Apocalypse 21:2 - Mbede Lə Luba Kone Gə Sigi

² Ɗaa m-o ɓebo gə to gə losang-ɛ, Jerujalɛm gə sigi, ḭ rɔ Luba gə dara ɗisi uru nangə, ta naa gə jene nje ngaw gə ɗa mandə mba ngab-ɛje.

Testament ke Siki 1960 (Kabba Laka)

² Ke ma mo béh ke madji toï, Jérusalem ke siki ï dara ke nò Allah té disi, ndè tokou dènè ke siki da rè madji mbata ngaoèdjè.

Apocalypse 21:2 Iomraidhean Croise

Jean 3:29

Nje ta jene ja ɓa to gə ngab-ɛje ngaa njekura lə ngaw jeneje gə ar mbɔr-ɛ gə le, o tam lə jingaw gə nje jene le gə rɔləl; rɔləl gə nee, gə ꞌma m-isi dan-ɛ gə le, tɔl t-ɛ bɛm ngaa.

2 Corinthiendjé 11:2

Mba m-nər mə mba tar lə-si, to gə nər mə gə ḭ rɔ Luba gə ja, mba m-uwa gə si mɔrə m-ar jingaw kara baa ja, to to gə ꞌmbakum gə to gə losang-ɛ, mba kɔr-si kar Kirisi.

Ebərəje 11:10

Mba n-ngina ɓe gə ngira-a uwa nangə rig-rig, ye gə Luba ja to njekunda gəl-e.

Ebərəje 11:16

Ngaa ɓisine ɗaa mə-je to dɔ ɓe gə may gə, gə to ɓe gə dara. Gəl-e gə nee ɓa ꞌɓar Luba gə Luba lə-je nama, o gə ne rɔ kul ang; n-gɔl ɓe mba je.

Ebərəje 12:22

Ngaa sisəy le ɗaa ubaje dɔ ər gə Siyo̰ ar-je kəne ngaɓa andəje ɓebo gə lə Luba gə nje kisi kəm baa, Jerujalɛm gə dara, gə anjije bula-bula ꞌmbo̰ naa ꞌɗa nay kəne;

Ebərəje 13:14

Mba sijee le ɓe kisi-si gə dɔ nangə nee gə dɔbo̰ godo ɗaa j-a sangə ɓe gə dɔ ndɔ gə bara.

Apocalypse 1:1

Ne gə to lo kiya gə, gə a ɗe ɓisine baa, gə Luba ar Jeju Kirisi kila dɔ-ɛ mba tɔji ngan njekulaje lə-a. Ɗaa n-ula anji lə-a n-ar ɗe ɔr gəl-e ar ngon njekula lə-a Ja̰ kar-ɛ gərə,

Apocalypse 1:4

ꞌMa gə Ja̰, m-ɗa mbede nee m-ar mbo̰ naa lə njetakagəje gə siri gə dɔ nangə gə Aji: May kar-si ingaje mənuji gə ɗɛgɛgɛ gə ḭ mə ji dəw gə ga̰, gə dəw gə ga̰ kede ləw baa, gə a ɗe ngaɓa gə rɔ njilje gə siri gə d-ar no ngəndəng mbay gə lə-a,

Apocalypse 1:9

ꞌMa Ja̰, ngon ko̰-si gə ɗəw takagə Kirisi gə, gə nje baa neməko̰ lə-si, ngaɓa nje baa ɓe lə-si gə mə ɓeko̰ gə lə Luba, ɓa gə njeba kuwa rɔ gədərə lə-si mba Kirisi gə d-um ubu dɔ-ɛ gə nəm. D-ila-m dɔ ngon gore gə gə ꞌɓar-ɛ Patəmos, mba mbərə tar lə Luba, ngaɓa gə mba tar naji lə Jeju tɔ.

Apocalypse 11:2

Ngaa tabidi kəy lə Luba gə ɗaga le ḭya̰ ar to lo kara ɓo ila ne kɔji ngal ne kəne ɔji ne ang, mba d-ula mə ji dəwje gə ꞌgərə Luba ang gəl kuji dəwje gə, mba kar ɓebo gə to gə losang-ɛ le, d-a lag-e gə gɔl-je nangə lag-lag kəm nay dɔg sɔɔ gə gir-e gə joo

Apocalypse 21:10

Njil ɗe dɔ-m gə yiil ɗaa anji un-um aw sə-m dɔ ər gə boy ngaɓa ndə̰w̰ nəm, ɗaa n-tɔji-m Jerujalɛm, ɓebo gə to gə losang-ɛ gə ḭ ɓə lə Luba gə dara ur nangə.

Apocalypse 21:9

Cibi, kara lə anjije gə siri gə d-uwa ngo kay neje siri gə tujije gə siri gə ɗusu tub-tub ji-je gə le ɗe pa tar ar-m pa na: ꞌƊe, m-a tɔji-i rɔ jene njemɔrə, ye gə to jene lə ngon badəm le.

Apocalypse 22:17

Njil je gə jene nje ngaw ꞌpa na: ꞌƊe! May kar dəw gə o tar gə nee nama pa na: ꞌƊe! Dəw gə kunda man tɔl-ɛ nama may kar-ɛ ɗe, dəw gə njigi nama m-a kar-ɛ man təbə baa ja.

Apocalypse 22:19

To gə ɓo dəw ɔr ne mə tarje gə pajambərə pa mə mbede gə nee nama, Luba a kɔr ta ne lə-a kagə təbə, gə ɓebo gə to gə losang-ɛ, gə ꞌpa tar-ɛ mə mbede gə nee.

Apocalypse 3:12

Dəw gə cɛdə ɗɔ nama, m-a kar-ɛ to gə dubu mə kəy gə lə Luba, a kila gɔl-ɛ ɗangə ang car, ngaɓa m-a kunda ri Luba lə-m, gə ri ɓebo lə Luba lə-m gə to Jerujalɛm gə sigi gə ḭ dara rɔ Luba gə lə-m dɔ-ɛ gə, ngaɓa ri-m ꞌma gə sigi nəm tɔ.