Apocalypse 2:9 - Mbede Lə Luba Kone Gə Sigi

⁹ M-gərə ne ur ti lə-i gə ndoo lə-i, ngaa ꞌto njenekinga, ɗaa tar paje gə kṵra̰y lə nje gə ꞌɗa rɔ-je gə Jiibije ngaa ꞌto Jiibije ang baa, ꞌto kəy nendo lə ꞌSu.

Testament ke Siki 1960 (Kabba Laka)

⁹ Mam ngeré ko ndoo loi ke dangeté loi, a i to ndjè né kinga, ke ngem lo ndjè ke pana dèdè nto Juifdjé, a dèdè nto ban ang, dèdè nto kei kisi lo Satan.

Apocalypse 2:9 Iomraidhean Croise

Matiye 4:10

Jeju pa ar-ɛ na: ꞌSu ɔdə gə ɗangə! Mba ꞌɗa mə mbede gə na: ꞋI a polo Mbayɓe, Luba lə-i, ngaɓa ꞌne ja gə kar-ɛ baa ɓa a kun rɔ-i kar-ɛ.

Lugu 12:21

Jeju təl pa ja cibi na: Ye ɓa to ne gə ce dɔ dəw gə mbo̰ nekinga ɔji dɔ-ɛ ye ja baa, ɓo to njenekinga gə ɔji dɔ Luba ang.

Lugu 22:65

ꞌPa tarje gə kṵra̰y ɓədə-ɓədə dɔ-ɛ gə.

Lugu 4:18

Njil lə Mbayɓe isi dɔ-m gə, Mba n-um ubu dɔ-m gə. Mba kar m-aji nje gə ɓəngərə-je ti mbidi Mba kar m-ila mbərə Tar gə May m-ar njendooje. D-ula-m mba kar m-ta nje gə d-ula kəm-je ndoo m-um-je taar, Nje kəm tɔje kar d-a ko lo, Nje gə d-ula kəmje ndoo kar d-inga dɔ to ləl pɛ.

Lugu 6:20

Jeju a ngan njenendoje lɛdɛdɛ, ɗaa pa na: Nokarə to kar-sisəy njendooje, mba ɓeko̰ lə Luba to kar-si

Jean 16:33

M-pa tarje gə nee m-ar-si mba kar inga-je ɗɛgɛgɛ ɗəw gə lə-m. Dɔ nangə gə nee le, isije dan nekəmandoo gə ja, ngaa undaje singa-si dɔ mar-ɛ gə, m-cɛdə ɗɔ dɔ nangə ngaa.

Koula 14:22

d-ula jingaw mə ngan njenendoje gə ngaɓa ꞌdəji-je mba kar d-uwa takagə lə-je gədərə tɔ. Cibi ꞌtəl ꞌpa d-ar-je to gə ɗəw ko ꞌməsərə ya̰ ɓa dəw a kandə ne mə ɓeko̰ gə lə Luba.

Koula 26:11

Ngaɓa taar-taar ja gə mə kəy nendo lə Jiibije kara kara tɔ̰y ja m-aw m-bɛ̰ ta-je, m-uwa-je gə singa m-ar ꞌtaji Luba d-ar al dɔ lo. Logə wungu uru-m mu dɔ-je gə nama m-ula kəm-je ndoo saar mə ɓeboje gə dɔɔɓe gə.

Romaindjé 12:12

ꞌƊaje rɔləl dɔ kunda mə gə lə-si. Uwaje gədərə dan nekəm ndooje gə. Uwaje dəji Luba gədərə.

Romaindjé 2:17

Ngaa, ꞌi gə un ri Jiibi unda dɔ-i gə, gə unda mə-i dɔ torondu gə, ngaɓa uwa Luba ɔsə ne rɔ-i,

Romaindjé 5:3

Cibi ɓa, le dan ꞌməsərəje gə ja kara sijee j-a ɗa rɔləl, mba j-a gərə to gə ꞌməsərə uji kuwa gədərə,

Romaindjé 8:35

Na ja a kɔrə sijee mə njigi gə lə Kirisi wa? ꞌMəsərə, ose kar gə gəd gədə, ose nekəmandoo, ose ɓo, ose kaw kudu dum, ose ne gə a ce yo, ose kiya bayi wa?

Romaindjé 9:6

Ə̰ə̰ə̰, tar lə Luba oso nangə baa ang. Mba dəwje tɔ̰y gə d-uji-je gəl ka Ijirayɛl gə ja ɓa to gə Ijirayɛlje ang,

2 Corinthiendjé 6:10

d-ula wungu mə-si gə, ngaa rɔ-si ləl-si gə ndooje tɔ̰y, j-unda dəwje dan may gə ja ngaa d-o si gə njendooje, d-o si to gə dəwje gə ne lə-je godo, ngaa ja to bawje.

