Apocalypse 2:25 - Mbede Lə Luba Kone Gə Sigi

²⁵ Ne kara baa le, ne gə sisəy ingaje le, uwaje ngangə saar mba kar-m m-ɗe.

Testament ke Siki 1960 (Kabba Laka)

²⁵ Lé ta kwaa ngeng né ke éhdjé kendé sar mam ndé.

Apocalypse 2:25 Iomraidhean Croise

Jean 14:3

Logə m-a kaw, ngaɓa m-a gɔl lo lə-si tɔ̰y nam ɗaa, m-a təl ɗe kodo-si dɔ-m gə, mba kar lo gə ꞌma m-a kisi kəne nama sisəy kara a kisije kəne tɔ.

Koula 11:28

Dəw kara horo-je gə ri-a na Agabus uba nangə ḭ pa tar ɗəw gə lə Njil na ɓo bo a koso gə dɔ nangə tɔ̰y. Ɓo bo le oso ɓal ko̰ ɓe gə lə Kolodə tɔ.

Romaindjé 12:9

May kar njigi to njigi gə tɔgərɔ, ɔsəje ne gə kṵra̰y ngərəng, oreje kəm-si ndəng dɔ ne gə may gə.

1 Corinthiendjé 11:26

Mba kusa ja usaje mbə gə nee ngaɓa kay ja ayje nekay gə nee le taar ja nama, ilaje mbərə kuy lə Mbayɓe saar mba kar təl ɗe ne.

1 Corinthiendjé 4:5

Gəl-e gə nee ɓa may kar ꞌgangəje tar ne kede ɓa dɔ kar asə ang, kede no ɗe gə lə Mbayɓe, gə a kila dɔ neje gə d-iya dan cil ciməri gə ngaɓa a kila kəjije gə mə dəwje gə. Be ɓa na-na kara Luba a pid-e.

1 Thessaloniciendjé 5:21

ngaa ꞌtənje neje tɔ̰y so-so ɗaa ɔrəje kəm ꞌye gə may;

Ebərəje 10:23

J-ar singa-si ɔr ang ɗaa j-a pa tar məkunda lə-si gə ɗaga, mba nje kuwa dɔ gɔl ne le to dəw gə gadə-gadə.

Ebərəje 3:6

Ngaa Kirisi turu rɔ-ɛ gə Ngon mə kəy lə-a ye ja. Sijee j-a to kəy lə-a, to gə ɓo j-uwa gədərə ngaɓa j-a ɗa ne kunda mə lə-si gə ne gədə rɔ nama a to ne kunda kar lə-si.

Ebərəje 4:14

Mba Jeju gə to buba njekapolo lə-si gə dɔ dara gə taar, gə to ngon lə Luba le, ɓo j-a taje kag-e nam ɗaa may kar j-uwaje ngəng.

2 Piyɛr 3:10

Ngaa ndɔ lə Mbayɓe le a ɗe to to gə nje ɓogo be. Dɔ ndɔ-ɛ le dara a nday kar kɔr-ɛ a ɓar ɓəgəgə-ɓəgəgə, pər a ro nekundaje gə ndogo dara tɔlɔg-tɔlɔg, ngaɓa nangə gə neje tɔ̰y gə to kəne d-a nday tɔ.

Apocalypse 1:7

Oje Jeju ar dɔ kil gə lə nji gə tar aw ɗe. Dəwje tɔ̰y d-a ko-e, nje gə d-ɔsə mbo kar-ɛ gə ninga ꞌmbudu ja kara d-a ko-e gə kəm-je, ngaɓa gəl kuji dəwje tɔ̰y gə dɔ nangə nee d-a no rɔ-je mba tar lə-a. Oyo!

Apocalypse 22:20

Nje pa tar naji gə ɔji dɔ neje gə nee le pa na: Oyo, m-aw m-ɗe ɓisine. Oyo! ꞌƊe, Mbayɓe Jeju!

Apocalypse 22:7

A o, m-aw m-ɗe ɓisine baa. Nokarə to kar dəw gə ngom tarje lə Luba gə pajambərə ɗa mə mbede gə nee le.

Apocalypse 3:11

M-a ɗe ɓisine. Uwa ne gə inga le gaa mba kar dəw kara kara ta dɔ gugu lə-i ang.

Apocalypse 3:3

Ar mə-i ole dɔ ɗəw gə ꞌta ne tar ta-je gə ose dɔ ɗəw gə ꞌtuga mbi-i o ne. ꞌNgom tar gə nee ɓo ꞌturu tar kəji lə-i; to gə ɓo unda kəm karə dɔ rɔ-i gə ang nama, m-a ɗe to gə nje ɓogo be, lal kar ꞌgərə kar gə m-a ɗe kuba-i ne nangə bus.