɔgɔgɔ,

Colossiendjé 2:9

Mba ꞌne gə n-un lo kun darɔ Luba ja mɔgɔgɔ.

Apocalypse 1:8

Mbayɓe Luba pa na: M-to Aləpa gə Omega, lo kuma kudu ne gə lo tɔl ngangə ne, dəw gə nje ga̰, gə ga̰ kede ləw baa, dəw gə a ɗe, njesingamongə gə dum dɔ lo.

Apocalypse 11:17

na: J-a ɗa-i oyo, Mbayɓe Luba gə njesingamongə gə dum dɔ lo, gə ga̰, gə ga̰ kede ləw baa, mba ꞌtɔji singamongə lə-i gə bo ya̰, ngaɓa o̰ ɓe nəm tɔ.

Apocalypse 14:4

To gə nje gə ꞌrɔgə rɔ-je yoro gə ɔji dɔ sangə jeneje ang, ꞌgərə jene ang ɓi. Nje gə kən le d-um mə-je dɔ Jeju gə jəb-jəb dɔ ɗəw nja gə lə-a. Nje gə kən le d-uga dɔ-je horo dəwje gə asə naa gə kandə neje gə dɔngɔr gə ɔji dɔ Luba ngaɓa ɔji dɔ ngon badəm tɔ.

Apocalypse 15:3

D-ɔsə pa lə Moyiji, ngon njekula lə Luba nəm ɓa d-osə pa lə Ngon badəm na: Mbayɓe Luba gə Njesingamongə, kula ɗa-i bo ngaɓa to ɓəəl ya̰! Mbay gə njeko̰ dɔ dəwje tɔ̰y, ɗəw lə-i to gadə-gadə ngaɓa to tɔgərɔ!

Apocalypse 16:14

ꞌTo gə njil gə kar njilje gə kṵra̰y gə ɗa netɔjije ngaɓa d-aw gə rɔ mbayje gə rɔ dəwje gə d-isi dɔ nangə nee tɔ̰y, mba mbo̰-je kila ne ɗɔ, dɔ ndɔ gə boy gə to kar Luba gə Njesingamongə.

Apocalypse 16:7

Cibi, m-o ndu ḭ no kɔgə pa na: Oyo, Mbayɓe Luba, Njesingamongə, tarje gə ꞌgangə le, ꞌgangə tɔgərɔ, ngaɓa ꞌgangə gadə-gadə ja.

Apocalypse 19:15

Kiya bayi gə t-ɛ adə pəm-pəm ce t-ɛ gə, ye ɓa n-a tuji ne gəl kujije. N-a kul-je gə kagə ngaw lar, n-a kunda dura kodo wungu gə to ɓəl ya̰ lə Luba gə njesingamongə, gə gɔl-ɛ kila.

Apocalypse 4:8

Nekundaje gə sɔɔ gə d-aw kəm baa nee le, na-na kara baag-ɛ misa̰-misa̰. Kəm-je ɗusu rɔ-je njḭ gugu bagir-je ula naa gə mbugu saar ce mə-je gə kəy kɔrɔgə. Kar gə cil le, d-uwa kɔr-je ang, ɗaa ꞌpa na: Njerɔsangə, njerɔsangə, njerɔsangə, Mbayɓe, Luba gə njesingamongə, dəw gə nje ga̰, gə ga̰ kede ləw baa, dəw gə a ɗe, njesingamongə gə dum dɔ lo.

Apocalypse 5:6

Ɗa m-o Ngon badəm kara ar dan ngəndəng mbay gə dana ngaɓa nekundaje gə sɔɔ gə d-aw kəm baa, gə bubaje gugu dɔ-ɛ d-ila-a dana tɔ. N-to to gə d-unja gɔb-ɛ be. Gaji-ɛ siri ngaɓa kəm-e siri gə ꞌto gə njilje gə siri gə Luba ula-je gə dɔ nangə nee ja tɔ̰y.

Apocalypse 7:15

Gəl-e gə nee ɓa d-ar ne no ngəndəng mbay gə lə Luba ꞌpol-e ne kara gə cil mə kəy gə lə-a. Ye gə isi dɔ ngəndəng mbay gə a kar d-isi mə kəy gə lə-a;

Apocalypse 7:17

Mba Ngon badəm gə ar dan ngəndəng mbay gə dana le a to gə njekuul-je, ɗaa n-a kɔr no-je kaw gə je kəm ɗəw man təbə gə kul gə. Ngaɓa Luba a bḭ man no tɔ̰y kəm-je gə.