2 Corinthiendjé 8:2

Dan nekəmandoo gə ce dɔ-je gə bula ja kara, rɔ-je ləl-je al dɔ lo, d-isi dan ndoo gə to ɓəəl ya̰ ja ne d-ore dɔ-ɛ nangə ꞌcɛ̰ mə ji-je d-un nekingaje lə-je d-ar al dɔ lo,

2 Corinthiendjé 8:9

Be ɓa, sisəy ꞌgərə-je mənuji lə Mbayɓe lə-sijee Jeju Kirisi, gə to baw ja ngaa, ɗa rɔ-ɛ gə njendoo mba kar ɗəw ndoo gə lə-a ɗaa sisəy a toje nebawje.

1 Thessaloniciendjé 3:4

Logə gə j-aw ne ɓe lə-si le, j-a pa j-ar-si kede nam to gə neməko̰je a ce dɔ sijee gə ɗaa neje le ɗe ja tɔ, sisəy kara ꞌgərəje ja.

1 Timoce 1:13

dɔ ndɔ gə kede le, ꞌma, m-to njetaji Luba, m-to nje ɗa singa gə njetakagəje ngaɓa m-to nje kula kəm-je ndoo nəm tɔ. Ɗaa Luba ɗa sə-m məmay nəm mba m-ɗa ne dɔ mbə gə baa, gə məkədərə baa ja tɔ.

1 Timoce 6:18

Ula-je mba kar-je ꞌɗa may, mba kar ꞌto baw neɗaje gə may. D-un ne d-ar gə məmay ngaɓa d-a to gə njekay ne dəwje pə-pə.

Apocalypse 1:9

ꞌMa Ja̰, ngon ko̰-si gə ɗəw takagə Kirisi gə, gə nje baa neməko̰ lə-si, ngaɓa nje baa ɓe lə-si gə mə ɓeko̰ gə lə Luba, ɓa gə njeba kuwa rɔ gədərə lə-si mba Kirisi gə d-um ubu dɔ-ɛ gə nəm. D-ila-m dɔ ngon gore gə gə ꞌɓar-ɛ Patəmos, mba mbərə tar lə Luba, ngaɓa gə mba tar naji lə Jeju tɔ.

Apocalypse 2:13

M-gərə lo gə isi kəne: lo-e nee le to dɔ ngəndəng mbay lə ꞌSu. Ngaa ꞌi le um mə-i dɔ ri-m gə jəb-jəb ngaɓa kagə-m gə ꞌta le uba ḭya̰ ang, dɔ ndɔje gə lə A̰tipas gə nje pa tar naji lə-m gə ngon kuji ja kara, ꞌtɔl-ɛ ɓe lə-si, lo gə ꞌSu isi kəne.

Apocalypse 2:2

M-gərə kula ɗa-ije gə kula lə-i, gə kuwa gədərə lə-i, ngaɓa asə kɔsə kudu njeməyɛrje ang tɔ. ꞌI ꞌna mə dəwje gə d-uwa rɔ-je gə ngan njekulaje ɗaa ꞌto gə njeka̰ykulaje ang baa, ɗaa ꞌgərə to gə ꞌto gə njetar gə ɗəgərəje.

Apocalypse 2:24

Kar-sisəy ɗaa, m-pa m-ar nje gə kɛm gə d-isi Tiyatir. Nje gə tɔ̰y gə ꞌta tar sula lə-a ꞌne gə Jejabɛl nee ang nəm, ngaɓa d-ula rɔ-je bababa dan negərə gə lə ꞌSu ang, to gə ꞌpa ne tar-ɛ le: ꞌMa m-unda nekodo gə uway gə ɗangə dɔ-si gə ang.

Apocalypse 3:9

A o, m-ar-i dəwje gə kəy nendo gə lə ꞌSu, dəwje gə ꞌɗa rɔ-je gə Jiibije, ngaa ꞌto Jiibije ang baa, ꞌto nje pa tar gə ɗəgərəje. O, m-a kar-je ꞌɗe d-um məkəji-je nangə no gɔl-i gə, ngaɓa d-a gərə to gə m-ɓol-i.

Apocalypse 7:14

Ɗaa ꞌma m-ila-a kəne m-pa na: Mbayɓe lə-m, ꞌi ꞌgərə som! N-pa n-ar-m na: D-ḭ lo neməko̰ gə to ɓəəl ya̰. ꞌTogo kubuje lə-je gə ngal yududu-yududu ngaɓa ꞌsugu gə məsə Ngon badəm gə d-ar nda kələw-kələw.