Apocalypse 2:7 - Mbede Lə Luba Kone Gə Sigi

⁷ Dəw gə mbi-a ga̰ nama, may kar-ɛ o ne tar gə Njil pa ar mbo̰ naaje lə njetakagəje nee. Dəw gə cɛdə ɗɔ nama, m-a kar-ɛ kandə kagə kaw kəm baa gə to mə ɓe rɔləl gə lə Luba gə dara usa.

Testament ke Siki 1960 (Kabba Laka)

⁷ Nè ke néh ke mbi ase kare nè no tar ke Ndil pa are ndjè ke kei Allah té. Nè ke ndai ke singa ma ma karè nousa kandé kake ke tébe ke to mè loou té ke madji lo Allah.

Apocalypse 2:7 Iomraidhean Croise

Matiye 11:15

May kar dəw gə mbi-a ga̰ nama o ne.

Matiye 13:43

Be ɓa njeneɗaje gə gadə-gadə d-a ndogo to gə kar be mə ɓeko̰ gə le Bɔ-jeje. May kar dəw gə mbi-a ga̰ nama o ne.

Matiye 13:9

May kar dəw gə mbi-a ga̰ nama o ne.

Marəke 4:9

Cibi, Jeju pa na: Dəw gə mbi-a gə mbi ko tar ɗaa o.

Marəke 7:15

Ne kara ja gə a kḭ ɗaga kandə mə dəw gə kar-ɛ mina ne le godo; ngaa ne gə ḭ mə dəw gə le ɓa ɗa dəw ar-ɛ mina.

Marəke 7:16

To gə ɓo dəw gə mbi-a to mbi ko tar nama o.

Lugu 23:43

Jeju ila kəne na: Tɔgərɔ, m-pa m-ar-i, ɓogəne ja a ga̰ sə-m naa gə kara baa mə dara gə.

Lugu 8:8

Kɛs-ɛ gə ɗangə um dɔ nangə gə may gə; logə ce gə mbi ɗaa unda tɔl-tɔl. Jeju pa tar gə ndu-e gə boy na: May kar dəw gə mbi-a to mbi ko tar nama o ne!

Jean 16:33

M-pa tarje gə nee m-ar-si mba kar inga-je ɗɛgɛgɛ ɗəw gə lə-m. Dɔ nangə gə nee le, isije dan nekəmandoo gə ja, ngaa undaje singa-si dɔ mar-ɛ gə, m-cɛdə ɗɔ dɔ nangə ngaa.

1 Corinthiendjé 2:10

Ngaɓa sijee ɓa Luba kila gəl-e ɗəw Njil gə ar-si, mba Njil le tən neje tɔ̰y so-so, mə kəji lə Luba gə uru ya̰ kara n-gərə nəm.

2 Corinthiendjé 12:4

d-un-e d-aw sə-a gə dara ngaɓa n-o tarje gə dəw asə pa ang, gə d-ɔgə ɗəw kar dəw pa.

1 Jean 2:13

M-ɗa mbede m-ar-si, bɔ nganje, mba ꞌgərəje dəw gə isi lo kuma kudu neje gə kede ləw baa. M-ɗa mbede m-ar-sisəy, basa̰je, mba ꞌcɛdəje ɗɔ njeməndul nam. M-ɗa mbede m-ar-si, ngan-m, mba ꞌgərəje Bɔ dəwje.

Apocalypse 13:9

To gə ɓo dəw gə mbi-a ga̰ nama may kar-ɛ o ne tar.

Apocalypse 14:13

Ɗaa m-o ndu ḭ dara pa na: ꞌƊa mbede, nokarə to kar dəwje gə ɓisine d-uy gəl Mbayɓe gə! Njil pa na, oyo, may kar d-uwa kɔr-je dɔ kula rɔ ndubu gə lə-je gə, mba kula ɗa-je ɔr go-je.

Apocalypse 15:2

Ɗaa m-o ne gə ta naa gə babo gə arə kə̰rə̰rə̰ to gə ər gə ndɔ̰y be, polo naa gə pər, ngaɓa nje gə ꞌcɛdə ɗɔ da kɔr, gə ndaji lə-a ngaɓa gə kɔr ne gə ta ri-a gə, d-ar taar dɔ babo gə, gə arə kə̰rə̰rə̰ to gə ər gə ɓar-ɛ kirisital. D-uwa konde lə Luba ji-je gə.

Apocalypse 2:11

May kar, dəw gə ɓo mbi-a ga̰ nama, o ne tar gə Njil pa ar mbo̰ naaje lə njetakagəje. Dəw gə cɛdə ɗɔ nama a ko ꞌməsərə gə yo gə gɔl joo ang ja saar.

Apocalypse 2:17

Dəw gə mbi-a ga̰ nama may kar-ɛ o ne tar gə Njil pa ar mbo̰ naaje lə njetakagəje. Dəw gə cɛdə ɗɔ nama m-a kar-ɛ muru misi gə to nekusa gə ḭ dara gə to lo kiya gə, m-a kar-ɛ kɔr ər gə nda; ɗaa kɔr ər gə nee le, ꞌɗa ri gə sigi kəne kara, gə dəw kara kara gərə ang, ngaa nj-ɛ gə ta ja baa ɓa.

Apocalypse 21:7

Dəw gə cɛdə ɗɔ nama a kinga nenduba gə nee le, ɗaa m-a to gə Luba lə-a, ɗaa ye a to gə ngon-m.

Apocalypse 22:14

Nje gə ꞌtogo kubu lə-je le, ꞌto gə njenokarəje mba d-asə kusa kandə kagə təbə, ngaɓa mba kar d-andə mə ɓebo gə ta ɗəw kəyje tɔ.

Apocalypse 22:17

Njil je gə jene nje ngaw ꞌpa na: ꞌƊe! May kar dəw gə o tar gə nee nama pa na: ꞌƊe! Dəw gə kunda man tɔl-ɛ nama may kar-ɛ ɗe, dəw gə njigi nama m-a kar-ɛ man təbə baa ja.

Apocalypse 22:2

Ɗaa dan ɗəw gə boy gə mə ɓebo gə ngaɓa dɔ kungu baa gə ɓe joo pɛdə le, kagə təbə kara gə andə gɔl dɔg gə gir-e gə joo ga̰ kəne. Nay kara nama d-unja kand-e taar-taar. Kam kagə le to gə kuma kaji gəl kuji dəwje tɔ.