Apocalypse 21:12 - Mbede Lə Luba Kone Gə Sigi

¹² Ndogo bɔrɔ lə-a ndəər ngaɓa ndə̰w̰ ya̰ tɔ. T-ɛ dɔg gə gir-e gə joo, ɗa anjije dɔg gə gir-je gə joo d-ar t-ɛ gə, ngaɓa ꞌɗa ri gəl kaje lə Ijirayɛl gə dɔg gə gir-je gə joo kəne.

Testament ke Siki 1960 (Kabba Laka)

¹² Béh nèn éh ke tòkou ndooko ke ngal nya, tadeo ndooko éh dòkou gérè djo, ke angedjé dòkou gérè djo isi tadeo té. Nè nda ri gel dooudjé dòkou gérè djo lo ngandjé lo Israël do tadeo té nèn.

Apocalypse 21:12 Iomraidhean Croise

Matiye 18:10

Oje gə maj-ɛ, əwje rɔ-si dabəje ngon kara dasəra horo nje gə d-o-je gə ne ang gə mba m-pa m-ar-si to gə, anjije lə-je gə dara d-a lo gə kəm Bɔy gə isi mə dara jaga ja.

Lugu 15:10

Ɗəw kara baa, m-pa m-ar-si, logə njeneɗa gə kṵra̰y turu kəji lə-a nama, rɔ anjije lə Luba ləl-je.

Lugu 16:22

Logə njendoo le uy ɗaa anjije d-un-e d-aw sə-a mbɔr Abəraham gə. Njenekinga kara uy tɔ ɗaa ꞌdub-e.

Koula 26:7

gə to gə gəl kaje lə-sijee gə dɔg gə gir-je gə joo d-uwa ne gədərə ꞌpolo ne Luba cil gə kar lal kḭya̰ go-e. Əy mbay, mba nekunda mə gə nee le ja ɓa Jiibije d-ila ne tar dɔ-m gə!

Ebərəje 1:14

Anjije nee tɔ̰y le, ꞌto njilje gə Luba aw ula-je ang baa wa? Luba aw ula-je mba kar ꞌla gə nje d-a kuwa kaji gə neduba.

Apocalypse 21:13

Lo ce gə lə kar, ta kəy kəne munda, dɔ ji gəl ta kəy kəne munda, dɔ ji kɔl ta kəy kəne munda, lo kandə gə lə kar, ta kəy kəne munda tɔ.

Apocalypse 21:15

Ye gə pa sə-m tar le uwa kagə kɔji ne ji-a gə, to gə kagə ꞌɗa gə maa mba kɔji ne ɓebo gə t-ɛje gə ndogo bɔrɔ lə-a.

Apocalypse 21:25

Ta kəyje lə ɓebo le a kudu dan kar-a ang, mba lo-e gə nee le, lo a ndul kəne ang saar.

Apocalypse 22:14

Nje gə ꞌtogo kubu lə-je le, ꞌto gə njenokarəje mba d-asə kusa kandə kagə təbə, ngaɓa mba kar d-andə mə ɓebo gə ta ɗəw kəyje tɔ.